Laylah Ali Othman: Ƴar kasuwa

An haifa Laylah a jihar yobe, ammata tashi ne a Kaduna, inda tayi rayuwar ta a jihar Kaduna, inda tayi karatun ta na nursery da firamare a cikin Jihar Kaduna, Bayan kuma ta yi makarantar sakandire ta Junior & Senior a Damaturu. A halin yanzu ita ce Shugaba kuma Manajan Darakta na Superb rb , wato &N (Laylah & Nahaar) Interiors and Exterior Décor Nig.

Ta na da Digiri a fannin harshen Ingilishi daga Jami'ar Maiduguri, Diploma a interior decoration daga Lotus Educational Institute, Dubai da wani diploma kuma a space management daga Maren School of Interior Décor and Design, bugu da ƙari ta ƙara digiri na biyu a jami’ar ESAE dake ƙasa Benin Republic.

tayi aure Sau biyu auren na mutuwa.

Layla Ali othman ita ce ta ƙirƙiro da wani ƙungiya mai zaman kanta mai suna Laylah Initiative for the Boy and Girl Child Charity Foundation (LIBGC); ƙungiya ce da'ake ba da kulawa ga al-Manifī'', da kuma basu ilimi kyauta a wani rukuni na ɓangaren yaran da ke cikin buƙata, kamar Almajiri' da sauran ƙananan yara marassa galihu, ta hanyar shirin talabijin da ake kira Laylah's Way, inda take taimakan talakawa da kuma sauran jama'a, tana amfani da wanan shirin don taimakawa mutanen da ba zasu iya samun saukin rayuwa ko samun rayuwa mai kyau ba, ta hanyar basu cikakkiyar kayan gida.

Daga baya ta zama mai gabatar da shiri wanda ake kira Voices of the Youth. A cikin wannan shiri, ta bayar da damar samar da ingantacciyar rayuwa ga marasa galihu, da kuma karfafama mutane gwiwa game da yadda za su zama ƴan kasuwa, tare da koya masu ilimin yadda ake gina ingantaccen hanyar samun kuɗi, da kuma magance matsalolin da matasan Najeriyar ke fuskanta a yayin da suke ƙoƙarin samun ci gaba da nasara a rayuwarsu.

Bayan nasarorin da ta samu a kafafen yaɗa labarai, ita ce mai gabatar da shirin talabijin da ake kira Muryar Jama’a, shirin wasa ne wanda ke nuna rayuwa da al'adun Hausawa, Ita kuma ta mallaki kamfanin L Magazine, mujallar ce da ke nuna abubuwan kaman kayan ado na cikin gida, kiwon lafiya da salon rayuwa; ita ce marubuciya na Something Deep da Masked.