Ջուլիանա Հաֆ (անգլ.՝ Julianne Alexandra Hough, հուլիսի 20, 1988(1988-07-20), Orem, Յուտա շրջան, Յուտա, ԱՄՆ), ամերիկացի պարուհի, խորեոգրաֆ, երգչուհի, դերասանուհի։
Ջուլիանա Հաֆ | |
---|---|
Ծնվել է | հուլիսի 20, 1988 (35 տարեկան) |
Ծննդավայր | Orem, Յուտա շրջան, Յուտա, ԱՄՆ |
Կրթություն | Թատերական արվեստի Իտալիա Կոնտի ակադեմիա, Alta High School? և Las Vegas Academy? |
Քաղաքացիություն | ԱՄՆ |
Մասնագիտություն | դերասանուհի, երաժիշտ, երգչուհի, երգերի հեղինակ, կինոդերասանուհի, հեռուստատեսային դերասանուհի, պարուհի և պարուսույց |
Ժանրեր | Քանթրի |
Ամուսին(ներ) | Brooks Laich? |
Համատեղ ապրող(ներ) | Ռայան Սիքրեսթ |
Ջուլիանան ծնվել է Յուտա նահանգի Սոլթ Լեյք Սիթի արվարձանում գտնվող Օրեմ փոքրիկ քաղաքում։ Ունի եղբայր՝ Դերեկը և երեք քույր` Շերի, Մերեբեթ և Քեթրին։
Որոշ ժամանակ ապրել է Լոնդոնում, որից հետո վերադարձել է ԱՄՆ, որտեղ մեկ տարի շարունակ մոր հետ ապրել է Լաս Վեգասում, ապա վերադարձել է Յուտա՝ հոր մոտ։ Որոշ ժամանակ անց տեղափոխվել է Լոս Անջելես։
Դերասանուհու կարիերան սկսել է 2001 թվականին՝ նկարահանվելով «Հարի Փոթերը և Փիլիսոփայական քարը» ֆիլմում։
Տասնհինգ տարեկանում դարձել է ամենաերիտասարդ պարողը, որը Մեծ Բրիտանիայի Blackpool Dance Festival-ի լատինոամերիկյան պարային մրցույթի երկու կատեգորիաներում՝ «Պատանեկան» և «Երիտասարդական», հաղթել է։
Մասնակցել է ABC ալիքով հեռարձակվող «Աստղերի հետ պարեր (ԱՄՆ)» ծրագրի ամերիկյան տարբերակին, որտեղ պարել է չմշկորդ Ապոլո Անտոն Օնոյի (չորրորդ եթերաշրջան) և դերասան Քոդի Լինլիի (յոթերորդ եթերաշրջան) հետ։
2008 թվականի նոյեմբերի 20-ին հայտարարել էր, որ մոտ ապագայում չի վերադառնա «Աստղերի հետ պարեր»-ին մասնակցելու և իր ժամանակը կնվիրի երաժշտական կարիերային։
2019 թվականից ամերիկյան հայտնի «America’s Got Talent» տաղանդների շոուի դատավորներից մեկն է։
«Will You Dance With Me» քանթրի ոճի առաջին սինգլը թողարկվել է 2007 թվականի մայիսին iTunes-ում և Wal-Mart-ում, իսկ վաճառքից ստացված գումարը փոխանցվել է ամերիկյան Կարմիր խաչին։ Ավելի ուշ այս սինգլը հայտնվել է Billboard Pop 100-ում, որից հետո պայմանագիր է ստորագրել Universal Music Group Nashville ընկերության հետ։
2008 թվականին երգչուհու թողարկված «Season of Season: The Julianne Hough Holiday Collection» առաջնաելույթային ալբոմը հայտնվել է Billboard 200 չարթի 3-րդ հորիզոնականում։
2009 թվականի հունվարի 15-ին Վիսկոնսին նահանգի Գրին Բեյ քաղաքում տեղի է ունեցել առաջին մենահամերգը։
2017 թվականի հուլիսի 8-ից Ջուլիանան ամուսնացած է հոկեյիստ Բրուքս Լայքի հետ, որի հետ հանդիպում էր իրենց հարսանիքից 3 տարի առաջ։
Տարի | Հայերեն անվանում | Բնօրինակ անվանում | Դեր | |
---|---|---|---|---|
2001 | ֆ | Հարրի Փոթերը և Փիլիսոփայական քարը | Harry Potter and the Sorcerer’s Stone | Հոթվարթսի աշակերտուհի |
2010 | ֆ | Ծաղրանկար | Burlesque | Ջորջիյա |
2011 | ֆ | Առանց կապանքների | Footloose | Արիել Մուր |
2012 | ֆ | Ռոք դարերի համար | Rock of Ages | Շերի Քրիսթիան |
2013 | ֆ | Հանգիստ հանգրվան | Safe Haven | Քեթի |
2016 | ֆ | Թեթևաբարո պապիկը | Dirty Grandpa | Մերեդիտ Գոլդշտեյն |
2016 | ֆ | Պարզապես բառեր չկան | Speechless | Միս Բլում |
Վիքիպահեստն ունի նյութեր, որոնք վերաբերում են «Ջուլիանա Հաֆ» հոդվածին։ |
This article uses material from the Wikipedia Հայերեն article Ջուլիանա Հաֆ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.