She aghteyr as arraneyder Americaanagh ee Zendaya Maree Stoermer Coleman (ruggit er 1 Mean Fouyir 1996).
T'ee er gheddyn ram accolaidyn, goaill stiagh Aundyr Primetime Emmy. Ren yn earishlioar Time cur ee stiagh mastey ny 100 dooinney smoo cummaghtagh 'sy theihll 'sy rolley bleinoil oc ayns 2022.
Zendaya | |
---|---|
| |
Ennym ruggyree | Zendaya Maree Stoermer Coleman |
Ruggit | 1 Mean Fouyir 1996 (27 bleeaney d'eash) Oakland, California, SUA |
Ynnyd beaghee | Los Angeles Brooklyn (en) |
Seyraanaght | Steatyn Unnaneysit America |
Çhengey | Baarle Americaanagh · Baarle |
Keird | craishteyder fassan · daunseyr · aghteyr çhellveeish · aghteyr scannane · aghteyr goo · arraneyder |
Bleeantyn obbree | 2009–jiu |
Shaanrey | pop-chiaull chraaee · R&B co-emshiragh · pop-chiaull daunse |
Greieyn | pianney · goo |
Lipaidyn | Hollywood Records · Republic Records |
Jantys | Creative Artists Agency |
Ynsagh | Oak Park High School (en) 2015) American Conservatory Theater (en) Oakland School for the Arts (en) California Shakespeare Theater (en) |
Yrjid | 1.77 m (5' 10") |
Trimmid | 59 kg (130 lb) |
Towshan | 34B-25-34 |
Leggad | Tom Holland |
Aundyryn | slane rolley
|
Kianglaghyn fysseree as sheshoil | |
IMDb | nm3918035 |
Discogs ID | 2608382 |
Models.com | zendaya |
zendaya | |
Zendaya | |
V'ee ruggit as troggit ayns Oakland, California, as hoshee yn coorse bea eck myr craishteyder paitçhey as daunseyr jeenane. Hoshee yn coorse cloie er y çhellveeish eck myr Rocky Blue er y sitcom Shake It Up (2010–2013) liorish Disney Channel as ren ee cloie myr y roltag enmyssagh 'sy sitcom K.C. Undercover (2015–2018) son y vollagh cheddin. Haink e chied chloie 'sy scannaneaght ayns 2017 lesh y scannane far-eniaghtagh Spider-Man: Homecoming as ny scannaneyn hie er eiyrtyssagh er. Ren e paart myr Rue Bennett, jeigeyr deyrsnagh-druggey 'sy straih drama jeigeyr lesh HBO, Euphoria (2019–jiu), jannoo jee y cosneyder s'aa jeh Aundyr Primetime Emmy son y Ven-aghteyr Toshee Share ayns Straih Drama. Ta e paartyn scannane goaill stiagh y drama kiaullee The Greatest Showman (2017), y drama romansagh Malcolm & Marie (2021), as yn ard-skeeal far-skeealaght sheanse Dune (2021).
Myrane lesh e coorse cloie eck, ta Zendaya gobbraghey 'sy çhynskyl kiaull. Ayns 2011, ren ee cur magh ny singylyn "Swag It Out" as "Watch Me", y singyl jerrinagh marish Bella Thorne. Ren ee fo-screeu rish Hollywood Records ayns 2012 as beggan ny yei ren ee cur magh e chied hingyl, "Replay", haink stiagh mastey ny 40 arraneyn s'yrjey er kaart Billboard Hot 100 ny Steatyn Unnaneysit. Ren ee cur magh e albym seyrlann hene-enmyssit ayns 2013. Haink e rah hraghtee smoo myr kiaulleyder lesh y cho-obbraghey marish Zac Efron, "Rewrite the Stars", voish The Greatest Showman ayns 2018.
This article uses material from the Wikipedia Gaelg article Zendaya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.