Ուեֆա Չեմպիոնների Լիգայի Եզրափակիչ 2022
ՈՒԵՖԱ Չեմպիոնների Լիգայի եզրափակիչ 2022 ՈՒԵՖԱ Չեմպիոնների Լիգա 2021-2022 մրցաշրջանի եզրափակիչ խաղը, ՈՒԵՖԱ Չեմպիոնների լիգայի 67-րդ խաղարկության եզրափակիչն էր, և 30-րդը՝ Չեմպիոնների լիգա վերանվանվելուց հետո (մինչ այդ կոչվում էր Եվրոպայի չեմպիոնների գավաթ)։ Այն կայացավ Ֆրանսիայի Սեն Դենիի Ստադ դը Ֆրանս մարզադաշտում 2022 թվականի մայիսի 28-ին անգլիական Լիվերպուլի և իսպանական Ռեալ Մադրիդի միջև։ Այն արկու ակումբների մասնակցությամբ երրորդ եզրափակիչն էր 1981 և 2018 թվականների եզրափակիչներից հետո և երրորդը Ստադ դը Ֆրանսում, 2000 և 2006 թվականների եզրափակիչներից հետո և առաջին անգամ նույն երկու ակումբները հանդիպեցին երեք եզրափակիչներում։
 | |||||||
| Իրադարձություն | ՈՒԵՖԱ Չեմպիոնների Լիգա 2021-2022 | ||||||
|---|---|---|---|---|---|---|---|
| |||||||
| Ամսաթիվ | 28 Մայիս 2022 | ||||||
| Մարզադաշտ | Ստադ դը Ֆրանս, Սեն Դենի | ||||||
| Հանդիպման խաղացող | Տիբո Կուրտուա (Ռեալ Մադրիդ) | ||||||
| Մրցավար | Կլեման Տյուրպան (Ֆրանսիա) | ||||||
| Հանդիսական | 75,000 | ||||||
| Եղանակ | Մասնակի ամպամած 18 °C (64 °F) 45% խոնավություն | ||||||
Սա առաջին եզրափակիչն էր 2019 թվականից հետո, որ թույլատրվեց անկացնել ամբողջությամբ լեցուն հանդիսատեսների մասնակցությամբ, քանի որ նախորդ եզրափակիչներում կային սահմանափակումներ կապված COVID-19 համավարակի հետ։ Նախապես որոշված էր եզրափակիչն անցկացնել Մյունխենի Ալյանց Արենա մարզադաշտում։ 2020 թվականի եզրափակչի տեղափոխությունից հետո բոլոր ընդունող մարզադաշտերը հետափգվեցին մեկ տարով և 2022 թվականի եզրափակչի անցկացնելու իրավունքը փոխանցվեց Սանկտ Պետերբուրգի Կրեստովսկի մարզադաշտին։ Փետրվարի 24-ին Ռուսաստանի կողմից Ուկրաինա ներխուժելուց հետո, ՈՒԵՖԱ-ն հրավիրեց արտահերթ նիստ մեկ օր անց և եզրափակիչը տեղափոխեց Ստադ դը Ֆրանս։ Հանդիպումից առաջ ամբոխի կառավարման վերահսկողության պատճառով հանդիպումը հետաձգվեց 36 րոպեով։
Նախապատմություն
Լիվերպուլը խաղաց իր 10-երորդ Եվրոպական հավաթի/Չեմպիոնների լիգայի եզրափակչում։ Մինչ այդ հաղթել էր 5 եզրափակչում (1977, 1978, 1981, 1984, 2005 և 2019 թվականներին) և պարտվել երեքում (1985, 2007 և 2018 թվականներին)։ Սա չորրորդ Չեմպիոնների լիգայի եզրափակիչն էր Լիվերպուլի մարզիչ Յուրգեն Կլոպի համար Բորուսիա Դորտմունդի հետ 2013 թվականին և Լիվերպուլի հետ 2018 ու 2019 թվականներին։ Բացի Եվրոպական գավաթ/Չեմպիոնների լիգայի եզրափակչներ, Լիվերպուլը նաև մասնակցել է ՈՒԵՖԱ Գավաթակիրների գավաթի եզրափակչին 1966 թվականին՝ պարտվելով Բորուսիա Դորտմունդին և չորս ՈՒԵՖԱ Եվրոպայի Լիգայի եզրափակչների՝ հաղթելով երեքում։ Յուրգեն Կլոպը դարձել էր չորրորդ գերմանացի մարզիչը, ով հաղթել էր Չեմպիոնների լիգայում։
Ռեալ Մադրիդը խաղաց ռեկորդային 17-րդ անգամ Եվրոպական գավաթ/Չեմպիոնների լիգայի եզրափակչում և առաջին անգամ 2018 թվականին Լիվերպուլի նկատմամբ հաղթանակից հետո։ Մինչ այդ նրանք հաղթել էին 13 եզրափակիչներում (1956, 1957, 1958, 1959, 1960, 1966, 1998, 2000, 2002, 2014, 2016, 2017 և 2018 թվականներին) և պարտվել են երեքում (1962, 1964 և 1981 թվականներին)։ Նրանց մարզիչ Կառլո Անչելոտիի համար սա հինգերորդ Չեմպիոնների լիգայի եզրափակիչն էր՝ հաղթելով 2003 և 2007 թվականներին և պարտվելով 2005 թվականին թրպես Միլանի մարզիչ և հաղթելով 2014 թվականի եզրափակչում որպես Ռեալ Մադրիդի մարզիչ և հաղթանակի դեպքում կդառնար Չեմպիոնների լիգայի պատմության մեջ միակ չորս գավաթ նվաճած մարզիչը։ Ռեալ Մադրիդը նաև խաղացել է Գավաթակիրների գավաթի երկու խաղարկության և երկու ՈՒԵՖԱ գավաթի խաղարկության։
Ռեկորդային երրորդ անգամ երկու ակումբները հանդիպեցին եզրափակչում։ 1981 թվականի եզրափակիչը կայացավ Փարիզի Պարկ դե Պրենս մարզադաշտում և Լիվերպուլն առավելության հասավ 1-0 հաշվով և 2018 թվականի եզրափակիչը տեղի ունեցավ Կիևի Ազգային Օլիմպիական սպորտային համալիրում և հաղթանակ տարավ Ռեալ Մադրիդը 3-1 հաշվով։ Սա Կառլո Անչելոտիի համար որպես մարզիչ երրորդ եզրափակիչն էր Լիվորպուլի դեմ 2005 և 2007 թվականներից հետո, նա նաև պարտվել էր 1984 թվականի եզրափակչում որպես Ռոմայի ֆուտբոլիստ։ Վեցերորդ անգամ անգլիական ակումբը եզրափակչում հանդիպեց իսպանական ակումբի հետ եզրափակչում։
Բացի 1981 և 2018 թվականների եզրափակիչներից երկու ակումբները հանդիպել էին վեց անգամ։ Լիվերպուլը հաղթել էր ՈՒԵՖԱ Չեմպիոնների Լիգա 2008-2009 մրցաշրջանի 1/8 եզրափակչի երկու խաղերում (1–0 դրսում և 4–0 տանը)։ Երկու ակումբները նաև հանդիպեցին ՈՒԵՖԱ Չեմպիոնների Լիգա 2014-2015 մրցաշրջանի խմբային փուլում և Ռեալն առավելություն հասավ 3-0 դրսում և 1-0 տանը։ ՈՒԵՖԱ Չեմպիոնների Լիգա 2020-2021 մրցաշրջանի քառորդ եզրափակչում Ռեալը առավաելության հասավ 3-1 և 0-0 հաշիվներով։
Նախորդ եզրափակիչներ
Ներքևի աղյուսակում եզրափակչները մինչև 1992 թվականը եղել են Եվրոպական գավաթի ժամանակաշրջանում, իսկ 1993 թվականից հետո ՈՒԵՖԱ Չեմպիոնների Լիգայի ժամանակաշրջանում:
| Ակումբ | Նախորդ եզրափակիչները (թավատառով հաղթանակներ) |
|---|---|
 Ռեալ Մադրիդ | 16 (1956, 1957, 1958, 1959, 1960, 1962, 1964, 1966, 1981, 1998, 2000, 2002, 2014, 2016, 2017, 2018) |
 Լիվերպուլ | 9 (1977, 1978, 1981, 1984, 1985, 2005, 2007, 2018, 2019) |
Ծանոթագրություններ
This article uses material from the Wikipedia Հայերեն article ՈՒԵՖԱ Չեմպիոնների Լիգայի եզրափակիչ 2022, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.