Սեդա Թումանյան: հայ գյուղատնտես, թարգմանչուհի
Սեդա Թումանյան նաև Սեդա-Հայկանուշ Թումանյան (1905, Թիֆլիս, Ռուսական կայսրություն - 1988), հայ գյուղատնտես և թարգմանչուհի։
- Վիքիպեդիայում կան հոդվածներ Թումանյան ազգանունով այլ մարդկանց մասին։
| Սեդա Հովհաննեսի Թումանյան Սեդա-Հայկանուշ Հովհաննեսի Թումանյան | |
|---|---|
 | |
| Ծնվել է | 1905 |
| Ծննդավայր | Թիֆլիս, Ռուսական կայսրություն |
| Մահացել է | 1988 |
| Քաղաքացիություն |  Ռուսական կայսրություն և .svg){kind=small} Հայկական ԽՍՀ |
| Կրթություն | Գայանյան օրիորդաց դպրոց և Երևանի պետական համալսարան |
| Մասնագիտություն | գյուղատնտես, ռենտգենաբան և թարգմանչուհի |
| Ծնողներ | հայր՝ Հովհաննես Թումանյան, մայր՝ Օլգա Թումանյան |
| Երեխաներ | Իրմա Թումանյան |
Բանաստեղծ Հովհաննես Թումանյանի դուստրը։
Անվան պատմությունը
Ծննդյան վկայականում Սեդա անվան դիմաց գրված է նաև Հայկանուշ։ Այն մի պատմական հանդիպման արդյունք է, որը տեղի ունեցավ մինչ աղջկա ծնունդը Անդրանիկ զորավարի և Հովհաննես Թումանյանի միջև։ Իմանալով, որ Թումանյանների ընտանիքում համալրում է սպասվում, Անդրանիկ զորավարն առաջարկում է Հովհաննես Թումանյանին տղա ծնվելու դեպքում, ի նշան իրենց բարեկամության, երեխային կոչել Հայկ՝ իր քեռորդու անունով, ով ընկել էր հերոսի մահով, իսկ աղջկա դեպքում Հայկանուշ՝ ի հիշատակ իր քրոջ վաղամեռիկ դստեր։ Հովհաննես Թումանյանը չի անտեսում իր բարեկամի կամքը, բայց և կատարում է իր ընտանիքի կամքը` նորածնին կոչելով՝ Սեդա-Հայկանուշ։
Կենսագրություն
Սեդա Թումանյանը ծնվել է 1905 թվականին Թիֆլիսում։ Գայանյան օրիորդաց դպրոցն ավարտելուց հետո Սեդան սովորել է Երևանի պետական համալսարանի գյուղատնտեսական ֆակուլտետում և Եսսենտուկիում մասնակցել ռենտգենոլոգիայի դասընթացներին։ Թարգմանել է Պոլ դե Կրայֆի «Միկրոբներ որոնողները» գիրքը, որ պատմում է Կոխի, Պաստերի, Մեչնիկովի մասին։ Սեդան մեծ մասնակցություն է ունեցել Թիֆլիսի իրենց բնակարանից իրերի` Երևան փոխադրման և հուշասենյակների ձևավորման գործում։
Ունեցել է մեկ դուստր` Իրմա անունով։
Մահացել է 1988 թվականին։
Պատկերասրահ
-
Թումանյանների ընտանիքը
Աղբյուրներ
This article uses material from the Wikipedia Հայերեն article Սեդա Թումանյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.