Էնթոնի Բուրդեն

Ծնվել է 1956 թվականիի հունիսի 25-ին, եղել է երկու որդիներից մեծը, հայրը եղել է կաթոլիկ, մայրը՝ հրեա։ Էնթոնին մանկության մեծ մասն անցկացրել է Նյու Ջերսիի Լեոնիա քաղաքում In a 2014 interview, Bourdain talked about how in the 1960s, after seeing films, he would go to a restaurant afterwards with friends to discuss the film.։ Երիտասարդ տարիներին եղել է «Ամերիկայի տղա սկաուտներ» (BSA) կազմակերպության անդամ։

Էնթոնիnն 1978 թվականին ավարտել է Ամերիկայի Խոհարարական ինստիտուտը։ Իր երկարատև կարիերայի ընթացքում եղել է շեֆ-խոհարար տարբեր հայտնի ռեստորաններում, այդ թվում Մանհեթենի «Brasserie Les Halles» ռեստորանում։ Սկզբնական համբավ նրան բերել է ամենաշատ վաճառված ուտելիքի մասին գիրքը «Ուտելիքի մասին՝ խիստ գաղտնի» (2000)։ Նրա առաջին շոուն ուտելիքի և ճանապարհորդության մասին՝ «Խոհարարի ճանապարհորդությունը» ցուցադրվել է 2002-2003 թվականներին «Food Network» ալիքով։ 2005 թվականին սկսել է իր համագործակցությունը «Travel Channel» հեռուստաալիքի հետ, որտեղ նա վարել է «Էնթոնի Բուրդեն։ Առանց նախնական պատվերների» (2005-2012) և «Տեղափոխում» (2011-2013) ծրագրերը։ 2013-2015 թվականներին եղել է «Համ» ռեալիթի շաուի մրցադատավորը, ինչպես նաև միևնույն ժամանակ տեղափոխվելով CNN ալիք, որտեղ որպես հաղորդավար աշխատել է «Էնթոնի Բուրդեն՝ անհայտ վայրեր» ծրագրում (2013-2018)։

1985 թվականին Բուրդենն ամուսնացել է իր դպրոցական ընկերուհու՝ Նենսի Պուտկոսկիի հետ։ Նրանք միասին ապրել են քսան տարի և 2005 թվականին ամուսնալուծվել։ 2007 թվականի ապրիլի 20-ին Բուրդենն ամուսնացել է մարտարվեստի վարպետ Օտտավիի Բուսիայի հետ։ Նրանց դուստրը՝ Արիանան ծնվել է 2007 թվականին։ Նրանք բաժանվել են 2016 թվականին։ Հետագայում Բուրդենը նշել է, որ իրենց հարաբերությունների վրա բացասաբար է ազդել հեռուստաշոուի աշխատանքի նպատակով ընտանիքից հեռու լինելը՝ տարվա մեջ 250 օր իր բացակայությունը։ 2017 նա սկսել է հանդիպել դերասանուհի Արջենտո Ազիայի հետ, որի հետ նա ծանոթացել է Հռոմում «Անհայտ վայրեր» հաղորդման տեսանկարահանման ժամանակ։

Բուդենը զբաղվել է բրազիլական ջիու-ջիթսու մարտարվեստով։ 2015 թվականի օգոստոսին նա ստացել է կապույտ գոտի։

Բուրդենը եղել է մոլի ծխող։ 2007 թվականի կեսերին՝ դստեր ծննդից հետո նա թողել է ծխելը։ Բուրդենը հակումներ է ունեցել նաև թմրանյութերի հետ, այդ թվում կոկաինի, հերոինի և ԼՍԴ-ի նկատմամբ։ Նա պայքարել է կախվածության դեմ 1980-ական թվականներին։

2018 թվականի հունիսի 8-ին Բուրդենը հայտնաբերվել է մահացած Ֆրանսիայի Կայզերսբերգ քաղաքի «Le Chambard» հյուրանոցի իր սենյակում։ Ըստ նախաքննության նախնական վարկածի մահը տեղի է ունեցել ինքնասպանության հետևանքով՝ կախաղան։ Բուրդենը ճանապարհորդում էր իր ընկերոջ՝ Էրիկ Ռիպերտի հետ, որն անհանգստացել էր նրա համար, երբ նա բաց էր թողել ընթրիքը և նախաճաշը։ Կոլմար քաղաքի դատախազ Քրիստիան դե Ռոկկինին հայտարարել է, որ Բուրդենի մարմնի վրա չեն հայտնաբերվել բռնության նշաններ՝ ինքնասպանությունը բնութագրելով որպես «իմպուլսիվ գործողություն»։ Թունաբանության արդյունքները ցույց էին տվել, որ նրա օրգանիզմում չեն հայտնաբերվել թմրանյութերի հետքեր՝ ցույց տալով միայն աննշան քանակի թերապևտիկ ոչ թմրանյութային դեղեր։ Իր մահվան ժամանակ Բուրդենն աշխատում էր Ստրասբուրգից ոչ հեռու իր «Անհայտ վայրեր» հաղորդաշարի համար։

• 2015 թվականին Էնթոնի Բուրդեն նկարահանվել է «Իջեցման խաղ» ֆիլմում, որտեղ մարմնավորել է իր դերը։
• 2019 թվականի հոկտեմբերի 26-ին հայտնի է դարձել, որ «CNN Films», «HBO Max» և «Focus Features» ընկերությունները միացրել են համախմբվել են Էնթոնի Բուրդենի կյանքի ու գործունեության մասին փաստագրական ֆիլմի նկարահանման համար։

Ոչ-գեղարվեստական

• Kitchen Confidential: Adventures in the Culinary Underbelly. New York: Bloomsbury. 2000. ISBN 978-1-58234-082-1.
• A Cook's Tour: In Search of the Perfect Meal. New York: Bloomsbury. 2001. ISBN 978-1-58234-140-8.
• Typhoid Mary: An Urban Historical. New York: Bloomsbury. 2001. ISBN 978-1-58234-133-0.
• Anthony Bourdain's Les Halles Cookbook. Bloomsbury. 2004. ISBN 978-1-58234-180-4.
• The Nasty Bits. New York: Bloomsbury. 2006. ISBN 978-1-59691-360-8.
• No Reservations: Around the World on an Empty Stomach. New York: Bloomsbury. 2007. ISBN 978-1-59691-447-6.
• Medium Raw: A Bloody Valentine to the World of Food and the People Who Cook. Ecco/HarperCollins. 2010. ISBN 978-0-06-171894-6.
• Appetites: A Cookbook. Ecco Press. 2016. ISBN 978-0-06-240995-9.

Գեղարվեստական

• Bone in the Throat. New York: Villard Books. 1995. ISBN 978-0-679-43552-5.
• Gone Bamboo. New York: Villard Books. 1997. ISBN 978-0-679-44880-8.
• Bobby Gold. Edinburgh: Canongate Crime. 2001. ISBN 978-1-84195-145-4.
• Get Jiro!. DC Comics. 2012. ISBN 9781401228279. with Joel Rose and Langdon Foss
• Get Jiro: Blood and Sushi. DC Comics. 2015. ISBN 978-1401252267. with Joel Rose and Alé Garza
• Hungry Ghosts. Berger Books. 2018. ISBN 978-1506706696. with Joel Rose, Alberto Ponticelli, Irene Koh, Paul Pope

• «Энтони Бурден: Без предварительных заказов» Արխիվացված 2009-12-25 Wayback Machine
• Энтони Бурден на сайте «Chef and Restaurant Database»

Էնթոնի Բուրդեն էջը Վիքիպահեստում

Վիքիպահեստն ունի նյութեր, որոնք վերաբերում են «Էնթոնի Բուրդեն» հոդվածին։