Էնդրյու Սքոթ Ռենելս (անգլ.՝ Andrew Scott Rannells, օգոստոսի 23, 1978(1978-08-23), Օմահա, Նեբրասկա, ԱՄՆ), ամերիկացի դերասան և երգիչ, առավել հայտնի է Բրոդվեյի թատրոնում կատարած դերերով։ «Թոնի» մրցանակաբաշխության կրկնակի անվանակիր և «Գրեմմի» մրցանակի դափնեկիր է։
Էնդրյու Ռենելս | |
---|---|
Ծննդյան թիվ՝ | օգոստոսի 23, 1978 (45 տարեկան) |
Ծննդավայր՝ | Օմահա, Նեբրասկա, ԱՄՆ |
Քաղաքացիություն՝ | ԱՄՆ |
Մասնագիտություն՝ | դերասան, թատրոնի դերասան, հեռուստատեսային դերասան, հնչյունավորող և երգիչ |
IMDb։ | ID 0710330 |
Ծնվել է Նեբրասկայի Օմահա քաղաքում։ Ունի իռլանդական և լեհական ծագում, իսկ ծնողները՝ Ռոնալդ և Շարլոտա Ռենելսները ունեն բազմազավակ ընտանիք։ Էնդրյուն երկրորդն է հինգ երեխաներից, ունի երեք քույր և ավագ եղբայր։
Հաճախել է տեղի Լեդի Լորդ դպրոց և նախապատրաստական Քրեյթոնի դպրոց։ Նաև սովորել է Օմահայի տղաների համար կաթոլիկ դպրոցում։ Նրա ընտանիքը ապրել է Օմահայի Հենսքոմ Փարք շրջանում։
Երեխա ժամանակ սովորել է Էմմի Գիֆորդի անվան մանկական թատրոնում և ելույթ է ունեցել տարբեր թատրոններում և խմբերում։ 11 տարեկան հասակում կատարել է առաջին դերը։ Քրեյթոնի այլ շրջանավարտների հետ ստեղծել է համայնքային թատրոն։ Նաև հնչյունավորել է գովազդային հոլովակներ, օրինակ՝ 1996 թվականին Էմի Ադամսի հետ գովազդել է Grease քսուկը։
Միջին դպրոցն ավարտելուց հետո՝ 1997 թվականին տեղափոխվել է Նյու Յորք և երկու տարի Մերիմանության քոլեջում ուսումնասիրել է դերասանական արվեստ, հետո հաճախել է լսումների և ստացել է առաջին դերեր։
2001-ից 2004 թվականներին համագործակցել է 4Kids Entertainment-ի հետ և հնչյունավորել է տարբեր կերպարների։ Դրանով իսկ իր համար ստեղծել է հնչյունավորման դերասանի կարիերա։ Նաև ղեկավարել է որոշակի քանակով տեսախաղեր, օրինակ՝ «Kirby» և «Sonic the Hedgehog»: Որպես հնչյունավորման դերասան, հայտնվել է 4Kids և DiC հեռուստատեսային նախագծերում, նաև տեսախաղերում, օրինակ՝ Yu-Gi-Oh!:
Մինչ Բրոդվեյի թատրոն ընունվելը հայտնվել է տարածաշրջանային մի քանի ներկայցումներում, ինչպիսիք են «Միսս Սայգոնը», «Շատ ժամանակակից Միլլին» և «Հեդվիգը և չարաբաստիկ դյույմը»։
Տեխաս նահանգի Օստին քաղաքում Զաքարի Սքոթի թատրոնում կատարել է Հեդվիգի դերը, իսկ 2002 թվականին անվանակարգվել և ստացել է Իդեն Փեյնի մրցանակ «մյուզիքլում լավագույն դերասան» անվանակարգում։ Օստինում մինչ օրս էլ մարդիկ հպարտանում են նմանատիպ հաջողությամբ։
2006 թվականին ստացել է Լինք Լարքինի դերը, բրոդվեյյան «Մազերի լաք» մյուզիքլում։ Դա եղել է նրա առաջին բրոդվեյյան դերը, որը նա համարել է իր համար մեծ հաջողություն։
Կատարել է Բոբ Գաուդիոյի դերը առաջին ազգային «Ջերսիից տղաները» շրջագայության ժամանակ։ Շրջագայության ժամանակ նրա վերջին ելույթը կայացել է 2008 թվականի դեկտեմբերի 6-ին Տորոնտոյում, 2009 թվականի հունվարին կրկնել է Գաուդիոյի դերը բրոդվեյյան մյուզիքլի ներկայացումներում։
Կատարել է եկեղեցական ավագ Փրայսի դերը «Մորմոնի գիրքը» մյուզիքլում, որի հեղինակներն են «Հարավային այգի» մյուզիքլի ստեղծողներ Թրեյ Փարքերը և Մեթ Սթոունը և Avenue Q-ի կոմպոզիտոր Ռոբերտ Լոպեսը։ Իր ելույթի համար անվանակարգվել է «Թոնի» մրցանակի որպես մյուզիքլի լավագույն առաջատար դերասան։ Նաև ստացել է «Գրեմմի» մրցանակ երաժշտական թատրոնի լավագույն ալբոմի համար։ Նրա վերջին ելույթը տեղի է ունեցել 2012 թվականի հունիսի 10-ին։
Կատարել է ստրիպտիզ պարողի դեր «Ամուրի կանայք» ֆիլմում և կատարել է Բրայան Քոլինզի գլխավոր դերը «Նոր նորմա» հեռուստասերիալում։
Նա նաև կատարել է Էլայջայի կրկնվող դերը «Աղջիկները» հեռուստասերիալում։
Ժամանակավորապես փոխարինել է Ջոնաթան Գրոֆին թագավոր Գեորգ III-ի դերում, որը նա կատարել է Բրոդվեյում 2015 թվականի հոկտեմբերի 27-ից նոյեմբերի 29-ը ընկած հատվածում, իսկ այդ ժամանակ Գրոֆը կատարել է ֆիլմի նախօրոք պատրաստված նկարահանումները։
Կատարել է Ուիզեր Բրաունի դերը «Ֆալցետներ» ներկայացման ժամանակ։ Մյուզիքլը անցկացվել է 2016 թվականի հոկտեմբերի 27-ից հունվարի 8-ն ընկած ժամանակահատվածում։
Ռենելսը բացահայտ գեյ է։ 18 տարեկան հասակում քամինգ աութ է կատարել իր ընտանիքի առաջ, բայց այդ ժամանակ նրանք արդեն ինքնին հասկացել էինք։ 2011-ից 2016 թվականներին հանդիպել է դերասան Մայք Դոյլի հետ։
2019 թվականից հարաբերությունների մեջ է Թաք Ուոթքինսի հետ։ Նրանք ծանոթացել է դրանից մեկ տարի առաջ, երբ կատարել են զույգի դեր «Նվագախմբի մասնակիցները» ներկայացման ժամանակ։
Տարի | Հայերեն անվանում | Բնօրինակ անվանում | Դեր |
---|---|---|---|
2010 | Սեքսը մեծ քաղաքում 2 | Sex and the City 2 | հարսանիքի երգիչ |
2012 | Ամուրի կանայք | Bachelorette | Մեննի |
2015 | Ստաժյորը | The Intern | Քեմերոն |
2016 | Ինչո՞ւ նա | Why Him? | Բլեյն Փեդերման |
2018 | Պարզ խնդրանք | A Simple Favor | Դարեն |
2020 | Տղաները խմբում | The Boys in the Band | Լարի |
Ավարտական երեկոն | The Prom | Թրենթ Օլիվեր | |
Կրկնորդուհին | The Stand In | Նիկո |
Տարի | Հայերեն անվանում | Բնօրինակ անվանում | Դեր | Նշում |
---|---|---|---|---|
2012-17 | Աղջիկները | Girls | Էլայջա Քրանց | Կրկնվող դեր (1-3 եթերաշրջաններ) Գլխավոր դեր (4-6 եթերաշրջաններ) |
2012-13 | Նոր նորմա | The New Normal | Բրայան Քոլինս | Գլխավոր դեր |
2013 | Բիգ Բենք Քոմեդի | Comedy Bang! Bang! | Քուին Աբերնատի | Էպիզոդ՝ «Clark Gregg Wears a Navy Blazer & White Collared Shirt» |
2013-14 | Ինչպես հանդիպեցի ձեր մայրիկին | How I Met Your Mother | Դարեն | 2 էպիզոդ |
2015 | Glee | Glee | ինքն իրեն (կամեո) | Էպիզոդ՝ «Dreams Come True» |
2015 | Նիքերբոքեր հիվանդանոց | The Knick | Ֆրեյզեր Վինգո | 4 էպիզոդ |
2016 | Նեխած ժամանակներ | Another Period | Բերթամ հարիսոն Ֆասելֆորթ VII | 3 էպիզոդ |
Արբած պատմություն | Drunk History | Ջոն Ռյոբլինգ | Էպիզոդ՝ «Dreams Come True» | |
2017 | Ուիլ և Գրեյս | Will & Grace | Ռեջի | Էպիզոդ՝ «Grandpa Jack» |
2018 | Ռու Փոլի թագավորական մրցարշավերը | RuPaul’s Drag Race | ինքն իրեն (հրավիրված դերասան) | Էպիզոդ՝ «The Unauthorized Rusical» |
2018 | Ռոմանովներ | The Romanoffs | Դեյվիդ Փեթոն | Էպիզոդ՝ "Bright and High Circle" |
2018 | Live from Lincoln Center | Live from Lincoln Center | ինքն իրեն | Էպիզոդ՝ "Andrew Rannells in Concert" (Season 1) |
2019-ներկա | Սև երկուշաբթի | Black Monday | Բլեր Փֆաֆ | 30 էպիզոդ |
2021 | Girls5eva | Girls5eva | Քև | 3 էպիզոդ |
Տարի | Հայերեն անվանում | Բնօրինակ անվանում | Դեր | Նշում |
---|---|---|---|---|
2000-01 | Պոկեմոնի կյանք | Pokémon Live! | Ջեյմս | Բարիտոն / Թենոր |
2005 | Մազերի լաք | Hairspray | Ֆենդեր, լինկ Լարքին | Փոխարինող |
2006 | 60-ականների նախագիծ | The 60’s Project | վարող | Տարածաշրջանային ելույթներ |
2007 | Ջերսի տղաները | Jersey Boys | Բոբ Գաուդիո | ԱՄՆ-ի տարածքում ազգային շրջագայություն |
2010 | Լիսիստրատա Ջոնս | Lysistrata Jones | Միքելանջելո «Միք» Ջեքսոն | Ծագող դեր |
2011 | Մորմոնի գիրքը | The Book of Mormon | ավագ Քեվին Փրայս | Ծագող դեր |
2014 | Հեդվիգը և չարաբաստիկ դյույմը | Hedwig and the Angry Inch | Հեդվիգ | Փոխարինող |
2015 | Հեմիլթոն | Hamilton | Գեորգ 3-րդ | Փոխարինող դեր 5 շաբաթ |
2016 | Ֆալցետներ | Falsettos | Ուիզեր Բրաուն | Վերածնունդ Բրոդվեյում |
2018 | Նվագախմբի մասնակիցները | The Boys in the Band | Լարի | Բրոդվեյ |
Տարի | Մրցանակաբաշխություն | Անվանակարգ | Աշխատանք | Արդյունք |
---|---|---|---|---|
2011 | «Թոնի» մրցանակաբաշխություն | Մյուզիքլում տղամարդու լավագույն դեր | Մորմոնի գիրքը | Առաջադրված |
«Դրամա Դեսք» մրցանակաբաշխություն | Մյուզիքլի լավագույն դերասան | Առաջադրված | ||
2012 | «Գրեմմի» մրցանակաբաշխություն | Թատերական մյուզիքլի հիման վրա լավագույն ալբոմ | Հաղթանակ | |
2013 | «OFTA» մրցանակաբաշխություն | Կատակերգական հեռուստասերիալում լավագույն հրավիրված դերասան | Աղջիկներ | Առաջադրված |
«Gold Derby» մրցանակաբաշխություն | Կատակերգական հեռուստասերիալում լավագույն հրավիրված դերասան | Առաջադրված | ||
«Դորիան» մրցանակաբաշխություն | Ծագող աստղ | Առաջադրված | ||
2014 | «Gold Derby» մրցանակաբաշխություն | Կատակերգական հեռուստասերիալում լավագույն հրավիրված դերասան | Աղջիկներ | Առաջադրված |
«Հեռուստաքննադատների ընտրություն» մրցանակաբաշխություն | Կատակերգական հեռուստասերիալում լավագույն հրավիրված դերասան | Առաջադրված | ||
2015 | «Broadway.com» կայքի լսարանի ընտրություն | Սիրված փոխարինում (տղամարդկանց շրջանում) | Հեդվիգը և չարաբաստիկ դյույմը | Առաջադրված |
2016 | Հեմիլթոն | Առաջադրված | ||
2017 | Մյուզիքլում երկրորդ պլանի լավագույն դերասան | Ֆալցետներ | Հաղթանակ | |
«Թոնի» մրցանակաբաշխություն | Մյուզիքլում երկրորդ պլանի լավագույն տղամարդու դեր | Առաջադրված | ||
2021 | «Հեռուստաքննադատների ընտրություն» մրցանակաբաշխություն | Կատակերգական հեռուստասերիալում երկրորդ պլանի լավագույն դերասան | Սև երկուշաբթի | Առաջադրված |
Վիքիպահեստն ունի նյութեր, որոնք վերաբերում են «Էնդրյու Ռենելս» հոդվածին։ |
This article uses material from the Wikipedia Հայերեն article Էնդրյու Ռենելս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.