Финали Лигаи Қаҳрамонҳои Уефа 2022

Ин бозӣ байни тими инглисии «Ливерпул» ва тими испониёии «Реал Мадрид» дар варзишгоҳи «Стад де Франс» дар таърихи 28-уми майи 2022, соати 23:50 ба вақти Душанбе баргузор мешавад. Ин бозӣ пас аз солҳои 1981 ва 2018 сеюмин боре аст, ки ин ду тим рӯ дар рӯи ҳам қарор мегиранд; Ҳамчунин барои аввалин бор дар таърихи Лигаи Қаҳрамонҳои Урупо ва Ҷоми бошгоҳҳои Урупо аст, ки ду тим дар се финали мухталиф муқобили ҳам қарор мегиранд.

Ин бозӣ ибтидо қарор буд дар варзишгоҳи «Алянс Арена» дар Мюнхени Олмон баргузор шавад. Бо ин ҳол, ба далели таъхир афтодан ва ҷобаҷои финали 2020, мизбони ниҳоӣ як соо ба ақиб мунтақил шуд ва Санкт-Петербург мизбони финали 2022 шуд. Дар феврали 2022, УЕФА таъйид кард, ки бинобар сабаби бӯҳрони Русия ва Укроин финалро ба ҷои дигаре мунтақил хоҳад кард. Пас аз ҳамлаи Русия ба Укроин, дар 24-уми феврал, УЕФА як ҷаласаи фавқулоддаи кумитаи иҷроияро фаро хонд; Ҷое ки интизор мерафт маҳали баргузории ин мусобиқа расман аз Русия хориҷ шавад. Рӯзи баъд, УЕФА таъйид кард, ки финал ба варзишгоҳи «Стад де Франс», воқеъ дар шимоли Порис гузаронда хоҳад шуд. Ин сеюмин боре аст, ки Лигаи Қаҳрамонҳои Урупо дар ин варзишгоҳ баргузор мешавад. Ин варзишгоҳ қаблан мизбони финалҳои 2000 ва 2006 буда аст. Ғолиби ин дидор дар Суперҷоми Урупо 2022 бо қаҳрамони Лигаи Урупо 2021/22 – тими «Айнтрахт»-и шаҳри Франкфурт бозӣ хоҳад кард.