Sheeidey

Ta frauaig phroteen y çheeidey jeant ass fibroin son y chood smoo, as eh er n'ghientyn liorish laarvaghyn beishteigyn ennagh as ad jannoo cocoonyn. Ta'n sheeidey share ennit goit ass cocoonyn laarvaghyn crooag heeidey yn chrouw smeyr Bombyx mori ta troggit 'sy vondiaght (troggal dhianeyn sheeidey). Ta caslys skelley yn çheeidey çheet ass strughtoor prismagh ny frauaigyn sheidey ta lhiggey da eaddagh sheeidey aaskellaghey sollys ta çheet da ec uillinyn eigsoyllagh, as daaghyn caghlaaee gientit myr eiyrtys.

Ta'n sheeidey goll er ghientyn liorish shiartanse dy veishteigyn; agh, dy cadjin, cha nel agh sheeidey y phraddag lhemyn goll er ymmyd ayns jantys eggaghyn feeit. Ta'n sheeidey goll er ghientyn liorish laarvaghyn beishteigyn ta goll trooid ooilley-hoe, agh ta beishteigyn ennagh, lheid ass sneeuderyn moggyl as griaranyn caignagh, gientyn sheeidey er feie nyn mea oc. Chammah's shen, ta gientyn sheeidey ry-akin ayns hymenoptera (shellanyn, connspeaghyn, as snienganyn), yeeastyn argid, quaillagyn Voaldyn, caraigyn, jarganyn, quaillagyn, as midjeyn. Ta arthropodyn elley, lheid as doo oalleeyn, gientyn sheeidey chammah.