West Side Story é un filme musical estadounidense de 1961 de temática amorosa e dramática, dirixido por Robert Wise e Jerome Robbins.
A película é unha adaptación do musical homónimo de 1957, musical inspirado na obra Romeo e Xulieta de William Shakespeare. O filme está protagonizado por Natalie Wood, Richard Beymer, Russ Tamblyn, Rita Moreno e George Chakiris, e foi estreado o 18 de outubro de 1961.
West Side Story | |
---|---|
Póster do filme. | |
Ficha técnica | |
Director | Robert Wise e Jerome Robbins |
Guión | Arthur Laurents |
Baseado en | West Side Story, o musical |
Intérpretes | Natalie Wood e Richard Beymer |
Música | Leonard Bernstein |
Estrea | Estados Unidos 1961 |
Orixe | Estados Unidos |
Xénero | Musical, drama |
Na rede | |
http://www.mgm.com/view/movie/2130/West-Side-Story/ | |
|
Tanto o público como os crítcos alabaron a cinta, que se converteu na segunda película máis salientable do ano nos Estados Unidos. Recibiu once nomeamentos aos Oscar, das que saíu vencedora en dez, incluíndo a categoría de mellor imaxe, e se converteu no musical máis premiado da historia.
Foi emitido en galego pola Televisión de Galicia o 29 de marzo de 1991.
A acción sitúase nun barrio obreiro de Nova York marcado pola tensión existente entre dúas bandas de adolescentes de distintas etnias: os Jetts, de raza branca, e os Sharks, inmigrantes portoriqueños.
Os Jets deciden desafiar ós Sharks no baile que terá lugar no barrio para decidir quen o controla. Nese baile, Tony, amigo dos Jets, aínda que xa non forma parte da banda, e María, irmá do líder dos Sharks, namoran, pero a rivalidade entre as bandas creará moitas dificultades para o destino dos namorados.
Leonard Bernstein, quen compuxo a música da obra teatral, quedou descontento coa orquestración da adaptación cinematográfica debido a que empregaba demasiados músicos, cando na versión orixinal bastaba con trinta. Consideraba que, deste xeito, os temas perdían a súa subtileza.
A orde de aparición dos temas foi cambiado nalgúns casos da película con respecto á obra orixinal. Tamén algunhas letras foron modificadas, principalmente por motivos de censura; entre elas, as letras “Gee, Officer Krupke", "America" e "Tonight Quintet" foron as máis afectadas.
Natalie Wood pregrabou as súas cancións debido ó reto que supuñan para ela algúns dos temas, de forma que logo se buscou a sincronía labial cos seus movementos na pantalla. Porén, finalmente a súa voz foi susbtituída pola de Marni Nixon, quen recibiu dereito sobre apenas o 0.25% dos beneficios xerados polas cancións intrerpretadas coa súa voz.
Acto I
Acto II
This article uses material from the Wikipedia Galego article West Side Story (filme de 1961), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.