تانگو گیم‌ورکز

تانگو گیم‌ورکز عمومی اطلاعات کشور  جاپون تأسيس ۲۰۱۰ نوع توسعه‌دهنده بازی‌های رایانه‌ای (fa) شکل قانونی شرکت تابعه (fa) گت مقر شیبائورا (fa) وبسایت tangogameworks.com اقتصادی سیستم ماره زنی‌مکس مدیا (fa) صنعت صنعت بازی‌های ویدئویی (fa) محصولات ویدئو کاء مهمترین شخصیتون مالک مایکروسافت (fa) مؤسس شینجی میکامی رئيس شینجی میکامی (۲۰۱۰ – ) پرسنل ۶۵ دچی‌ین - کد دچی‌ین - آیتم دچی‌ین

تانگو، سروایول هارر کائون؛ دِ ایوُل ویزن، دِ ایوُل ویزن ۲، اکشن-ادونچز کا: گوست‌وایز: توکیو، و رایم-بیسد اکشن کا: های-راش ره بساتنه. تانگو‌یِ پِرماری کومپانی زنی‌مکس مدیا مارچ ما‌ یِ ۲۰۲۱ گدر مایکروسافت (Microsoft) جا بَخری بیّه، اینتی تانگو اولین جاپونی استودیو‌ئی بیّه که مایکروسافتِ کاساجی‌یِ پورتفولیو ره دله بموئه.

شینجی میکامی ۱۹۸۹ گدر به یور کپکام کومپانی پلی دیّه، ونه چن تا فرانچایز‌ئون سر کایری کرده و اتا ترسناک (هارِر) ویدئوکائون سری که ونه نوم رِزِدِنت ایوُل (Resident Evil) بی‌یه ره دِرِس هاکرده. توم که یور بورده، کپکام کومپانی میکامی وسه پِر گت بَی بی‌یه و و هم خاسته که دیر کائون که ترسناک نَوِّن بسات هاکنه. اَتی بگذشته، وه آزاد شی‌یه کومپانی‌ئون جه کایری کِرده، بستینکلا؛ پلانتینیوم‌گیمز (PlatinumGames) کومپانی وسّه وَنکوئِش (Vanquish) ره کارگردونی هاکرده و گرس‌هاپر منیوفکچر (Grasshopper Manufacture) وسه اتا اکشن-هارِر کا که ونه نوم شَدُوز آو دمند (Shadows of the Damned) بی‌یه ره تهیه‌کَری هاکرده. سگا (Sega) چن کَش اتا ترسناک کا بساتنه وسّه وره پیغوم هدائه اما وه رد هاکرده. ۱ مارچ ما ۲۰۱۰ سال، میکامی کا ونه سن ۴۴ ره برسی بی‌یه و تا ۱۲ کاساجِ دیر تانگو ره توکیو‌یِ اودیبا دله تاسیس هاکردنه و میکامی شه کاری دفترِ کوچ ره اوساکا جه بورده اونجه. می ما ۲۰۱۰ گدر، شیگنوری دیشاکاوا ما پلنتینیوم‌گیمزِ وسّه مَد‌وُرلد (MadWorld) ره کارگردونی هاکرد بی‌یه کومپانی ره ملحق بیّه. تانگو، ات دقسی چن تا پروژه‌ی کارِ ره شروع هاکرده، اتا کچیک تیمِ جا وشون ۶ ما‌یِ سر اتا جوکِ کا‌یِ سر کار هاکردنه کا اینتی بی‌یه که اتا تَسوک دره و شه دِتا لینگ سر اِس هاکرده و شات‌گان (اتّه جور تِفِنگ) جه گِلیله دَر کِنّه.

 

وشون اصلی پروژه نوم نو‌آه (Noah) بی‌یه، اتا سای-فای‌یِ وا بِشتِ جهونِ سروایول-ادونچر (sci-fi open world survival-adventure) کا که ۱۹۸۴ فیلم دوون (Dune) جا الهام بَئیت بی‌یه. اینتا کایِ دله، زمین ویشتر جائون ره زیوش ننشنه هاکردن و همینسه آدم‌ئون بوردنه دیر سیاره‌ئون، اونجه اتا کولونی یِ ارتباط دیرئون جا قطع بونه و وشون پِش-سر اتا تیم راهی کاندنه تا بوره چرخ بَیره وشون ره پیدا هاکنه. تانگو این کا‌یِ سرِ کار ره شروع هاکرد بی‌یه کا وشون مالی مشکلات پیش بمو، کا میکامی ونه خوری گته، " اتچی اتفاق دکته". امریکایی ویدئوکا تنک‌کر بتزدا سافت‌ورکز (Bethesda Softworks) کومِک هاکردن وسه شاب دله بشته و همینسه ونه پرماری کومپانی زنی‌مکس مدیا (ZeniMax Media)، تانگو ره بخری‌یه و صاب بیّه. ۲۸ اکتبر ما ۲۰۱۰ گدر این قرارداد ره اعلام هاکردنه. زنی‌مکس، صاب بیّنِ سه، ۱۵۰ میلیون آمریکایِ دلار ره که پیش تِر جمع هاکرد بی‌یه ره اتا قسمت ره خرج هاکرده. میکامی دی اَره باته چونکه ونه نظر اِموئه که بتزدا و زنی‌مکس وشون خله مستقلِ موحیط دنّه کا تانگو شه کار ره هاکنه. اینتی استودیو زنی‌مکس اِیژا ک.ک، زنی‌مکسِ آسیا-پاسیفیک چله که توکیو‌یِ آئومی ناحیه دله قرار دارنه ادغام بیّه، و اَی شه ره سازمان هدانه و این کَش اتّه بخش بیّنه و تانگو نوم از این گدر به یور تانگو گیم‌ورکز بیّه. نوامبر ما ۲۰۱۰ که برسی‌یه، آهنگ‌ساج ماسافومی تاکادا ( گِرَس هاپر منیوفکچر وسه کار کرده)، آرتیست نااُکی کاتاکای و برنامه‌نویسِن شینیچیروه ایشی‌کاوا ( هر دِ کپکام وسه کار هاکرد بی‌نه) تانگو جه ملحق بینه. مارچ ما ۲۰۱۰ گدر، استودیو ۶۵ تا کایر داشته، کا میکامی انتظار بی‌یه کا ۱۰۰ کَس ره رسنه.

ادغام بیّن په، میکامی تانگویِ وسّه اِتی ویندسه کا چند تا کا ره اون گدر بساجن. نوآه بساتن کنسل بیّه و وشون شروع هاکردنه اتا دیر گت کاءِ سَر کار هاکردن. اون توم، ونه نوم بی‌یه زوی (Zwei)، اون اَوِّل که زوی بسان شروع بیّه، اتا مردی و زنا ره سرق دا که دئیر ره زنجیر ره جا دَوِست بَی بی‌نه و اَتّا وَمپایر اشکار هاکردنه په درنّه، کاءِ دله، دِ تا کاکر تونستنه اتا کاراکتر کِنتِرل ره شه دس بَیرِن یا اتا کاکر هر دِتا ره شه دس داره. وشون رسمی دسّوری آپریل مایِ ۲۰۱۲، اینتا پروژه ره اعلام هاکردنه. توم که یور بورده، اینتا کا دِرِسی اته چی دیر بیّه و ونه نوم بیّه دِ ایول ویزن (The Evil Within) کا اتا سروایول هارر کا بی‌یه که وره آپریل ما ۲۰۱۳ سال اعلام هاکردنه. آگوست ۲۰۱۴ گدر، تانگو آئومی جا شه کوچ ره بورده شیبائو منطقه. اکتبر ۲۰۱۴ گدر بتزدا دِ ایول ویزن ره تنک هاکرده، اینتا آخرین کا بی‌یه کا میکامی وره کارگردونی هاکرده و تانگویِ آینده کائونِ کارگردونی نقش ره بِشته دیر آدئون وسّه. اتا دمباله د ایول ویزن وسه ۲۰۱۷ E۳ دله اعلام هاکردنه که بتزدا وره اکتبر ۲۰۱۷ گدر تنک هاکرده. ژوئن ۲۰۱۹ گدر، E۳ ۲۰۱۹؛ بتزدایِ خوری کنفرانس دله میکامی و خلق‌کَر کارگردون ایکومی ناکامورا، گوست‌وایر: توکیو (Ghostwire: Tokyo) که اتا اکشن-ادونچر کا که ترس عنصر‌ئون ره دی دارنه ره اطلاع هدانه. سپتامبر ما ۲۰۱۹، ناکامورا تانگو جه استعفا هدائه و استودیو یِ جه ۹ سال بگذشتن په بورده.

مارچ ما ۲۰۱۲، تانگویِ پرماری کومپانی زنی‌مکس مدیا، مایکروسافت دس جه ۷.۵ میلیاردِ آمریکایِ دلار وسه بخری بیّه و مایکروسافت گیمینگ دله ادغام بیّه. ادغام بیّن گدر، تانگو ایک‌بکس ره اولین جاپونی استودیو بیّه که ونسّه کا ساته و ونه مقر جاپون دله دیّه. مارچ مایِ ۲۰۲۰، تانگو اتا موبایل کا بریم هدائه، ونه نوم هیرو دایس بی ‌یه و ۵ ما یور بوردنه پی وره خاموش هاکرده. ۲۵ ژانویه ۲۰۲۳، اتا بتزدا و ایکس‌باکس دئیر جه گپ بزوئن کنفرانس، تانگو گیم‌ورکز اتا رایم-اکشن کا که ونه نوم های-فای-راش بی‌ره معرفی هاکرده کا همون روز چن سائت بگذشتن په بریم هدا بیّه. فوریه ما ۲۰۲۳، بتزدا سافت‌ورکز اطلاعیه هدا که میکامی تانگو گیم‌ورکزِ جا چن ما یِ دیر شونه.

• ۱۹ ارکه ما ۱۵۳۵ تبری، این ولگ اینگلیسی ویکی‌پدیا جه ترجمه بیّه.

• تانگو گیم‌ورکزِ رسمی سایت.