Anne Hathaway: Ben-aghteyr Americaanagh
She ben-aghteyr Americaanagh ee Anne Jacqueline Hathaway (ruggit er 12 Sauin 1982).
- She yn aghteyr Americaanagh bun-chooish y duillag shoh. My vel anaase ayd ayns deiney elley lesh yn ennym cheddin oc, lhaih Anne Hathaway (reddaghey).
Ta enney mie urree as t'ee er chosney ram aundyryn as accolaidyn, goaill stiagh un Aundyr Academy, un Aundyr Golden Globe, as un Aundyr Primetime Emmy, as v'ee coontit mastey ny h-aghteyryn bwoirrin smoo eeckit ayns 2015.
| Anne Hathaway | |
|---|---|
 | |
| Ennym ruggyree | Anne Jacqueline Hathaway |
| Ruggit | 12 Mee Houney 1982 (41 bleeaney d'eash) Brooklyn, Caayr York Noa, SUA |
| Ashoonaght | Americaanagh |
| Seyraanaght | Steatyn Unnaneysit America |
| Çhengey | Baarle |
| Keird | aghteyr scannane · arraneyder · aghteyr çhellveeish · aghteyr ardan · aghteyr goo |
| Bleeantyn obbree | 1999–jiu |
| Greieyn | goo |
| Ynsagh | Millburn High School (en)  American Academy of Dramatic Arts (en) 1993) Vassar College (en) Ollooscoill York Noa (1995 - 1998) |
| Daah fuilt | folt keeir |
| Yrjid | 173 cm |
| Sheshey | Adam Shulman (en) (2012 - |
| Ayr | Gerald T. Hathaway |
| Moir | Kate McCauley Hathaway |
| Partee politickagh | Partee Deynlagh |
| Aundyryn | slane rolley
|
| Kianglaghyn fysseree as sheshoil | |
| IMDb | nm0004266 |
| Discogs ID | 2301916 |
| Models.com | Anne-Hathaway |
| annehathaway | |
 | |
Dirree Hathaway magh ass Ard-scoill Millburn ayns New Jersey raad ren ee cloie ayns shiartanse dy chloiaghyn. Myr jeigeyr, v'ee reiht son cloie 'sy straih hellveeish Get Real (1999–2000) as haink e chied ard-phaart 'sy scannane aittys The Princess Diaries (2001) liorish Disney. Erreish j'ee paartyn y chloie ayns straih scannaneyn lught thie neu-rahoil, ren Hathaway arraghey dys paartyn aasit lesh ny dramaghyn Havoc as Brokeback Mountain ayns 2005. She yn drama aittys The Devil Wears Prada (2006) va'n rah hraghtee smoo v'eck ec y traa shen. Ren ee cloie cleaynagh aa-slaanit lesh çhingys aignagh 'sy drama Rachel Getting Married (2008) raad hooar ee enmyssaght son Aundyr Academy son yn Aghteyr Bwoirrin Share.
Hie Hathaway er oaie cloie 'sy scannaneyn romansagh Bride Wars (2009), Valentine's Day (2010), as Love & Other Drugs (2010), as y scannane fansee Alice in Wonderland (2010). Ayns 2012, ren ee cloie Selina Kyle / Catwoman 'sy scannane The Dark Knight Rises. 'Sy vlein cheddin, ren ee cloie Fantine, streebagh er raad y vaaish liorish çhingys y cleeau, 'sy drama romansagh kiaullee Les Misérables, raad ren ee cosney Aundyr Academy son yn Aghteyr Bwoirrin Co-hassooagh Share. Lurg shen, ren ee cloie sheanseyr 'sy scannane far-skeealaght sheanse Interstellar (2014), shellooder colught fassan er-linney 'sy scannane aittys The Intern (2015), ben-chloieder voyrnagh 'sy scannane roosteyrys Ocean's 8 (2018), kialgeyr 'sy scannane aittys The Hustle (2019), as Rebekah Neumann 'sy vyn-straih WeCrashed (2022).
Chammah as e paartyn 'sy scannaneaght, ta Hathaway er chosney Aundyr Primetime Emmy son e paart goo 'sy sitcom The Simpsons, er ghoaill arraneyn son kiaull scannane, er chloie er yn ardan, as er chuirrey cruinnaghtyn.
Kianglaghyn magh
This article uses material from the Wikipedia Gaelg article Anne Hathaway, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.