Աննե-Քաթրինա Վեսթլի
Աննե-Քաթրինա Վեսթլի (նորվ.՝ Anne-Catharina Vestly, փետրվարի 15, 1920(1920-02-15), Ռենա, Նորվեգիա, Հեդմարկ, Նորվեգիա - դեկտեմբերի 15, 2008(2008-12-15), Mjøndalen, Բուսկերուդ, Նորվեգիա), նորվեգացի մանկագիր։ Շվեդները նրան հաճախ համեմատում են Աստրիդ Լինդգրենի հետ։
Աննե-Քաթրինա Վեսթլի | |
|---|---|
 | |
| Ծնվել է | փետրվարի 15, 1920 |
| Ծննդավայր | Ռենա, Նորվեգիա, Հեդմարկ, Նորվեգիա |
| Վախճանվել է | դեկտեմբերի 15, 2008 (88 տարեկան) |
| Վախճանի վայր | Mjøndalen, Բուսկերուդ, Նորվեգիա |
| Գերեզման | Վեստրե գրավլունդ |
| Մասնագիտություն | դերասանուհի, գրող, թարգմանչուհի և մանկագիր |
| Քաղաքացիություն |  Նորվեգիա |
| Կրթություն | Օսլոյի համալսարան |
| Ժանրեր | մանկա-պատանեկան գրականություն |
| Պարգևներ |  և |
| Ամուսին | Յոհան Վեսթլի |
| Զավակներ | Jo Vestly? և Håkon Vestly? |
 Anne-Cath. Vestly Վիքիպահեստում | |
Կենսագրություն
Աննե-Քաթրինա Շուլերուն ծնվել է Նորվեգիայի Ռենա քաղաքում։ Նրա առաջին գիրքը՝ Ole Aleksander Filibom-bom-bom, ի վերջո, վերաճել է գրքերի շարքի՝ 12 գիրք։ «Ավրորա» (1966-1972 թթ.) շարքում Աննե-Քաթրինա Վեսթլին վիճարկում է ավանդական գենդերային դերերը՝ պատկերելով մի ընտանիք, որտեղ մայրն աշխատում է որպես իրավաբան, իսկ հայրը, ով անտիկ պատմության թեկնածուի կոչում ունի, մնում է տանը և խնամում իրենց երկու երեխաներին։
Աննե-Քաթրինա Վեսթլիի ամենահայտնի ստեղծագործությունը՝ «Ութ երեխաները և բեռնատարը» (նորվեգերեն՝ Åtte små, to store og en lastebil) պատմում է Օսլոյում մի փոքրիկ բնակարանում ապրող ութ երեխա ունեցող ընտանիքի մասին։ Այն 9 գրքերի շարքի առաջին գիրքն էր, որի վերջին գիրքը՝ երեխաների տատիկի մասին, լույս է տեսել 2000 թվականին։ Շարքը հայտնի է որպես «Ութ երեխաներ» (Mormor og de åtte ungene): Այն ամենահայտնի նորվեգական մանկական գրքերի շարքից է։
Վեսթլին հանդես է եկել նաև որպես դերասան։ «Տատիկն ու ութ երեխաները» (Mormor og de åtte ungene) գրքի էկրանավորված տարբերակում նկարահանվել է տատիկի դերում, Kanutten og Romeo Klive (1963) մանկական հեռուստաշոուում խաղացել է Ալֆ Պրոյսենի հետ։
1946 թվականին ամուսնացել է Յոհան Վեսթլիի հետ, ով մինչև մահ նկարազարդել է Աննե-Քաթրինայի բոլոր գրքերը (որոշ անգլերեն թարգմանություններ նկարազարդել է Յոն Դյուկը)։ Աննե-Քաթրինան եղել է Մոնց Շուլերուի քույրը, Ինգրիդ Շուլերուի հորաքույրը։
Մահ
2006 թվականի սկզբում Աննե-Քաթրինայի մոտ ախտորոշվել է Ալցհայմերի հիվանդություն։ Ընտանիքի անդամները հավաստել են, որ նրա մոտ հիվանդության նշաններն ի հայտ են եկել մի քանի տարի առաջ, նախքան ախտորոշումը։ Կյանքի վերջին տարիներն անց է կացրել ծերանոցում, որտեղ մահացել է 2008 թվականի դեկտեմբերի 15-ին 88 տարեկան հասակում։
Պարգևներ
- Riksmål գրական մրցանակ, 1977 թ.
- «Պեր Գյունտ» մրցանակ, 1980 թ.
- Alf Prøysens Ærespris, 1986 թ.
- Նորվեգացի գրավաճառների մրցանակ, 1986 թ. (Mormor og de åtte ungene på sykkeltur i Danmark գրքի համար)
- Spellemannprisen 1991 թ. (Marte og mormor og mormor og Morten 1-4 ալբոմի համար)
- Սուրբ Օլաֆի շքանշան, 1992 թ.
- Նորվեգիայի արվեստի խորհրդի պատվավոր մրցանակ, 1994 թ.
- Բրագի մրցանակ, 1995 թ.
- Prillarguri մրցանակ, 2000 թ.
Մատենագիտություն
Գրական գործունեության ընթացքում (1953-2004 թթ.) գրել է շուրջ 56 անուն գիրք։ Գրքերը թարգմանվել են 16 լեզուներով։
Ծանոթագրություններ
 | Վիքիպահեստն ունի նյութեր, որոնք վերաբերում են «Աննե-Քաթրինա Վեսթլի» հոդվածին։ |
This article uses material from the Wikipedia Հայերեն article Աննե-Քաթրինա Վեսթլի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.