Vecsés

Tense constancia das primeiras mencións á vila no ano 1318. Nos séculos XIV e XV foi documentada coma unha cidade eclesiástica. No ano 1786, arredor dunhas 50 familias chegaron á vila para se asentar nela, na súa meirande parte procedentes da rexión xermánica de Suabia, e en menor medida habitantes procedentes de vilas húngaras e eslovacas da contorna. Cara a finais do século XIX a poboación desta vila comezou a medrar, permitindo desenvolver unha certa actividade social, cultural e política. Vecsés foi especialmente afectada pola segunda guerra mundial, que deixou na cidade un alto número de baixas. Xa no século XX, o agromar social e industrial fixo que se mudara o título de vila a cidade.

Na actualidade, a base da compañía Wizz Air atópase no aeroporto da vila, dende onde desenvolve a maioría da actividade e onde se atopan as oficinas da compañía aérea de baixo custo.

Ligazóns externas

• Sitio web oficial da cidade