Օլիվիա Իզաբել Ռոդրիգո (անգլ.՝ Olivia Isabel Rodrigo, փետրվարի 20, 2003(2003-02-20), Murrieta, Ռիվերսայդ շրջան, Կալիֆոռնիա, ԱՄՆ), ամերիկացի դերասանուհի և երգչուհի։ Նա հայտնի է Disney+ հարթակի «Փեյջ և Ֆրենկի» հեռուստասերիալում կատարած Փեյջ Օլիվերայի և «Ավագ դպրոցի մյուզիքլ» հեռուստասերիալում կատարած Նինի Սալազար Ռոբերտսի դերերով։ 2020 թվականին Ռոդրիգոն պայմանագիր է կնքել Interscope և Geffen Records լեյբլների հետ և 2021 թվականի հունվարին թողարկել է իր դեբյուտային՝ «Drivers License» երգը, որը գլխավորել է տարբեր երկրների, ներառյալ ԱՄՆ-ի չարթերը։
Օլիվիա Ռոդրիգո անգլ.՝ Olivia Isabel Rodrigo | |
---|---|
Ծնվել է | փետրվարի 20, 2003 (21 տարեկան) |
Ծննդավայր | Murrieta, Ռիվերսայդ շրջան, Կալիֆոռնիա, ԱՄՆ |
Քաղաքացիություն | ԱՄՆ |
Ազգություն | Filipino Americans?, գերմանական ծագումով ամերիկացի, իռլանդական ծագումով ամերիկացի, անգլիական ծագմամբ ամերիկացիներ և ավստրոամերիկացի |
Մայրենի լեզու | ամերիկյան անգլերեն |
Կրթություն | Oak Park High School? |
Երկեր | Bizaardvark?, High School Musical: The Musical: The Series?, Drivers License, Sour և An American Girl: Grace Stirs Up Success? |
Մասնագիտություն | հեղինակ-կատարող, դերասանուհի և երգչուհի |
Պարգևներ և մրցանակներ | |
Կայք | oliviarodrigo.com |
Ստորագրություն | |
Olivia Rodrigo Վիքիպահեստում |
Ծնվել է 2003 թվականի փետրվարի 20-ին Կալիֆոռնիա նահանգի Տեմեկուլա քաղաքում։ Հորական կողմից ունի ֆիլիպինյան արմատներ, իսկ մորից՝ գերմանական և իռլանդական։ Վեց տարեկանից Ռոդրիգոն սկսել է դերասանական վարպետության և վոկալի դասերի հաճախել, նա նաև թատերական ներկայացումների է մասնակցել տարրական և միջնակարգ դպրոցներում։ «Փեյջ և Ֆրենկի» հեռուստասերիալում դեր ստանալուց հետո նա տեղափոխվում է Լոս Անջելես։
Ռոդրիգոն առաջին անգամ էկրաններին է հայտնվել, նկարահանվելով «Old Navy»-ի գովազդային հոլովակում։ 2015 թվականին նա կատարել է իր դերասանական դեբյուտը, նկարահանվելով «Ամերիկուհին։ Գրեյսը նպաստում է հաջողությանը» ֆիլմում՝ կատարելով Գրեյս Թոմասի դերը։ 2016 թվականին Ռոդրիգոն ճանաչում ձեռք բերեց, երեք եթերաշրջան նկարահանվելով Դիսնեյ ալիքի «Փեյջ և Ֆրենկի» հեռուստասերիալում՝ կատարելով կիթառահարուհի Փեյջ Օլիվերայի դերը։
2019 թվականի փետրվարին նա ընդգրկվել է Disney+ ալիքի «Ավագ դպրոցի մյուզիքլ» հեռուստասերիալի դերասանական կազմում որպես Նինի Սալազար Ռոբերտս, որի պրեմիերան տեղի է ունեցել նույն թվականի նոյեմբերին։ Շոուի սաունդթրեքի համար Ռոդրիգոն գրել է «All I Want» երգը և համահեղինակել է «Just for a Moment» երգը՝ Ջոշուա Բասեթի հետ միասին։
2020 թվականին Ռոդրիգոն պայմանագիր է կնքել Interscope Records և Geffen Records լեյբլների հետ։ 2021 թվականի հունվարի 8-ին նա թողարկել է իր դեբյուտային՝ «Drivers License» սինգլը, որը համահեղինակել է պրոդյուսեր Դան Նիգրոյի հետ միասին։ Թողարկումից մեկ շաբաթվա ընթացքում «Drivers License»-ը քննադատների կողմից դրական արձագանքների է արժանացել և երկակի անգամ Spotify հարթակում նոր ռեկորդ է սահմանել՝ որպես մեկ օրվա ընթացքում ամենաշատ սթրիմված երգ, նույնիսկ ոչ տոնական երգի համար։ Հունվարի 11-ին Ռոդրիգոյի երգն արդեն ուներ 15․7 միլիոն գլոբալ սթրիմինգ Spotify-ում, որը նա գերազանցել է հաջորդ օրը՝ 17 միլիոն գլոբալ սթրիմինգով։ Երգը դեբյուտ է կատարել ամերիկյան Billboard Hot 100 չարթի, ինչպես նաև Ավստրալիայի, Իռլանդիայի, Նոր Զելանդիայի, Նիդերլանդների, Նորվեգիայի և Միացյալ Թագավորության չարթերի առաջին հորիզոնականներում։ Հարցազրույցի ժամանակ Ռոդրիգոն կիսվել է իր տպավորություններով, նշելով, որ «Սա իմ կյանքի ամենախենթ շաբաթն էր․․․ Ամբողջ կյանքս փոխվեց ընդամենը մեկ ակնթարթում»։ 2021 թվականի ապրիլի 1-ին նա թողարկել է «Deja Vu» սինգլը։ Նույն օրն ավելի ուշ նա հայտարարել է իր դեբյուտային՝ «Sour» ստուդիական ալբոմի թողարկման մասին, որը տեղի է ունեցել 2021 թվականի մայիսի 21-ին։
Թեյլոր Սվիֆթին և Լորդին Ռոդրիգոն նշել է որպես իր կուռքեր և ամենամեծ ոգեշնչումներ։ Նա ինքն իրեն նկարագրել է որպես «ամենամեծ Սվիֆթին ամբողջ աշխարհում»։
Տարեթիվ | Անվանում | Դեր | Նշումներ |
---|---|---|---|
2015 | Ամերիկուհին։ Գրեյսը նպաստում է հաջողությանը | Գրեյս Թոմաս | |
2016–2019 | Փեյջ և Ֆրենկի | Փեյջ Օլիվերա | Գլխավոր դեր |
2017 | Նորեկ | Թերենիա | Սերիա՝ «Young Adult» |
2019-ներկա | Ավագ դպրոցի մյուզիքլ | Նինի Սալազար Ռոբերտս | Գլխավոր դեր |
Վիքիպահեստն ունի նյութեր, որոնք վերաբերում են «Օլիվիա Ռոդրիգո» հոդվածին։ |
This article uses material from the Wikipedia Հայերեն article Օլիվիա Ռոդրիգո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.