«Ամառ» (էստ․՝ Suvi), էստոնական ֆիլմ, Օսկար Լուտսի «Ամառ» և «Տոոտսի հարսանիքը» նովելների էկրանավորումը։ «Ամառ» ֆիլմը հաջորդում է «Գարուն» և նախորդում է «Աշուն» ֆիլմերին, որ նկարահանվել են նույն հեղինակի ստեղծագործությունների հիման վրա։ Երեք ֆիլմերում էլ պատկերված է կյանքը Էստոնիայի հարավ-արևմուտքում գտնվող Պաունվեր ծխական կենտրոնում։ Հայրենիքում Տոոտսը հանդիպում է հին ընկերներին, որոնք մեծացել են, բայց բնավորությամբ գրեթե նույնն են մնացել։
Ամառ էստ․՝ Suvi | |
---|---|
Երկիր | ԽՍՀՄ |
Ժանր | կինոկատակերգություն և դրամա |
Թվական | 1976 |
Լեզու | էստոներեն |
Ռեժիսոր | Արվո Կրուուսեմենտ |
Սցենարի հեղինակ | Պաուլ-Էրիկ Ռումո |
Դերակատարներ | Աարե Լաանեմեմետս, Մարգուս Լեպա, Riina Hein?, Առնո Լիիվեր, Այն Լուտսեպ, Կալյո Կիյսկ, Կաարել Կարմ, Ռեյն Աեդմա, Էնդել Անի, Էրվին Աբել, Kalju Ruuven? և Կատրին Վյալբե |
Օպերատոր | Յուրի Գարշնեկ |
Երաժշտություն | Վելո Տորմիս |
Կինոընկերություն | Տալլինֆիլմ |
Տևողություն | 80 րոպե |
Նախորդ | Գարուն |
Հաջորդ | Աշուն |
Ռուսաստանից հայրենիք՝ Յուլեսոո կոչվող ագարակ է վերադառնում Յոոսեպ Տոոտսը։ Տոոտսը ցանկանում է վաստակած գումարն, Ռուսաստանում աշխատելու ընթացքում ձեռք բերած գիտելիքներն ու առաջադիմական փորձը ներդնել հայրական աղքատ տնտեսությունը ոտքի կանգնեցնելու ու զարգացնելու գործում։ Առնո Տալին առաջվա նման ռոմանտիկ է ու երազող։ Նա դարձել է ուսանող, կտրվել հին ընկերներից։ Կիյրը մնացել է նույն նախանձոտը։ Տաելեն դարձել է իսկական գեղեցկուհի, հմայիչ ու զվարթ։ Տոոտսի ու Կիյրի միջև մրցակցություն է սկսվում Տաելեի սիրուն արժանանալու համար։
This article uses material from the Wikipedia Հայերեն article Ամառ (ֆիլմ, 1976), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.