«Լադանիվա» (ֆր.՝ Ladaniva), Ֆրանսիայում հիմնադրված հայկական խումբ։ 2019 թվականին հիմնադրված դուետի կազմում են երգչուհի Ժակլին Բաղդասարյանը և Լուի Թոմասը։ Նրանց երաժշտական ոճը ոգեշնչված է աշխարհի տարբեր երկրների երաժշտությամբ, մասնավորապես՝ ավանդական բալկանյան երաժշտությամբ, մալոյայով և հայկական ֆոլկլորով։ Խմբի հիմնադիրներ Ժակլինի և Լուիի հայրերը ժամանակին «Լադա Նիվա» են ունեցել, ինչի արդյունքում որոշել են խումբը անվանել Լադանիվա։ Խումբը «Jako» երգով ներկայացնելու է Հայաստանը Եվրատեսիլ 2024 երգի մրցույթում, որը տեղի է ունենալու Շվեդիայում։
Լադանիվա | |
---|---|
Ժանրեր | Էթնիկ երաժշտություն |
Գործունեություն | 2019 |
Կայք | ladaniva.ochre.store |
Անդամներ | |
Ժակլին Բաղդասարյան Լուի Թոմաս |
Լադանիվան հիմնադրվել է 2019 թվականին Լիլում՝ երգչուհի Ժակլին Բաղդասարյանի և բազմագործիքավորող Լուի Թոմասի համագործակցության արդյունքում։ Բաղդասարյանը ծնվել է 1997 թվականին Եղեգնաձորում, մեծացել է Բելառուսի մայրաքաղաք Մինսկում՝ նախքան 2014 թվականին մոր հետ Ֆրանսիա արտագաղթելը։ Թոմասը ծնվել է 1987 թվականին Լիլում՝ երաժիշտների ընտանիքում։
2020 թվականի մարտին և ապրիլին՝ COVID-19 համավարակի ժամանակ Լադանիվան հրապարակել է երկու տեսանյութ՝ «Vay Aman» և «Zepyuri nman», որոնք մեծ հաջողություն են ունեցել, մասնավորապես՝ հայ համայնքի մոտ։ Այնուհետև հրապարակել են «Kef chilini» տեսահոլովակը, որի դիտումների քանակը մի քանի ամսում հասել է 18 միլիոնի։ 2023 թվականին Լադանիվան թողարկել է իր առաջին ալբոմը։
Լադանիվայի երգացանկը մի կողմից ոգեշնչված է Հայաստանի, Ռուսաստանի և Բալկանների ավանդական երգերով, իսկ մյուս կողմից՝ Լատինական Ամերիկայի, Աֆրիկայի և Ռեյունիոն կղզու երաժշտությամբ։
2022 թվականին Լադանիվան արժանացել է Music Moves Europe մրցանակի։
Ալբոմ | Տվյալներ |
---|---|
Ladaniva |
|
Ալբոմ | Տվյալներ |
---|---|
Ladaniva |
|
Սինգլ | Տարի | Ալբոմ կամ EP |
---|---|---|
Kef chilini | 2020 | Ոչ ալբոմային սինգլներ |
Oror | ||
Pourquoi t'as fait ça? | ||
Shakar | 2023 | Ladaniva |
Wayo waya | ||
Je voulais | ||
Je t'aime tellement |
Սինգլ | Տարի | Ալբոմ կամ EP |
---|---|---|
Malika (Voyou և Ladaniva) | 2021 | Chroniques terrestres, Vol. 1 |
This article uses material from the Wikipedia Հայերեն article Լադանիվա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.