Համլետ Կարճիկյան: հայ բանաստեղծ, հրապարակախոս, թարգմանիչ
Համլետ Թորգոմի Կարճիկյան (Թորգոմյան Արմեն, ապրիլի 26, 1936(1936-04-26), Երևան, Հայկական ԽՍՀ, ԱԽՖՍՀ, ԽՍՀՄ - փետրվարի 15, 2022(2022-02-15)), հայ բանաստեղծ, հրապարակախոս, թարգմանիչ, լրագրող։ Հայաստանի գրողների միության անդամ (1975)։ ԽՄԿԿ անդամ 1965 թվականից։
Համլետ Կարճիկյան Համլետ Թորգոմի Կարճիկյան | |
|---|---|
 | |
| Ծնվել է | ապրիլի 26, 1936 |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | փետրվարի 15, 2022 (85 տարեկան) |
| Մասնագիտություն | բանաստեղծ, հրապարակախոս և թարգմանիչ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան և Մաքսիմ Գորկու անվան գրականության ինստիտուտ |
| Անդամակցություն | ՀԳՄ |
| Կուսակցություն | ԽՄԿԿ |
| Պարգևներ | |
| Համլետ Կարճիկյան Վիքիքաղվածքում | |
| Համլետ Կարճիկյան Վիքիդարանում | |
Կենսագրություն
1959 թվականին ավարտել է Երևանի պետական համալսարանը, 1977 թվականին՝ Մոսկվայի Մաքսիմ Գորկու անվան գրականության ինստիտուտի դասընթացները։ 1960 թվականից աշխատել է ՀՀ հրատարակչական համակարգում. 1987-1991 թվականներին՝ «Խորհրդային գրող» («Նաիրի») հրատարակչության բաժնի վարիչ, 1991-1994 թվականներին՝ «Լույս» հրատարակչության գլխավոր խմբագիր, 1997-2002 թվականներին՝ ՀՀ Կառավարությանն առընթեր տեղեկատվության, գրահրատարակչության և պոլիգրաֆիայի վարչությունում զբաղեցրել է մի շարք պաշտոններ։
Ստեղծագործություններ
Կարճիկյանի քնարական ժողովածուներում գերիշխողը սիրո և բնության ավանդական թեմաներն են («Գարնանամուտ», 1959, Թորգոմյան Արմեն ծածկանունով), «Սիրո ամառ», 1973, «Ապրելու օր», 1976, «Արևային սոնատ», 1980, «Խարիսխ», 1983, «Սիրտ բանական», 1988 (ՀԳՄ Ա. Իսահակյանի անվան մրցանակ՝ 1989), «Սիրո բույրը... Հայաստանի», 2003, ժողովածուներ]։ Կազմել է Բ. Գեմբարսկու «Նամակներ աշխարհին»՝ Հայկական հարցին նվիրված հոդվածների (1990, ծանոթագրություններով և վերջաբանով), Պ. Սևակի «Վառվող արյուն» բանաստեղծությունների (2000, առաջաբանով և վերջաբանով) ժողովածուները և այլն։ Կատարել է չափածո թարգմանություններ։
Երկեր
- Երևանյան սոնատ, Երևան, 2011։
- Սիրո բույրը… Հայաստանի, Երևան, 2003։
- Կանգ առ, մոլորակ Երևան, 1996։
- Սիրտ բանական, Երևան, 1988։
- Սիրտ-խարիսխ, Մոսկվա, 1987։
- Լռության ճիչը ...: Մեծ եղեռնի 101 և հեղինակի 80-ամյակներին։ ՀԳՄ հրատարակչություն, 2016, 111 էջ։
Թարգմանություններ (ռուսերենից)
 | Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Կոսովյան արև (սերբական ժողովածուի մեջ մտնող գործերի մի մասը), Երևան, 2003։
- Արարատի երկիր (սերբական ժողովածու, մի մասը), Երևան, 2002։
- Ջոկո Ստոյիչիչ, Աղբյուր անապատում, Երևան, 1998։
- Դեսանկա Մաքսիմովիչ, Աշխարհը նույնն է ամենուր (մի մասը), Երևան, 1998։
- Պեյո Յավորով, Ամպհովանու հետքերով (մի մասը), Երևան, 1992։
Պարգևներ, մրցանակներ
- ՀՀ մշակույթի նախարարության ոսկե մեդալ, 2011
- ՀՀ վարչապետի հուշամեդալ, 2011
- ՀԳՄ «Գրական վաստակի համար» մեդալ, 2006
- «Սիրտ բանական» ժողովածուի համար արժանացել է ՀԳՄ Ավետիք Իսահակյանի անվան մրցանակի, 1989
- Հայպետկոմի «Աշխատանքի վետերան» մեդալ, 1987
Ծանոթագրություններ
Արտաքին հղումներ
- Համլետ ԿԱՐՃԻԿՅԱՆ/Գծանկարներ
- ՀՀ Գիտությունների ազգային ակադեմիայի հիմնարար գիտական գրադարան
- Հարցազրույց Համլետ Կարճիկյանի հետ
 | Վիքիքաղվածքն ունի նյութեր, որոնք վերաբերում են «Համլետ Կարճիկյան» հոդվածին։ |
 | Վիքիդարանն ունի նյութեր, որոնք վերաբերում են «Համլետ Կարճիկյան» հոդվածին։ |
This article uses material from the Wikipedia Հայերեն article Համլետ Կարճիկյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.