Խումբ Europe
Europe (հայերեն՝ Եվրոպա), շվեդական ռոք խումբ՝ հիմնադրված վոկալիստ Ջոու Թեմփեստի և կիթառահար Ջոն Նորումի կողմից 1979 թվականին Ստոկհոլմում՝ Force անվանմամբ։ Իր գոյության սկզբնական շրջանում խումբը հանդես էր գալիս գլեմ մետալ ժանրում, սակայն վերաստեղծումից հետո սկսեց հանդես գալ ժամանակակից հարդ ռոք և հևի մետալ ժանրերում։
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Europe | |
|---|---|
 Europe-ի համերգը Ստոկհոլմում (2014) | |
| Հիմնական տվյալներ | |
| Երկիր |  Շվեդիա |
| Ժանրեր | հարդ ռոք հևի մետալ գլեմ մետալ |
| Գործունեություն | 1979-1992, 1999 2003-այժմ |
| Լեյբլ | Epic Records Sanctuary Records |
| Պարգևներ | |
| Կայք | europetheband.com |
| Անդամներ | |
| Ջոու Թեմփեստ Ջոն Նորում Ջոն Լևեն Միք Միքայելի Յան Հոգլունդ | |
| Նախկին անդամներ | |
| Պետեր Օլսոն Մարսել Յակոբ Թոնի Ռենո Կի Մարսելո | |
 Europe (musical group) Վիքիպահեստում | |
Պատմություն
Europe խումբը իր դեբյուտային համանուն ալբոմը թողարկել է 1983 թվականին։ Ալբոմն առևտրական հաջողության չհասավ, չստացավ ոչ մի հավաստագիր և շվեդական չարթում զբաղեցրեց ընդամենը 8-րդ հորիզոնականը։ Մեկ տարի անց հետևեց Wings of Tomorrow լոնգփլեյը, որը ինչպես նախորդը, հաջողակ չէր։ 2 տարի անց թողարկվեց The Final Countdown-ը՝ խմբին փառք բերելով ամբողջ աշխարհում։ Այն 12 չարթերում առաջին տասնյակում էր, ստացավ 4 հավաստագիր։ Allmusic-ից Դագ Սթոնը տվյալ ալբոմն անվանեց «ամենավառերից և ամենանշանավորներից մեկը պատմության մեջ»։ Համանուն երգը դարձավ միջազգային հիթ։
Մեկ տարի անց Out of This World ալբոմը, որը կրկնեց իր նախորդի հաջողությունները, տեղ զբաղեցրեց 12 չարթերում, ստացավ 5 հավաստագիր։ 3 տարի անց թողարկվեց Prisoners in Paradise-ը , որը դարձավ առաջինը Շվեդիայում և հայտնվեց 6 չարթերում։ 1992 թվականին խումբը լուծարվեց, վոկալիստ Ջոու Թեմփեստը սկսեց զբաղվել մեներգչի կարիերայով։
1999 թվականին Europe-ի մասնակիցները կարճ ժամանակով միավորվեցին, որպեսզի Ստոկհոլմում համերգի ժամանակ հանդես գան «The Final Countdown» և «Rock the Night» երգերով։ 4 տարի հետո մամուլում հրապարակվեց պաշտոնական հայտարարություն այն մասին, որ խումբը վերամիավորվել է և աշխատում է նոր ալբոմի վրա։
2004 թվականին թողարկվեց Start from the Dark նոր սկավառակը, սակայն բացի 4 չարթերում տեղեր զբաղեցնելուց, այն ոչնչի չհասավ։ Ջոու Թեմփեստն ալբոմն անվանեց խմբի կրկնվող նորամուտը՝ կապված ձայնի արդիականացման և ժանրի փոփոխության հետ։ 4 տարի անց թողարկվեց Secret Society-ն, որը հայտնվեց 5 չարթերում։ 2009 թվականին թողարկված Last Look at Eden-ը հայտնվեց 6 չարթերում, Շվեդիայում ստացավ ոսկե կարգավիճակ, Allmusic-ի քննադատների կողմից հավանության արժանացավ։ 2012 թվականին թողարկվեց Bag of Bones ալբոմը։ Այն նախորդների համեմատ հաջողակ դարձավ. հայտնվեց 10 չարթերում և Շվեդիայում դարձավ ոսկե։ 2015 թվականի մարտի 2-ին թողարկվեց 10-րդ ստուդիական ալբոմը՝ War of Kings-ը, որը Շվեդիայի չարթերում զբաղեցրեց 2-րդ տեղը։
Սկավառակագրություն
- Europe (1983)
- Wings of Tomorrow (1984)
- The Final Countdown (1986)
- Out of This World (1988)
- Prisoners in Paradise (1991)
- Start from the Dark (2004)
- Secret Society (2006)
- Last Look at Eden (2009)
- Bag of Bones (2012)
- War of Kings (2015)
Խմբի կազմ
|
|
Արտաքին հղումներ
- Պաշտոնական կայք (անգլ.)
- Europe's official MySpace page
- Europe's official YouTube page
- Europe's official blog
- Europe at Metal Storm
 | Վիքիպահեստն ունի նյութեր, որոնք վերաբերում են «Europe (խումբ)» հոդվածին։ |
This article uses material from the Wikipedia Հայերեն article Europe (խումբ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.