Ֆիլմ Ընդմիշտ Հրեշը
«Ընդմիշտ հրեշը» (անգլ.՝ The Devil All the Time), 2020 թվականի սպասվելիք ամերիկյան հոգեբանական թրիլեր ֆիլմ՝ հիմնված Դոնալդ Ռեյ Փոլոքի նույնանուն վեպի վրա։ Ֆիլմի ռեժիսորը և համահեղինակը Անտոնիո Քամփոսն է, պրոդյուսերները՝ Ջեյք Ջիլենհոլը, Ռենդալ Փոսթերը, Ռիվա Մարքերը, Գրեթչեն ՄաքԳոուենը և Մաքս Բորնը, իսկ դերասանական կազմն ընդգրկում է Թոմ Հոլանդին, Բիլլ Սկարսգարդին, Ռայլի Քիոյին, Ջեյսոն Քլարկին, Սեբաստիան Սթենին, Ռոբերտ Փեթինսոնին, Հեյլի Բենեթին, Միա Վասիկովսկային, Էլայզա Սքանլենին, Հարի Մելինգին և Փոքի ԼաՖարջին։
| Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը: |
 անգլ.՝ The Devil All the Time | |
|---|---|
| Երկիր |  ԱՄՆ |
| Ժանր | թրիլեր, դրամա և սարսափ ֆիլմ |
| Հիմք | Ընդմիշտ հրեշը |
| Թվական | օգոստոսի 16, 2020 |
| Լեզու | անգլերեն |
| Ռեժիսոր | Անտոնիո Կամպոս |
| Պրոդյուսեր | Մաքս Բոռն |
| Սցենարի հեղինակ | Անտոնիո Կամպոս |
| Դերակատարներ | Թոմ Հոլանդ, Բիլլ Սկարսգարդ, Ռոբերտ Փեթինսոն, Սթեն Սեբաստիան, Ռայլի Քիո, Ջեյսոն Քլարք, Էլայզա Սքանլեն, Հեյլի Բեննեթ, Քրիստին Գրիֆիթ, Միա Վասիկովսկա և Հարի Մելինգ |
| Օպերատոր | Լոլ Քրոուլի |
| Տևողություն | 138 րոպե |
Նեթֆլիքսը նախատեսում է թողարկել ֆիլմը 2020 թվականի սեպտեմբերի 16-ին։
Սյուժե
Ֆիլմի գործողությունը տեղի է ունենում Օհայո նահանգում Երկրորդ համաշխարհային պատերազմի ավարտի և Վիետնամի պատերազմի սկզբի միջև ընկած ժամանակահատվածում։ Այն ներկայացնում է տարբեր անհանգստացած մարդկանց սյուժետային գծերը, որոնք տառապում են հետպատերազմյան վնասի և հանցավորության հետևանքներից։
Դերասանական կազմ
- Թոմ Հոլանդ՝ Արվին Ռասել
- Սեբաստիան Սթեն՝ Լի Բոդեքեր
- Ռոբերտ Փեթինսոն՝ Փրեսթոն Թիգարդին
- Բիլլ Սկարսգարդ՝ Ուիլարդ Ռասել
- Միա Վասիկովսկա՝ Հելեն Հաթոն
- Էլայզա Սքանլեն՝ Լենորա Լաֆերթի
- Ջեյսոն Քլարկ՝ Կառլ Հենդերսոն
- Ռայլի Քիո՝ Սենդի Հենդերսոն
- Հեյլի Բենեթ՝ Շառլոթ Ռասել
- Հարի Մելինգ՝ Ռոյ Լաֆերթի
- Էբի Գլովեր՝ Փամելա Սյու Ռիսթեր
- Փոքի ԼաՖարջ
Արտադրություն
Ֆիլմի մասին հայտարարվել է 2018 թվականի սեպտեմբերին։ Այդ ժամանակ Թոմ Հոլանդը, Ռոբերտ Փեթինսոնը, Քրիս Էվանսը և Միա Վասիկովսկան բանակցությունների մեջ էին գտնվում ֆիլմում նկարահանվելու համար։ Անտոնիո Քամփոսն ընտրվել է ֆիլմը նկարահանելու և գրելու, իսկ Ջեյք Ջիլենհոլ՝ պրոդյուսերավորելու համար։ 2019 թվականի հունվարին Բիլլ Սկարսգարդը և Էլայզա Սքանլենը միացել են դերասանական կազմին, իսկ Նեթֆլիքսը ձեռք է բերել ֆիլմի տեղայնացման իրավունքը։ Սեբաստիան Սթենը փոխարինել է Էվանսին, որը ստիպված է եղել լքել նախագիծը պլանավորման տարաձայնությունների պատճառով և անձամբ խորհուրդ է տվել իր դերում վերցնել Սթենին։ Բացի այդ հայտարարվել է, որ Ջեյսոն Քլարկը, Ռայլի Քիոն և Հեյլի Բենեթը նույնպես միացել են դերասանական կազմին։ 2019 թվականի մարտին Հարի Մելինգը միացել է նրանց։ Դանի Բենսին և Սաունդեր Ջուրիանսը դառնալու են ֆիլմի երաժշտության հեղինակները։
Նկարահանման շրջանը սկսել է 2019 թվականի փետրվարի 19-ին Ալաբամայում։ 2019 թվականի ապրիլի 15-ին նկարահանումները դադարեցվել են։
Թողարկում
Ֆիլմը նախատեսվում է թողարկել 2020 թվականի սեպտեմբերի 16-ին։
Ծանոթագրություններ
Արտաքին հղումներ
- «Ընդմիշտ հրեշը (ֆիլմ)»(անգլ.) ֆիլմը Internet Movie Database կայքում
This article uses material from the Wikipedia Հայերեն article Ընդմիշտ հրեշը (ֆիլմ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.