Լոնգ Բոյ

Լոնգ Բոյ
Տեսակ	Indian Runner Duck?
Long Boi Վիքիպահեստում

2023 թվականի մայիսի սկզբին ուսանողները մտահոգություն են հայտնել, որ Լոնգ Բոյը չի երևացել մեկ շաբաթվա ընթացքում։ Մայիսի 11-ին համալսարանը եզրակացրել է, որ նա սատկել է։

Լոնգ Բոյի ծագման մասին քիչ բան է հայտնի։ Երբ առաջին անգամ նրան գտան, նա «շատ միայնակ և նյարդային» էր և նման չէր մյուս բադերին։ Ուսանողները կերակրեցին նրան և պահեցին իրենց մոտ։

Լոնգ Բոյն իր ժամանակի մեծ մասն անցկացրեց Հեսլինգթոն Ֆիշ-լճակում, որը գտնվում է Դերվենթ քոլեջի կողքին։

Լոնգ Բոյը համացանցի սենսացիա է դարձել 2021 թվականին՝ Reddit-ի հրապարակումից հետո, որը նրան սխալ կերպով նկարագրել է որպես ամենաբարձր վայրի բադ՝ 1 մ-ից ավելի հասակով։ Լոնգ Բոյին այնուհետև հիշատակել է Ջեյմս Քորդենը իր ԱՄՆ ուշ գիշերային թոք-շոուի «The Late Late Show»-ում 2021 թվականի ապրիլին։ Լոնգ Բոյի Instagram-ի օգտահաշվի հետևորդները, որը վարում է Յորքի համալսարանի կենսաբանության ուսանող Զոի Դաֆֆինը, 24 ժամից պակաս ժամանակում աճել են մինչև 16300 մարդ։ Ֆուտբոլիստ Պիթեր Կրաուչը, ով 2,01 մ բարձրություն ունի, կիսվել է Լոնգ Բոյի մասին իր գնահատանքով՝ թվիթթերում գրելով «Դա իմ տեսակի բադն է»։ 2022 թվականին Լոնգ Բոյին հիշատակեց Գրեգ Ջեյմսը BBC Radio 1-ում։

Լոնգ Բոյը դարձել է Յորքի համալսարանի հայտնի մարդ և թալիսման, և ունի իրեն նվիրված ուսանողական ընկերություն։ Լոնգ Բոյի փափուկ խաղալիքներ են նվիրվել համալսարանի շրջանավարտներին։

2023 թվականի ապրիլին Շրջակա միջավայրի, տնտեսագիտության և էկոլոգիայի 3-րդ կուրսի ուսանող Թոմ Հաուսը Պորտուգալիայում համալսարանական վոլեյբոլի շրջագայության ժամանակ իր վրա դաջվածք է արել Լոնգ Բոյի նկարով։ Դաջվածքը դարձավ նորություն և ավելացրեց Լոնգ Բոյի վիրուսայինությունը։

2023 թվականի մայիսի սկզբին ուսանողները մտահոգություն հայտնեցին, որ Լոնգ Բոյին ոչ ոք չի տեսել մեկ շաբաթ։ Համալսարանի խոսնակն ասել է.«Լոնգ Բոյը շատ սիրված կերպար է համալսարանում, և թեև մենք նրան չենք տեսել վերջին մի քանի շաբաթվա ընթացքում, մենք շարունակում ենք հետևել նրան և հույս ունենք նորից տեսնել նրան»։

Հաշվի առնելով Լոնգ Բոյի հանրաճանաչությունն ու կարևորությունը համալսարանի համար՝ Ground and Estates թիմը, ըստ հաղորդման, խուզարկել է համալսարանը։ Հիմնական ենթադրությունն այն էր, որ Լոնգ Բոյը դարձել է աղվեսի հարձակուման զոհը։ Մասնագետը նաև ընդգծեց, որ, հաշվի առնելով տարվա եղանակը, հնարավոր է, որ Լոնգ Բոյը ժամանակավորապես լքել է համալսարանի տարածքը՝ զուգընկեր գտնելու համար։ 2023 թվականի մայիսի 3-ին Լոնգ Բոյի Instagram-ի էջից արված գրառումը ասում էր, որ «հավանականությունը մեծ է, որ Լոնգ Բոյը մահացել է»։

The Daily Telegraph-ը հայտնել է, որ ուսանողների շրջանում կոչեր են հնչել, որպեսզի Լոնգ Բոյի արձանը կանգնեցնեն նրա անհետացման առիթով։ Սա առաջին անգամը չէր, որ այս գաղափարն առաջարկվում էր։ YUSU-ի երկու հաջորդ նախագահները սկզբունքորեն պաշտպանեցին գաղափարը, սակայն մտահոգություն հայտնեցին, թե որքանով է ֆինանսապես կենսունակ այդ գաղափարը։

2023 թվականի մայիսի 11-ին Յորքի համալսարանը եզրակացրեց, որ Լոնգ Բոյը մահացել է։

 

Համալսարանը 2023 թվականի մայիսի 11-ին զեկուցեց, որ YUSU-ն աշխատում էր Լոնգ Բոյին պատշաճ հարգանքի տուրք կազմակերպելու ծրագրերի վրա։ Մայիսի 15-ին համալսարանի նախագահ Պիերիկ Ռոջերը հայտարարեց Լոնգ Բոյի համար հուշահամալիր կառուցելու պլանի մասին։ Եթե հավաքվի 1000-2000 ֆունտ, ապա Լոնգ Բոյին հուշատախտակով նստարան կկառուցվի։ Եթե հավաքվի ավելի քան 2000 ֆունտ, ապա արձան կտեղադրվի։

1000 ֆունտ ստեռլինգ հավաքվեց մեկ օրվա ընթացքում։ Այնուհետև 2000 ֆունտ ստեռլինգը հավաքվեց մայիսի 17-ին։ Ի վերջո, հանգանակվեց 5500 ֆունտ ստեռլինգ, և նախատեսվում էր, որ արձանը պատրաստվի բրոնզից (չնայած առաջարկվում էր կերամիկա և արծաթ) և տեղադրվի Derwent Common-ի վրա։