45 Էուգենիա: աստերոիդ
(45) Էուգենիա (անգլ.՝ 45 Eugenia), աստերոիդ աստերոիդների հիմնական գոտում։ Հայտնաբերվել է 1857 թվականի հունիսի 27-ին Հերման Գոլդշմիդտի կողմից Փարիզում։
   Eugenia | |
|---|---|
| Հիմնական տվյալներ | |
| Հայտնաբերել է | Հերման Գոլդշմիդտ, 27 հունիս 1857 թ. |
| Ժամանակավոր համար | 1941 BN և A857 MA |
| Պատկանում է խմբին | աստերոիդների գոտի |
| JPL Small-Body Database | 20000045 |
| Բացարձակ մեծություն (H) | 7,46 |
| Հեռավորությունը Արեգակից | 2,721044 ա. մ. |
| Ուղեծրային տվյալներ | |
| Պերիհելին | 2,4963 ա. մ. |
| Ապոհելին | 2,9458 ա. մ. |
| Մեծ կիսաառանցք | 2,721044 ա. մ. |
| Էքսցենտրիսիտետ | 0,0825997092358754 |
| Սիդերիկ պարբերություն | 1639,46 օր (4,49 տարի) |
| Միջին շարժում | 0,219584 աստիճան/օր |
| Թեքվածություն | 6,6° (Խավարածրի նկատմամբ) |
| Ծագման անկյան երկայնություն | 147,69° |
| Պերիկենտրոնի արգումենտ | 88,39° |
| Միջին անոմալիա | 230,9 |
| Ֆիզիկական հատկանիշներ | |
| Շառավիղ | 107,315 կմ |
| Պտույտի պարբերություն | 5,699 ժ |
| Սպեկտրալ դաս | Աստերոիդների դաս F և աստերոիդների դաս C |
| Ալբեդո | 0,0398 |
 45 Eugenia Վիքիպահեստում | |
Բնութագրական տվյալները
Միջին հեռավորությունը Արեգակից կազմում է 2,721044 ա. մ., առավելագույնը մոտենում է 2,4963 ա. մ. հեռավորության վրա և հեռանում 2,9458 ա. մ., իսկ Երկրի ուղեծրին Էուգենիա աստերոիդը նվազագույնը մոտենում է 1,4972 ա. մ. հեռավորության վրա։ Արեգակի շուրջ մեկ ամբողջական պտույտ է կատարում 1639,46 երկրային օրվա ընթացքում, իր ուղեծրով շարժվելով միջինում 0,219584 աստիճան/օր արագությամբ։ Աստերոիդի ուղեծրի և խավարածրի հարթությունները իրար հետ կազմում են 6,6° անկյուն։
Ըստ Տոլենի սպեկտրալ դասակարգման պատկանում է C դասին։
Անուն
Անունն ստացել է Նապոլեոն III-ի կնոջ՝ կայսրուհի Եւգենյա դե Մոնտիխո դը Գուզմանի պատվին։ Դա եղել է առաջին դեպքը, երբ աստերոիդին շնորհվել է իրական և դեռևս ապրողի անուն։ Մինչ այդ աստերոիդներին տալիս էին անտիկ դիցաբանության հերոսների անուններ։ Չնայած, մի ժամանակ կարծիքներ կային, որ Վիկտորիա աստերոիդի անունը գալիս է Վիկտորյա թագուհու, այլ ոչ թե դիցաբանական անունից։
Արբանյակները
Ունի երկու արբանյակ, որոնցից մեկի անունն է Փոքրիկ իշխան։ Այդ անունը տրվել է ֆրանսիայի կայսրուհի Եվգենիայի որդու՝ երիտասարդ տարիքում մահացած Նապոլեոն IV-ի պատվին։ Բացի դա, այդ անունը նաև համահունչ է Անտուան դը Սենտ-Էքզյուպերիի «Փոքրիկ իշխանը» հեքիաթի հետ։
Փոքրիկ իշխանն ունի ընդամենը 13 կմ տրամագիծ և աստերոիդի շուրջը պտտվում է նրա հասարակածային հարթությունում մոտ 1200 կմ հեռավորության վրա մոտավորապես հինգ օր պարբերությամբ։.
Երկրորդ, ավելի փոքր (մոտավորապես 6 կմ տրամագծով) արբանյակը, որի ուղեծիրն ավելի մոտ է Էուգենիային (700 կմ), ստացել է S/2004 (45) 1 անունը Այն հայտնաբերվել է 2004 թ. փետրվարին Չիլիի աստղադիտակների երեք նկարների համադրումից։
Տես նաև
Ծանոթագրություններ
Արտաքին հղումներ
- Շմադել, Լուց (2003). Փոքր մոլորակների անունների բառարան (5-րդ վերանայված և ընդլայնված հրատարակություն ed.). Գերմանիա: Սփրինգեր. ISBN 978-3-540-00238-3. (անգլ.)
- Էուգենիա աստերոիդը Փոքր մոլորակների կենտրոնի կայքում (ուղեծրի տվյալները և դիտարկումները) (անգլ.)
This article uses material from the Wikipedia Հայերեն article (45) Էուգենիա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.