Ընկերություն Ալմաստ: բաց բաժնետիրական ընկերություն
Երևանի «Ալմաստ» գործարան, արհեստական ալմաստափոշիների սինթեզի և քարի ու բնական ոչ մետաղական նյութերի մշակման համար կտրող-հղկող գործիքներ արտադրող ձեռնարկություն։ Հիմնադրվել է 1964 թվականին։ Այժմ ձեռնարկությունը պատկանում է «ԱԼՄԱՍՏ» բաց բաժնետիրական ընկերությանը (տնօրեն Վանիկ Բաբկենի Հովսեփյան, 2015 թ.)։ 2011 թվականի դրությամբ ընկերությունում աշխատում էր 65 մարդ՝ 80 հազար դրամ միջին աշխատավարձով։
Ալմաստ | |
|---|---|
.jpg){kind=small} | |
| Տեսակ | հանրային ընկերություն |
| Հիմնադրված է | 1964 |
| Վայր | Երևան, Հայաստան |
| Երկիր |  Հայաստան |
| Կայք | almastcompany.com |
| Բորսա | ՀՖԲ․ ALMS |
ԽՍՀՄ տարիներ
Սինթետիկ ալմաստների թողարկմամբ երկրորդն էր ԽՍՀՄ-ում։ ԽՍՀՄ տարիներին արտադրանքն իրացվում էր ԽՍՀՄ-ում և արտասահմանում (ԱՄՆ, Գերմանիայի Դեմոկրատական Հանրապետություն, Հունգարիա, Բուլղարիա)։ 1975 թվականին Լայպցիզի միջազգային տոնավաճառում ալմաստե բաժակաձև օղակն արժանացել է ոսկե մեդալի, իսկ ԺՏՆՑ «Ալմաստ-75»-ում բազմաբյուրեղ ալմաստները՝ առաջին կարգի դիպլոմի։ ԽՍՀՄ-ի տարիներին գործարկվել է նաև Ապարանի շրջանի Արագածի արհեստական բազմաբյուրեղ ալմաստների մասնաճյուղը։
2013 թվական
Մանրածախ գներով 2013 թ –ի ընթացքում արտադրվել է 107.537.000 դրամի արտադրանք։ Արտադրության հումքը (մետաղ, անագ, պղինձ և այլն) ընկերությունը ձեռք է բերել Ռուսաստանից և Չինաստանից։ 2013 թվականին ներմուծել է Չինաստանից 7.122.010 դրամի ալմաստափոշի, իսկ Ռուսաստանից.
- 3.413.105 դրամի անագի փոշի,
- 2.265.442 դրամի կարծր համաձուլվածքային փոշի,
- 4.239.630 դրամի պղնձի փոշի։
Ընկերությունը արտահանել է Լեհաստան 553.205 դրամի ալմաստային գործիքներ։ 2013 թվականին իրացվել է 130.901.000 դրամի արտադրանք։ Արտադրանքի իրացումը հիմնականում եղել է տեղական շուկայում։
Ծանոթագրություններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 566)։  |
This article uses material from the Wikipedia Հայերեն article Ալմաստ (ընկերություն), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.