ʿUthmān ibn ʿAffān (árabe: عثمان بن عفان), nado en Taif en 576 e finado en Medina ou 17 de xuño de 656, é o ʿUthman por excelencia dentro da cultura árabe e islámica, tamén coñecido como Utmán, Uzmán, Otmán, Othmán ou Osman.
Foi o terceiro dos chamados califas ortodoxos, a primeira serie de califas que gobernou o Imperio islámico entre a morte de Mahoma e a división que deu lugar ao califato omeia. Sucedeu ao califa Umar e gobernou entre os anos 644 e 656.
Pertencía á tribo dos Quraysíes, era fillo de Affan ibn Abi al-'As, neto de Abu al-'As ibn Umayyah e bisneto de Abd Shams, tío bisavó de Mahoma. Polo seu irmán máis vello Abu Sufyan era tío de Muawiya ibn Abi Sufyan.
As súas relacións co profeta eran excelentes, xa que casou sucesivamente con dúas ds súas fillas, Rukayya e Umm Kulthum.
O califa Omar non designou sucesor, mais instaurou a shura (consello) formada por seis compañeiros do Profeta, dos que sairía o novo califa, pois estes formaban parte das dez persoas ás que o Profeta en vida lles asegurou o Paraíso. O elixido para ser o novo califa foi Uthman, que pertencía á rica familia dos Omeias.
Na balanza relixiosa, fixo unha recompilación e redactou a versión oficial do Corán, que é a que persiste na actualidade, declarando a invariabilidade do texto pois era o auténtico Corán, a palabra de Deus dada ao Profeta, en 114 suras, sendo a primeira "Al Fatiha".
Morreu asasinado o 17 de xuño de 656, con 79 ou 80 anos, mentres ardía a súa casa.
Entre os seus inimigos atopábase Abdullah ibn Saba. A polémica ocasionada pola súa morte, desconformes coas súas decisións, foi a orixe do primeiro gran cisma do islam e a primeira guerra civil ou Primeira Fitna.
Predecesor: Omar | Califa ortodoxo 644-656 | Sucesor: Alí |
Wiki Commons ten máis contidos multimedia na categoría: Uthman ibn Affan |
A Galipedia ten un portal sobre: Historia |
This article uses material from the Wikipedia Galego article Uthman ibn Affan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.