Օխոտի Ծով
Օխոտի ծով, Խաղաղ օվկիանոսի ծով, որից առանձնացված է Կամչատկա թերակղզով, Կուրիլյան կղզիներով, Հոկայդո կղզով։ Հարևան Ճապոնական ծովից առանձնացված է Սախալին կղզով։ Ողողում է Ռուսաստանի և Ճապոնիայի ափերը։ Նախկին անվանումն է՝ Կամչատյան ծով։
Մակերեսը՝ 1603 հզ. կմ²։ Միջին խորությունը՝ 821 մ, մաքսիմալ խորությունը՝ 3916 մ: Ծովի արևմտյան մասի շարունակությունը գտնվում է մայրցամաքի վրա և ունի մակերեսային խորություն։ Ծովի կենտրոնում տեղակայված են Դերյուգինա և Տինրո ծովախորշերը։ Արևելյան մասում է գտնվում Կուրիլի խոռոչը, որի խորությունը առավելագույնն է։ Հոկտեմբեր-մայիս-հունիս ամիսներին ծովի հյուսիսային մասը ծածկված է լինում սառույցով։ Հարավարևելյան մասը գրեթե չի սառչում։ Հյուսիսային ափը խիստ ընդգծված է՝ այնտեղ է գտնվում անենամեծ ծովածոցը՝ Էյրինեյան շուրթերը և Շելտինգի, Զաբիյակա, Բաբուշկինա, Կեկուրնի ծովածոցերը։ Հարավում ամենամեծ ծովածոցերն են՝ Անիվան և Տերպենիան, Իտուրուպ կղզում՝ Օդեսյան ծովածոցը։ Ծով են թափվում Ամուրը, Օխոտը և Կուխտույը։ Օհոտսկի ծովի հյուսիս-արեւելքում գտնվում է իր ամենամեծ ծովածոցը` Շեյխով ծովածոցը։ Զարգացած է ձկնորսությունը, ծովը հարուստ է սաղմոնով, ծովատառեխով, պոլիկոկով, կեպելինով, նավագայով և այլն, ծովամթերքով (Կամչատկան խեցգետին)։ 2014 թվականի մարտի 15-ից Օխոտի ծովը ամբողջությամբ համարվում է Ռուսաստանի բացառիկ տնտեսական գոտին (բացառությամբ Հոկկիդո կղզու հարանությամբ գտնվող մի փոքր մասի)։
Անվան մասին
Ծովն իր անվանումն ստացել է Օխոտ գետի անվանումից էվենսկ.՝ օկատ — «գետ»։ Նախկինում անվանել են Լամսկիմ էվենսկ.՝ լամ — «ծով»), նաև Կամչատյան ծով։ Ճապոնացիներն այս ծովն անվանում էին Խոկկայ (北海), որպես «Հյուսիսային ծով»։ Բայց, քանի որ այս անվանումը նույնացվում է Ատլանտյան օվկիանոսի Հյուսիսային ծովի հետ, նրանք այն վերանվանեցին Օխոցուկու-կայ (オホーツク海), որը ռուսական անունը հարմարեցում է ճապոնական հնչյուննին։
Մշակույթում
- Ավստրալիական «Ռուսաստանի վայրագ ծովը (անգլ.՝ Russia's Wild Sea, 2018) երկսերիանոց փաստավավերագրական ֆիլմը նվիրված է Օխոտի ծովին։
Ջերմային ռեժիմ և աղիություն
Ձմռանը ջրի ջերմաստիճանը ծովի մակերեսին կազմում է −1,8-ից մինչև 2,0 °C, ամռանը բարձրանում է մինչև 10-18 °C: Միջին շերտում՝ 50-150 մետր խորության մեջ ջրի սառը շերտն է, որտեղ ջերմաստիճանը ամբողջ տարին գրեթե անփոփոխ է՝ −1,7 °C: Խաղաղ օվկիանոսի Կուրիլյան նեղուցների մոտ ջրի ջերմաստիճանը կազմում է 2.5-2.7 ° C, խորքային ջերմաստիճանը՝ առավելագույնը 1.5-1.8 ° C: Աղիությունը ծովի վերին մակարդակում կազմում է 32,8—33,8 ‰: Միջնամասում աղիությունը 34,5‰ է։ Խորքային շերտերում ջրի աղիությունը կազմում է 34,3—34,4 ‰, ափամերձ հատվածներում աղիությունը 30 ‰-ից ցածր է։
| Մակերես մ | հունվար | Փետրվար | Մարտ | Ապրիլ | Մայիս | Հունիս | Հուլիս | Օգոստոս | Սեպտեմբեր | Հոկտեմբեր | Նոյեմբեր | դեկտեմբեր |
| 0 | 2,37 | 0,34 | 0,44 | 0,05 | 1,27 | 2,08 | 5,26 | 6,04 | 10,0 | 8,12 | 4,47 | 3,06 |
| 10 | 2,38 | 0,32 | 0,42 | 0,10 | 1,30 | 1,68 | 4,48 | 5,47 | 8,20 | 6,76 | 5,03 | 3,09 |
| 20 | 2,37 | 0,33 | 0,23 | 0,10 | 1,14 | 1,47 | 3,57 | 4,07 | 6,31 | 6,45 | 4,56 | 3,09 |
| 50 | 2,50 | 0,86 | 0,09 | 0,25 | 0,38 | 1,10 | 1,70 | 2,16 | 2,42 | 4,17 | 3,48 | 3,06 |
| 100 | 3,06 | 1,01 | 0,29 | 0,50 | 0,12 | 0,98 | 1,30 | 1,53 | 1,90 | 2,53 | 2,46 | 2,66 |
| 200 | 2,25 | 1,46 | 0,60 | 0,70 | 0,72 | 0,94 | 1,16 | 1,41 | 1,13 | 1,68 | 1,44 | 1,59 |
| 400 | 1,71 | 1,21 | 1,25 | 1,10 | 1,23 | 1,01 | 1,11 | 1,28 | 1,44 | 1,49 | 1,39 | 1,15 |
Արտաքին հղումներ
Ծանոթագրություններ
 | Վիքիպահեստն ունի նյութեր, որոնք վերաբերում են «Օխոտի ծով» հոդվածին։ |
This article uses material from the Wikipedia Հայերեն article Օխոտի ծով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.