Ալեքսանդր Վոստոկով
Ալեքսանդր Խրիստոֆորովիչ Վոստոկով (իսկական ազգանունը՝ Օստենեկ, ռուս.՝ Александр Христофорович Востоков, մարտի 16 (27), 1781, Կուռեսաառե, Ösel County, Լիֆլանդիայի նահանգ, Ռուսական կայսրություն - փետրվարի 8 (20), 1864, Սանկտ Պետերբուրգ, Ռուսական կայսրություն), ռուս բանասեր-սլավոնագետ, բանաստեղծ։ Պետերբուրգի Գիտությունների Ակադեմիայի ակադեմիկոս (1841)։
Ալեքսանդր Վոստոկով Александр Востоков | |
|---|---|
 | |
| Ծնվել է | մարտի 16 (27), 1781 Կուռեսաառե, Ösel County, Լիֆլանդիայի նահանգ, Ռուսական կայսրություն |
| Մահացել է | փետրվարի 8 (20), 1864 (82 տարեկան) Սանկտ Պետերբուրգ, Ռուսական կայսրություն |
| Գերեզման | Վոլկովսկոե գերեզմանատուն |
| Քաղաքացիություն | .svg){kind=small} Ռուսական կայսրություն |
| Մասնագիտություն | լեզվաբան, բանաստեղծ, բարբառագետ և թարգմանիչ |
| Հաստատություն(ներ) | Ռումյանցևի թանգարան և Ռուսաստանի ազգային գրադարան |
| Գործունեության ոլորտ | բանասիրություն և լեզվաբանություն |
| Անդամակցություն | Սանկտ Պետերբուրգի գիտությունների ակադեմիա և Սերբական գրականության ընկերություն |
| Գիտական աստիճան | փիլիսոփայության դոկտոր |
| Տիրապետում է լեզուներին | ռուսերեն |
| Պարգևներ |  և  |
 Alexander Vostokov Վիքիպահեստում | |
Սովորել է Պետերբուրգի կադետական դպրոցում, ապա՝ Գեղարվեստի ակադեմիայում։ 1805 թվականից 1806 թվականներին լույս է տեսել Վոստոկովի «Քնարական փորձեր և այլ չափածո մանր ստեղծագործություններ» (մ․ 1-2) ժողովածուն, 1812 թվականին՝ «Փորձ ռուսական տաղաչափության» (առանձին հրատարակչութամբ 1817 թվականին) ուսումնասիրությունը, որը ռուսական շեշտային տաղաչափական համակարգի առաջին գիտական հետազոտություններից է։ 1815 թվականին աշխատանքի է անցել Պետերբուրգի հանրային գրադարանում, զբաղվել հին սլավոնական գրական հուշարձանների և սլավոնական լեզուների քերականության ուսումնասիրությամբ։ Վոստոկովի «Սլավոներենի քննախոսություն» (1820 թ.) գրքով սկզբնավորվեց սլավոներեն համեմատական լեզվաբանությունը Ռուսաստանում։ Վոստոկովը գրել է նաև ռուսերենի «ընդարձակ» և «համառոտ» քերականություն (1831 թ.), «Ռումյանցևի թանգարանի ռուսական և սլովենական ձեռագրերի նկարագրություն» (1812 թ.), «Եկեղեցասլավոներենի քերականություն» (1863 թ.) գործերը, հրատարակել «Օստրոմիրի ավետարան»-ը (1843 թ.), մասնակցել «Եկեղեցասլավոներենի և ռուսերենի բառարան»-ի (հատոր 1-4, 1847 թ.) կազմմանը, խմբագրել այն։ Կազմել է նաև «Եկեղեցասլավոներենի բառարան» (հատոր 1-2, 1858 թ.-ից 1861 թվականներ)։
Ծանոթագրություններ
 | Վիքիպահեստն ունի նյութեր, որոնք վերաբերում են «Ալեքսանդր Վոստոկով» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 497)։  |
This article uses material from the Wikipedia Հայերեն article Ալեքսանդր Վոստոկով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.