Զենդեյա
Զենդեյա Մարի Շթյորմեր Քոուլման (անգլ.՝ Zendaya Maree Stoermer Coleman, սեպտեմբերի 1, 1996(1996-09-01), Օքլենդ, Կալիֆոռնիա), առավել հայտնի է որպես Զենդեյա, ամերիկացի դերասանուհի, պարուհի, մոդել և երգչուհի։ Հայտնի է դարձել «Disney Channel» հեռուստաալիքի «Շարժվիր» (անգլ.՝ Shake It Up) հեռուստասերիալում նկարահանվելու շնորհիվ։ 2015-2018 թվականները նա պրոդյուսավորել և նկարահանվել է «Քեյ Սի․ Քողարկման տակ» կատակերգային հեռուստասերիալում՝ Քեյ Սի Քուփերի դերում, իսկ 2019 թվականին նկարահնվել է HBO հեռուստաալիքի «Էյֆորիա» հեռուստասերիալում։ Զենդեյան նաև նկարահանվել է «Մեծագույն շոումենը» «Սարդ-մարդ.
Տնից հեռու» և «Սարդ-մարդ։ Տունդարձ»։
Վաղ կյանք
Զենդեյան ծնվել է 1996 թվականի սեպտեմբերի 1-ին Օքլենդ քաղաքում, Քլեր Շթյորմերի և Կազեմբե Աջամի ընտանիքում։ Վաղ տարիքից մասնակցում է Կալիֆոռնիայի Շեքսպիրի անվան թատրոնի ներկայացումներում, որտեղ իր մայրը աշխատում էր որպես մենեջեր։ Բացի ուսանողական թատերական ծրագրի ուսուցումից և բազմաթիվ բեմականացումներում ելույթ ունենալուց, Զենդեյան օգնել է մորը ուղղորդել այցելուներին և վաճառել վիճակախաղի տոմսեր։ Օքլենդի արվեստի դպրոցում սովորելու տարիներին նա խաղացել է «Մի անգամ այս կղզում» (անգլ.՝ Once on This Island) մյուզիքլում, ինչպես նաև մարմնավորել է տղամարդու կերպար «Caroline or Change» մյուզիքլում։ Հետագայում դերասանուհին շարունակել է ուսումը Կալիֆոռնիա Շեքսպիրի և Ամերիկյան կոնսերվատորիա-թատրոնը՝ մասնակցելով «Ինչպես է դա ձեզ դուր գալիս», «Ռիչարդ երրորդ», «Տասներկուերորդ գիշեր» և այլ բեմականացումների։
Կարիերա
Զենդեյան իր պրոֆեսիոնալ կարիերան սկսել է որպես մոդել` համագործակցելով Macy's, Mervyns և Old Navy բրենդների հետ։ Նա ցուցադրվել է «ԱյԿառլի» հեռուստասերիալի խաղալիքների գովազդում, ինչպես նաև հայտնվել է Դիսնեյի աստղ Սելենա Գոմեսի հետ որպես պարուհի՝ Sears գովազդային ընկերությունում։ 2009 թվականին նա անցնում էր հարցազրույց «Շարժվիր» (անգլ.՝ Shake It Up) սերիալում՝ Սիսի Ջոնս դերի համար, սակայն խաղացել է Ռոքի Բլուին։ Հարցազրույցի ժամանակ նա երգում էր Մայքլ Ջեքսոնի «Leave Me Alone» երգը։ 2012 թվականին ամերիկյան Դիսնեյ հեռուսատալիքով ցուցադրվել է սերիալի մեկ ժամանոց դրվագ՝ «Շարժվիր․ Պատրաստված է Ճապոնիայում» անվան տակ։ 2011 թվականին Զենդեյան թողարկել է իր առաջին սինգլը՝ «Swag It Out»։ Նույն թվականին Բելա Թորնի հետ թողարկել է «Watch Me» սինգլը։ Այն հասել է Billboard Hot 100 86-րդ հորիզոնականին։ 2012 թվականի սեպտեմբերի 2-ին նա ստորագրել է Hollywood Records-ի հետ պայմանագիր։ 2012 թվականին ստացել է առաջին դերը ֆիլմում՝ նկարահանվել է «Երդվյալ ընկերներ» ֆիլմում։ 2013 թվականի փետրվարին նա մասնակցել է «Պարեր աստղերի հետ» շոուի 16-րդ եթերաշրջանին։ Նա եղել է ամենաերիտասարդ մասնակիցը, ով երբևէ մասնակցել է այդ շոուում (նա եղել է 16 տարեկան)։ 2013 թվականին սեպտեմբերի 17-ին Զենդեյան թողարկել է իր առաջին երաժշտական ալբոմը՝ «Zendaya», որում ընդգրկված է նաև «Replay» սինգլը։
2013 թվականի հուլիսի 25-ին հայտարարվել է, որ «Շարժիր» հեռուստասերիալը պաշտոնապես ավարտվում է։ Օգոստոսի 6-ին Զենդեյան թողարկել է դեբյուտային գիրքը՝ «Between U and Me: How to Rock Your Tween Years with Style and Confidence»։ Նույն թվականին խաղացել է 16-ամյա Զոի Սթիվենսի դերը «Zapped. Կախարդական հավելված» ֆիլմում։ Հետագայում խաղացել է «Super Awesome Katy»-ի փորձնական սերիայում։ Հետագայում սերիալը ստացել է «Քեյ Սի․ Քողարկման տակ» անվանումը։ Այն թողարկվել է 2015 թվականի հունվարի 18-ին և նկարահանվել է երեք եթերաշրջան։
Հաջորոոդ ամսին Թիմբալենդը հայտնել է, որ աշխատում է Զենդեայի հետ երկրորդ ալբոմի վրա, երբ Disney ձայնագրման ընկերությունը փոխարինի Republic Records լեյբլով։
Քրիս Բրաունի հետ մեկտեղ «Something New» սինգլը թողարկվել է փետրվարի 5-ին Hollywood Records и Republic Records լեբլներում։ 2015 թվականի օգոստոսին Զենդեյան թողարկել է իր կոշիկների հավաքածուն՝ Daya։
2016 թվականին նա նկարահանվել է «Սարդ-մարդ։ Տունդարձ» ֆիլմում, համաշխարհային պրեմիերան կայացել է 2017 թվականի հունիսի 28-ին։ Ֆիլմը հավաքել է ավելի քան 117 միլիոն դոլար առաջին հանգստյան օրերին՝ վարձույթում զբաղեցնելով առաջին հորիզոնականը։ Նրա դերը ոգևորված ընդունել են քննադատները։ IndieWire-ից Դևիդ Էրլիխը նրան կոչել է ֆիլմի «առավել արժեքավոր խաղացող», չնայած՝ ֆիլմում նրա կարճ ժամանակով լինելը։
2017 թվականի օգոստոսին Զենդեյան հայտնվել է Բրունո Մարսի «Versace on the Floor» երգի տեսահոլովակում։ Նույն թվականի դեկտեմբերին նա եղել է «Project Runway» շոուի 15-րդ եթերաշրջանի հրավիրված ժյուրիներից մեկը։ Դեկտեմբերին նա Հյու Ջեքմանի, [[Զաք Էֆրոն]ի], Միշել Ուիլյամսի և Ռեբեկա Ֆերգյուսոնի հետ նկարահանվել է «Մեծագույն շոումենը»]]։ Նա պատկերավորել է կրկեսային դերասանուհի Էնն Ուիլերին։ նա աֆրոամերիկուհի է և ճոճաձողի վարպետ, որը սիրահարվել է Էֆրոնի կերպարին՝ Ֆիլիպ Կարլայլին, այն ժամանակ, երբ միջռասայական սիրավեպը արգելվում էր։
2019 թվականի հունիսին նա սկսել է նկարահանվել «Էյֆորիա» հեռուստասերիալում, որը իսրայելական համանուն սերիալի էկրանավորումն է։ Նա խաղում է թմրամոլ, ստախոս երիտասարդ Ռուի դերը, որը նույնպես սերիալի պատմողն է։
Նա կրկնել է իր դերը «Սարդ-մարդ. Տնից հեռու», որը «Սարդ-մարդ։ Տունդարձ» ֆիլմի շարունակությունն է։ Այն թողարկվել է 2019 թվականի հուլիսի 2-ին
Անձնական կյանք
Զենդեյեն ունի տուն Լոս Անջելեսում և բնակարան Բրուքլինում։ Նա բուսակեր է; 2021-ի դրությամբ հարաբերությունների մեջ էր Spider-Man-ի իր գործընկեր Թոմ Հոլանդի հետ[փա՞ստ]։
Ծանոթագրություններ
Արտաքին հղումներ
 | Վիքիպահեստն ունի նյութեր, որոնք վերաբերում են «Զենդեյա» հոդվածին։ |
This article uses material from the Wikipedia Հայերեն article Զենդեյա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.