آنه هاتوی
آنه جاکلین هاتوی (بزائه ۱۲ نوامبر ۱۹۸۲) اتا آمریکایی بازیگر هسته.
وه اوسکار جایزه، بریتانیا فیلم جایزه، گولدن گولوب و ایمی جایزه ره، هرکمین ات‌بار، برنده بیّه. فیلم‌هایی که وه وشون دله نقش داشته، سرجمع حوالی ۶٫۸ میلیون دلار فروش داشتنه.
Anne Hathaway .jpg)
 |
وه شه مدرسه دوره جه فیلم کا بکردن ره شروع هاکرد بی‌یه و همون گدر جه گِت ری‌یل سریال دله سال ۱۹۹۹ نقش بیته. سال ۲۰۰۱ هم پرنسس دیاریز (شازده‌خانمِ خاطرات) فیلم دله بازی هکرده. ونه اولین نقش که وَچه نیّه و بعنوان اتا زنا بازی کرده، بروبک کوهستون فیلم بی‌یه که سال ۲۰۰۵ بساتنه. سال بعد اتا کمدی-درام، دِویل ویرز پرادا، دله کا هاکرده که خله بچشم بمو. سال ۲۰۰۸ هم اتا معتاد نقش ره ریچل گتینگ مریج (ریچل در شی کنده) فیلم دله داشته و این نقش وسّه بفتا جایزه ره کاندید بیّه.
ونه چنتا فیلمون پشت-به-پشت موفق بینه: گِت اسمارت (باهوش بوش) سال ۲۰۰۸، براید وارز سال ۲۰۰۹، ولنتاینز دی (ولنتاینِ روز)، لاو اند آدر دراگز (عشق و باقیِ مخدرون) و آلیس این واندرلند (آلیس در سرزمین عجایب) سال ۲۰۱۰٫ سال ۲۰۱۲ وه بورده بتمن ِفیلم دله «کت‌وومن» نقش ره بیته و همین سال دله لِس میزربلس (بینوایان) فیلم دله هم دیّه که این فیلم وسّه اوسکارِ و گولدن گولوب برنده بیّه. سال ۲۰۱۴ آنه هاتوی اینترستلار (میون اساره‌ای) دله نقش داشته و سال بعد اینترن (کارآموز) دله دیّه. سال ۲۰۱۸ اتی نقش ره اوشنز ۸ (اوقیانوس ۸) دله داشته و سال ۲۰۱۹ اتا آرتیستِ نقش ره هاستل (فریب) فیلم دله بازی هاکرده. سال ۲۰۲۲ هم اتا مینی‌سریال بنوم وی کرشد (اِما رِقِد بوردمی) دله ربکا نومن نقش ره داشته.
منابع
- انگلیسی ویکی‌پدیا
This article uses material from the Wikipedia مَزِروني article آنه هاتوی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.