Վիտալի Շչերբո
Վիտալի Շչերբո, (ռուս.՝ Виталий Венедиктович Щербо, բելառուս․՝ Віталь Венядзіктавіч Шчэрба, հունվարի 13, 1972(1972-01-13), Մինսկ, Բելառուսական ԽՍՀ, ԽՍՀՄ), խորհրդային և բելառուս մարմնամարզիկ, օլիմպիական խաղերի վեցակի չեմպիոն։ Համարվում է բոլոր ժամանակների լավագույն մարմնամարզիկներից մեկը.
միակ տղամարդ մարմնամարզիկն է, որ աշխարհի չեմպիոն է դարձել բոլոր ութ մրցաձևերում՝ անհատական ու թիմային հաշվարկով, ինչպես նաև՝ բոլոր վեց գործիքների վրա։ Շչերբոն նաև միակ ոչ լողորդ մարզիկն է, որ կարողացել է վեց ոսկե մեդալ նվաճել մեկ օլիմպիադայում, ընդ որում՝ դրանցից չորսը՝ միևնույն օրը (մարզական այդ սխրանքը նա գործել է 1992 թվականին Բարսելոնում անցկացված ամառային օլիմպիական խաղերի ժամանակ)։ Իր մարզական այդ խոշոր ավարին հաջորդ՝ Ատլանտայի 1996 թվականի օլիմպիադայում նա ավելացրել է ևս չորս, բայց այս անգամ արդեն բրոնզե մեդալ։
| Վիտալի Շչերբո | ||
|---|---|---|
| Անձնական տեղեկություն | ||
| Սեռ՝ | արական | |
| Բնօրինակ անուն՝ | բելառուս․՝ Віталь Венядзіктавіч Шчэрба | |
| Մասնագիտացում՝ | սպորտային մարմնամարզիկ | |
| Երկիր՝ |  ԽՍՀՄ,  Բելառուս և  ԱՄՆ | |
| Ծննդյան ամսաթիվ՝ | հունվարի 13, 1972 (52 տարեկան) | |
| Ծննդավայր՝ | Մինսկ, Բելառուսական ԽՍՀ, ԽՍՀՄ | |
| 169 սանտիմետր | ||
| Քաշ՝ | 78 կիլոգրամ | |
Պարգևներ  | ||
Մասնակցելով մարմնամարզության աշխարհի վեց առաջնությունների՝ Վիտալի Շչերբոն ընդհանուր առմամբ նվաճել է 23 մեդալ (դրանցից տասներկուսը՝ ոսկե)։ Եվս 18 մեդալ (դրանցից 10-ը՝ ոսկե) նա նվաճել է Եվրոպայի 1990, 1992, 1994, 1996 թվականների առաջնություններում։
Մարզական աննախադեպ ձեռքբերումների համար Վիտալի Շչերբոն 1991 թվականին արժանացել է ԽՍՀՄ, 1994 թվականին՝ Բելառուսի Հանրապետության սպորտի վաստակավոր վարպետի կոչումների։ 2009 թվականին էլ, ուկրաինացի նշանավոր մարմնամարզիկ Վիկտոր Չուկարինի և ռումին Օկտավիան Բելուի հետ, նա ներառվել է մարմնամարզության միջազգային փառքի սրահում։
Մեծահամբավ մարզիկը ներկայումս ապրում է Ամերիկայի Միացյալ Նահանգներում։ Նրա անունով է կոչվել ամերիկյան Լաս Վեգաս քաղաքի մարզապալատներից մեկը։
Նվաճումներ
Օլիմպիական խաղեր
| Մրցաձևը/Տարին | Բարսելոն 1992 | Ատլանտա 1996 |
|---|---|---|
| Թիմային | 1-ին | 4-րդ |
| Ընդհանուր մրցումներ | 1-ին | 3-րդ |
| ազատ վարժություններ | 6-րդ | 7-րդ |
| նժույգ (վարժութ.) | 1-ին | - |
| օղակներ | 1-ին | - |
| նժույգ (ցատկ) | 1-ին | 3-րդ |
| զուգափայտեր | 1-ին | 3-րդ |
| պտտաձող | - | 3-րդ |
Աշխարհի առաջնություններ
| Մրցաձևը/Տարին | Ինդիանապոլիս 1991 | Փարիզ 1992 | Բիրմինգհեմ 1993 | Բրիսբեն 1994 | Դորտմունդ 1994 | Սաբա 1995 | Սան Խուան 1996 |
|---|---|---|---|---|---|---|---|
| Թիմային | 1-ին | 4-րդ | 6-րդ | ||||
| Ընդհանուր մրցումներ | 2-րդ | 1-ին | 3-րդ | 2-րդ | |||
| ազատ վարժություններ | 2-րդ | 2-րդ | 2-րդ | 1-ին | 1-ին | 1-ին | |
| նժույգ (վարժություններ) | - | 1-ին | 8-րդ | - | - | - | |
| օղակներ | - | 1-ին | - | - | - | - | |
| նժույգ (ցատկ) | 2-րդ | - | 1-ին | 1-ին | 3-րդ | 4-րդ | |
| զուգափայտեր | 8-րդ | - | 1-ին | 6-րդ | 1-ին | 2-րդ | |
| պտտաձող | 3-րդ | - | 4-րդ | 1-ին | 5-րդ | 3-րդ |
Եվրոպայի առաջնություններ
| Մրցաձևը/Տարին | Լոզան 1990 | Բուդապեշտ 1992 | Պրահա 1994 | Կոպենհագեն 1996 |
|---|---|---|---|---|
| Թիմային | - | - | 1-ին | 3-րդ |
| Ընդհանուր մրցումներ | 5-րդ | 3-րդ | - | 2րդ |
| ազատ վարժություններ | 1-ին | 1-ին | - | 1-ին |
| նժույգ (վարժություններ) | - | 2-րդ | - | - |
| օղակներ | - | 2-րդ | - | - |
| նժույգ (ցատկ) | 1-ին | 1-ին | 1-ին | 1-ին |
| զուգափայտեր | 3-րդ | - | 1-ին | |
| պտտաձող | 1-ին | - | 2-րդ | 3--րդ |
Բռնաբարության կասկած
2017 թվականի հոկտեմբերին նախկին խորհրդային մարմնամարզուհի Տատյանա Գուցուն Վիտալիին մեղադրել է, որ նա բռնաբարել է իրեն, երբ ինքը 15 տարեկան է եղել։
Ծանոթագրություններ
Արտաքին հղումներ
- Vitaly Scherbo School of Gymnastics
- List of competition results at Gymn Forum
- Profile (Belarus Olympic Committee)
- В. Шчэрба на сайце Беларускай асацыяцыі гімнастыкі
- Віталь Шчэрба на Алімпійскіх гульнях Արխիվացված 2010-06-26 Wayback Machine (անգլ.)
- Віталь Шчэрба на сайце МАК (անգլ.)
 | Վիքիպահեստն ունի նյութեր, որոնք վերաբերում են «Վիտալի Շչերբո» հոդվածին։ |
This article uses material from the Wikipedia Հայերեն article Վիտալի Շչերբո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.