Անուշավան Հասան-Ջալալով
Անուշավան Ռաֆայելի Հասան-Ջալալով (ապրիլի 23, 1947(1947-04-23), Լենինական, Հայկական ԽՍՀ, ԽՍՀՄ), ծագումով հայ խորհրդային մարզիկ, ակադեմիական թիավարության ԽՍՀՄ բազմակի չեմպիոն, Եվրոպայի առաջնության (1971), աշխարհի առաջնության (1974, 1975) և Օլիմպիական խաղերի (1976) մրցանակակիր։ ԽՍՀՄ միջազգային կարգի սպորտի վարպետ։ Ռուսաստանի թիավարության ֆեդերացիայի նախագահ (1992-1996)։
| Անուշավան Հասան-Ջալալով | ||
|---|---|---|
| Անձնական տեղեկություն | ||
| Սեռ՝ | արական | |
| Բնօրինակ անուն՝ | ռուս.՝ Анушаван Рафаэлович Гасан-Джалалов | |
| Մասնագիտացում՝ | rower և ակադեմիական թիավարության մարզիչ | |
| Երկիր՝ |  Հայաստան | |
| Ծննդյան ամսաթիվ՝ | ապրիլի 23, 1947 (77 տարեկան) | |
| Ծննդավայր՝ | Լենինական, Հայկական ԽՍՀ, ԽՍՀՄ | |
Պարգևներ  | ||
Կենսագրություն
Անուշավան Հասան-Ջալալովը ծնվել է 1947 թվականի ապրիլի 23-ին Լենինականում, զինվորականի ընտանիքում։ Երկու ամիս անց նրա ընտանիքը տեղափոխվել է Լենինգրադ, որտեղ 1963 թվականին նա «Վոդնիկ» մարզական ընկերությունում սկսել է զբաղվել ակադեմիական թիավարությամբ։ Նա մասնագիտացել է առանց ղեկորդի քառյակների և ղեկորդով քառյակների դասերում։ 1971-1978 թվականներին եղել է ԽՍՀՄ հավաքականի անդամ, դարձել միջազգային ռեգատների, Եվրոպայի և աշխարհի առաջնությունների բազմակի մրցանակակիր։ 1976 թվականին Ռաուլ Առնեմանի, Վալերի Դոլինինի և Նիկոլայ Կուզնեցովի հետ առանց ղեկորդի քառյակ դասում նվաճել է Մոնրեալի օլիմպիական խաղերի բրոնզե մեդալը։
1978 թվականին Անուշավան Հասան-Ջալալովն ավարտել է մարզական կարիերան և անցել մարզչական գործունեության «Բանակի մարզական ակումբ» (ԲՄԱ) ընկերությունում։ 1984 թվականին նշանակվել է ՌԽՖՍՀ ակադեմիական թիավարության հավաքականի գլխավոր մարզիչ։ 1992 թվականից մինչև 1996 թվականը ղեկավարել է Ռուսաստանի ակադեմիական թիավարության ֆեդերացիան։ 1996 թվականից ապրում է Ամերիկայի Միացյալ Նահանգներում, որտեղ ստեղծել է RowingRu.com կայքը, որը լուսաբանում է Ռուսաստանում ակադեմիական թիավարության զարգացման խնդիրները։
Ծանոթագրություններ
Արտաքին հղումներ
- Անուշավան Հասան-Ջալալովի ստեղծած RowingRu.com կայքը
- С мечтой о Гюмри
- Անուշավան Հասան-Ջալալով – օլիմպիական վիճակագրությունը Sports-Reference.com կայքում (անգլ.)
- Անուշավան Հասան-Ջալալովի էջը(չաշխատող հղում) FISA կայքում (անգլ.) (1)
- Անուշավան Հասան-Ջալալովի էջը FISA կայքում (անգլ.) (2)
This article uses material from the Wikipedia Հայերեն article Անուշավան Հասան-Ջալալով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.