Ալեքսանդր Դվորնիկով
Ալեքսանդր Վլադիմիրովիչ Դվորնիկով (ռուս.՝ Дворников Александр Владимирович), օգոստոսի 22, 1961(1961-08-22), Ussuriysk, ԽՍՀՄ), ռուս ռազմական հրամանատար, 2016 թվականի սեպտեմբերի 20-ից Հարավային ռազմական օկրուգի հրամանատար, գեներալ-գնդապետ (2014 թ.), Ռուսաստանի Դաշնության հերոս (2016 թ․)։
| Ալեքսանդր Դվորնիկով | |
|---|---|
| ռուս.՝ Александр Владимирович Дворников | |
_02.jpg) | |
| օգոստոսի 22, 1961 (62 տարեկան) - | |
| Ծննդավայր | ԽՍՀՄ, ՌԽՖՍՀ, Պրիմորիեի երկրամաս, Ուսսուրինսկ |
| Քաղաքացիություն |  |
| Զորատեսակ | մոտոհրաձգային զորքեր |
| Ծառայության տարիներ | 1979 - մեր օրեր |
| Կոչում |  բանակի-գեներալ |
| Հրամանատարն էր | 5-րդ համազորային կարմիր դրոշի շքանշանակիր բանակ; Կենտրոնական ռազմական շրջան; Սիրիայում գործող ՌԴ ԶՈւ խմբավորում; Հյուսիսային ռազմական շրջան |
| Պաշտոն | ՌԴ ԶՈւ հարավային ռազմական շրջանի հրամանատար |
| Մարտեր/ պատերազմներ | Ռուսաստանի ռազմագործողությունը Սիրիայում |
| Կրթություն | ՌԴ ԶՈւ Գլխավոր շտաբի զինվորական ակադեմիա, Մոսկվայի բարձրագույն ռազմական հրամանատարական ուսումնարան և Մ. Վ. Ֆրունզեի անվան ռազմական ակադեմիա |
| Պարգևներ | |
Կենսագրություն
Ալեքսանդր Վլադմիրի Դվորնիկովը ծնվել է 1961 թվականի օգոստոսի 22-ին Պրիմորիեի երկրամասի Ուսսուրինսկ քաղաքում։ 1978 թվականին ավարտել է Ուսսուրիյսկի սուվորովյան ռազմական ուսումնարանը և ընդունվել Մոսկվայի բարձրագույն ռազմական հրամանատարական ուսումնարան։ Ավարտելով այն 1982 թվականին ծառայության է անցել Արևելյան ռազմական շրջանում դասակի հրամանատարի, այնուհետև վաշտի հրամանատարի, իսկ հետո գումարտակի շտաբի պետի պաշտոններում։
1991 թվականին ավարտել է Մ. Վ. Ֆրունզեի անվան ռազմական ակադեմիան, ինչից հետո ծառայության է անցել Գերմանիայում խորհրդային զորախմբի (ԳԽԶԽ, ГСВГ - ru:Группа советских войск в Германии) զորամասերից մեկում որպես գումարտակի հրամանատարի տեղակալ։
1992 թվականից մինչև 1994 թվականը եղել է 154-րդ հատուկ մոտոհրաձգային գումարտակի հրամանատարը։
1995 թ.-ից մինչև 2000 թվականները եղել է գնդի շտաբի պետ, այնուհետև Մոսկվայի ռազմական շրջանի (ՄՌՇ) մոտոհրաձգային գնդի հրամանատար։
2000 թ.-ից մինչև 2003 թվականները ծառայել է Հյուսիսկովկասյան ռազմական շրջանում շտաբի պետի, իսկ հետո մոտոհրաձգային դվիզիայի հրամանատարի պաշտոններում։
2005 թվականին ավարտել է ՌԴ ԶՈւ Գլխավոր շտաբի ռազմական ակադեմիան և նշանակվել Սիբիրյան ռազմական շրջանում 36-րդ բանակի շտաբի պետ։
2008-2010 թվականներին եղել է Հեռավորարևելյան ռազմական շրջանում 5-րդ բանակի հրամանատարը։
2011 թվականի հունվարից մինչև 2012 թվականի ապրիլը եղել է Արևելյան ռազմական շրջանի (ԱՌՇ) զորքերի հրամանատարի տեղակալ։
2012 թվականի ապրիլից Կենտրոնական ռազմական օկրուգի (ԿՌՇ) զորքերի հրամանատարի տեղակալ, շտաբի պետ։ 2012 թվականի նոյեմբերի 9-ից մինչև 2012 թվականի դեկտեմբերի 24-ը ժամանակավոր կատարել է Կենտրոնական ռազմական օկրուգի հրամանատարի պարտավորությունները։ 2012 թվականի դեկտեմբերի 24-ից Կենտրոնական ռազմական օկրուգի հրամանատարիի առաջին տեղակալ, շտաբի պետ։
Սկսած 2015 թվականի աշնանը դարձել է Սիրիայում Ռուսաստանի ռազմական գործողությունների հրամանատարը։
2016 թվականի մայիսի 17-ին Ռուսաստանի նախագահ Վլադիմիր Պուտինը գեներալ-գնդապետ Ալեքսանդր Դվորնիկովին շնորհել է Ռուսաստանի Դաշնության հերոսի շքանշան։
.jpg) | _04.jpg) | .jpg) |  |
| 41-րդ բանակ ԿՌՇ 2013 թվականի հոկտեմբերի 10 | Դվորնիկովը (ձախից երկրորդը) ՌԴ պաշտպանության նախարար Սերգեյ Շոյգուի հետ։ Սիրիա, 2016 թվական | Դվորնիկովը մարտական դրոշի հանձնման արարողությանը, 2014 թվականի սեպտեմբերի 8 | Ռուսաստանի հերոսի Ոսկե աստղի հանձնման արարողությանը։ Մոսկվա, Կրեմլ, 2016 թվականի մարտի 17 |
2016 թվականի հունիսից կատարում է Հարավային ռազմական շրջանի հրամանատարի պարտականությունները։ 2016 թվականի սեպտեմբերի 20-ին նշանակվել է Հարավային ռազմական շրջանի հրամանատար։
Շքանշաններ
- Ռուսաստանի Դաշնության հերոս (2016)
- «Հայրենիքին մատուցած ծառայությունների համար» 4-րդ աստիճանի մեդալ
- Արիության շքանշան
- Զինվորական վաստակի համար շքանշան
- ՌԴ և ԽՍՀՄ մեդալներ (պետական ու գերատեսչական)։
Տես նաև
Ծանոթագրություններ
Արտաքին հղումներ
This article uses material from the Wikipedia Հայերեն article Ալեքսանդր Դվորնիկով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.