Յամբոլ
Յամբոլ (բուլղարերեն՝ Я̀мбол), քաղաք Բուլղարիայի հարավարևելյան մասում, պատմական Թրակիայի տարածքում, Տունջա գետի ափին։ Նույնանուն մարզի ու համայնքի վարչական, տնտեսական, կրթական,մշակութային կենտրոնն է։ Բնակչության թվաքանակը 2011 թվականի տվյալներով եղել է 74.132(2011):
| Բնակավայր | |||||
|---|---|---|---|---|---|
| Յամբոլ | |||||
| |||||
 | |||||
| Երկիր |  Բուլղարիա | ||||
| Մակերես | 90,724 կմ² | ||||
| ԲԾՄ | 114±1 մետր | ||||
| Բնակչություն | ▼69 664 մարդ (մարտի 15, 2024) | ||||
| Ժամային գոտի | UTC+2 և UTC+3 | ||||
| Հեռախոսային կոդ | 046 | ||||
| Փոստային դասիչ | 8600 | ||||
| Պաշտոնական կայք | yambol.bg | ||||
| |||||
Պատմություն
Քաղաքի ներկայիս տարածքն ու շրջական բնակեցված են եղել դեռևս նոր քարի դարի ժամանակներից։ Հին թրակիական արքայանիստ Կաբիլե քաղաքը, որ հիմնադրվել է մեր թվականությունից առաջ երկրորդ հազարամյակի վերջերին, գտնվել է ներկայիս Յամբոլից մոտավորապես 10 կիլոմետր հեռավորության վրա։ Դա կարևորագույն քաղաքներից է եղել՝ իր մեջ ունենալով թագավորի պալատներից մեկը։ Մակեդոնիայի արքա Ֆիլիպ Երկրորդը՝ Ալեքսանդր Մակեդոնացու հայրը, մ. թ. ա. 341 թվականին նվաճել է այն և վերափոխել հին հունական պոլիսի։ Ալեքսանդր Մակեդոնացի Մեծի կայսրության փլուզումից հետո՝ մ. թ. ա. 3-րդ հարյուրամյակում, Կաբիլեն դարձյալ կառավարել են հին թրակիացիները։ Մ. թ. ա. 71 թվականին քաղաքին տիրել են հին հռոմեացիները։ Մեր թվականության 136 թվականին Կաբիլեն հինհռոմեական խոշորագույն ռազմական ճամբարներից մեկն էր տարածաշրջանում՝ ունենալով առնվազն 600 զինվորական. պեղումների արդյունքում վերջերս սպաների կեցավայր է հայտնաբերվել հնագիտական պարկում։
Հռոմի կայսրերից Դիոկղետիանոսը մ. թ. 293 թվականին ընդարձակել է Կաբիլեն և վերանվանել Diospolis (Διόςπόλις in Greek, այսինքն՝ Զևս աստծո քաղաք։ Այդ անվանումը դարերի ընթացքում ձևափոխությունների է ենթարկվել՝ դառնալով Diampolis (Διάμπόλις), Hiambouli (Ηιάμβόυλι; բյուզանդական ժամանակագրություններում), Dinibouli (دنبلي; արաբական ժամանակագրություններում), Dbilin (Дбилин; բուլղարական արձանագրություններում), Diamboli կամ Jamboli (Диамбоюли), որն էլ, ի վերջո, վերածվել է Յամբոլի։
Քույր քաղաքներ
Յամբոլը բարեկամական սերտ կապեր է հաստատել հետևյալ քաղաքների հետ.
Պատկերասրահ
-
Քաղաքի կենտրոնը -
Համայնքապետարանը Ռակովսկի փողոցի վրա -
Գրադարանն ու փոստը -
Մարզային դատարանը
Կլիմա
| Յամբոլի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Միջին բարձր °C (°F) | 6.5 (43.7) | 8.7 (47.7) | 13.6 (56.5) | 18.4 (65.1) | 24.1 (75.4) | 28.2 (82.8) | 31.1 (88) | 31.2 (88.2) | 25.7 (78.3) | 19.5 (67.1) | 13.7 (56.7) | 7.6 (45.7) | 19.0 (66.2) |
| Միջին օրական °C (°F) | 3.3 (37.9) | 4.4 (39.9) | 8.4 (47.1) | 13.0 (55.4) | 18.2 (64.8) | 22.5 (72.5) | 25.2 (77.4) | 25.0 (77) | 20.3 (68.5) | 15.0 (59) | 9.6 (49.3) | 4.1 (39.4) | 14.1 (57.4) |
| Միջին ցածր °C (°F) | 0.0 (32) | 0.2 (32.4) | 3.6 (38.5) | 7.8 (46) | 12.5 (54.5) | 16.8 (62.2) | 19.3 (66.7) | 19.2 (66.6) | 14.8 (58.6) | 10.3 (50.5) | 5.5 (41.9) | 0.7 (33.3) | 9.1 (48.4) |
| Տեղումներ մմ (դյույմ) | 45.5 (1.791) | 41.6 (1.638) | 32.8 (1.291) | 34.3 (1.35) | 59.8 (2.354) | 50.7 (1.996) | 50.9 (2.004) | 40.7 (1.602) | 70.3 (2.768) | 49.7 (1.957) | 34.6 (1.362) | 58.9 (2.319) | 569.7 (22.429) |
| Միջին ամսական արևային ժամ | 106 | 132 | 181 | 203 | 274 | 303 | 339 | 329 | 242 | 181 | 133 | 101 | 2525 |
| աղբյուր: weatheronline.co.uk | |||||||||||||
Ծանոթագրություններ
Արտաքին հղումներ
- Պաշտոնական կայքէջը (en búlgaro)
 | Վիքիպահեստն ունի նյութեր, որոնք վերաբերում են «Յամբոլ» հոդվածին։ |
This article uses material from the Wikipedia Հայերեն article Յամբոլ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.