Նորալուսին (լատին․՝ Luna nova, novilunium), Լուսնի փուլ, որի ժամանակ նրա էկլիպտիկ երկայնությունը նույնն է, ինչ Արևինը։ Այդպիսով, այդ պահին Լուսինը գտնվում է Երկրի ու Արևի միջև նրանց հետ գրեթե մեկ գծի վրա։ Եթե նրանք գտնվում են ճիշտ նույն գծի վրա, տեղի է ունենում Արևի խավարում։
Նորալուսնի ժամանակ Լուսինը տեսանելի չի լինում գիշերային երկնքում, քանի որ այդ ժամանակ նա շատ մոտ է լինում Արևին երկնային մթնոլորտում (ոչ հեռու, քան 5°) և միևնույն ժամանակ այն շրջված է լինում դեպի մեզ գիշերային կողմով։ Երբեմն, սակայն, այն կարելի է տեսնել արևի սկավառակի ֆոնին (Արևի խավարում)։ Բացի այդ, որոշ ժամանակ անց (սովորաբար մոտ 2 օր) նորալուսնից հետո կամ առաջ շատ պարզ մթնոլորտի դեպքում ամեն դեպքում հնարավոր է նկատել Լուսնի սկավառակը` լուսավորված Երկրից արտացոլվող թույլ լույսով (Լուսնի մոխրագույն լույս)։
Նորալուսինների միջև շրջափուլը տևում է միջին հաշվով 29.530589 օր (սինոդիկ ամիս)։
Նորալուսնի տոնումը հատկապես մեծ դեր ունի Հին կտակարանում (Թվեր 10:10, 23:24)։ Այն նշանավորվել է հատուկ զոհաբերություններով, որոնք ուղեկցվել են փողային գործիքի նվագակցությամբ։ Նորալուսնի ուրախ օրերը նշվել են ընդհանուր հավաքներով, առավոտյան և երեկոյան տաճարներում զոհաբերություններով։ Նորալուսնի օրերին չեղարկվել են պահքերը, դադարեցրել են առևտուրը և հասարակական զբաղմունքները։ Պողոս առաքյալը գրել է, որ այս բոլոր տոները եղել են «ապագայի ստվերները» (Թուղթ առ Կողոսացիս 2:16)։
Վիքիպահեստն ունի նյութեր, որոնք վերաբերում են «Նորալուսին» հոդվածին։ |
This article uses material from the Wikipedia Հայերեն article Նորալուսին, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.