Էսեկիել Պալասիոս: արգենտինացի ֆուտբոլիստ

Էսեկիել Պալասիոս
Քաղաքացիությունը	Արգենտինա
Ծննդյան ամսաթիվ	հոկտեմբերի 5, 1998 (25 տարեկան)
Ծննդավայր	Famaillá, Տուկուման, Արգենտինա
Հասակ	177 սանտիմետր
Քաշ	70 կիլոգրամ
Դիրք	կիսապաշտպան

Ակումբային կարիերա

Պալասիոսը «Ռիվեր Փլեյթ» ֆուտբոլային ակադեմիայի սան է։ 2015 թվականին ներառվել է հիմնական թիմում։ Նոյեմբերի 8-ին «Նյուելս Օլդ Բոյզ» ակումբի դեմ խաղում Էսիկիելը նորամուտ է ունեցել Արգենտինայի ֆուտբոլի առաջնությունում՝ երկրորդ խաղակեսին փոխարինելով Լաուտարո Արելյանոյին։ 2018 թվականի ապրիլի 9-ին Ավելյանեդայի «Ռասինգ» ակումբի դեմ խաղում Էսեկիելը խփել է իր առաջին գոլը «Ռիվեր Փլեյթ» ակումբի կազմում։

2019 թվականի դեկտեմբերի 16-ին Պալասիոսը տեղափոխվել է Գերմանիայի «Բայեր Լևերկուզեն» ակումբ։ Խաղացողի հետ ստորագրվել է 5,5 տարի ժամկետով պայմանագիր։ Փետրվարի 23-ին «Աուգսբուրգ» ակումբի դեմ խաղում նորամուտ է ունեցել Գերմանիայի Բունդեսլիգայում։ 2022 թվականի ապրիլի 23-ին «Գրոյտեր Ֆյուրտ» ակումբի դեմ խաղում խփել է առաջին գոլը «Բայեր Լևերկուզեն» ակումբի կազմում։

Միջազգային կարիերա

2015 թվականին մասնակցել է Պարագվայում կայացած Հարավային Ամերիկայի պատանեկան առաջնությանը, որի ընթացքում խաղացել է Բոլիվիայի, Չիլիի, Պարագվայի, Կոլումբիայի, Էկվադորի և երկու անգամ՝ Ուրուգվայի թիմերի դեմ խաղում։

Նույն թվականին Էսեկիելը մասնակցել է Չիլիում կայացած աշխարհի պատանեկան առաջնությանը՝ խաղալով Գերմանիայի, Մեքսիկայի և Ավստրալիայի թիմերի դեմ մրցախաղում։

2017 թվականին Պալասիոսը մասնակցել է Հարավային Կորեաում կայացած աշխարհի երիտասարդական առաջնությանը՝ խաղալով Գվինեայի, Անգլիայի և Հարավային Կորեայի թիմերի դեմ խաղերում։

2018 թվականի սեպտեմբերի 8-ին Գվետեմալայի հավաքականի դեմ ընկերական խաղում Պալսիոսը նորամուտ է ունեցել Արգենտինայի հավաքականի կազմում։

Մասնակցել է Կատարում կայացած 2022 թվականի ֆուտբոլի աշխարհի առաջնությանը՝ դառնալով հաղթող։

Ձեռքբերումներ

Ակումբային

«Ռիվեր Փլեյթ»

Արգենտինայի գավաթի գավաթակիր՝ 2016/17
Արգենտինայի սուպերգավաթի գավաթակիր՝ 2018
Լիբերտադորեսի գավաթի գավաթակիր՝ 2018
Լիբերտադորեսի գավաթի եզրափակչի մասնակից՝ 2019
Ռեկոպայի դափնեկիր՝ 2019

Արգենտինայի հավաքական

Ամերիկայի գավաթի գավաթակիր՝ 2021
Ֆինալիսիմայի հաղթող՝ 2022

Արգենտինա (մինչև 17)

Հարավային Ամերիկայի պատանեկան առաջնության փոխչեմպիոն (մինչև 17 տարեկան)՝ 2015

Ծանոթագրություններ

Արտաքին հղումներ

Профиль на сайте «Байер 04»(անգլ.)

Վիքիպահեստն ունի նյութեր, որոնք վերաբերում են «Էսեկիել Պալասիոս» հոդվածին։

This article uses material from the Wikipedia Հայերեն article Էսեկիել Պալասիոս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.