STS-27 foi unha misión do Transbordador espacial Atlantis e lanzada o 2 de decembro de 1988 desde a rampla 39B do Centro de Lanzamento de Cabo Cañaveral.
STS-27 | |
---|---|
Lanzamento da misión STS-27 | |
Tipo | Tripulado |
Organización | NASA |
Data de lanzamento | 2 de decembro de 1988, 14:30 GMT |
Foguete portador | Transbordador espacial |
Sitio de lanzamento | Centro de Lanzamento de Cabo Cañaveral, rampla 39B |
Duración da misión | 4,38 días |
Obxectivo da misión | Misión militar, carga clasificada. |
Regreso | 6 de decembro de 1988 |
Sitio de regreso | Base Edwards da Forza Aérea |
NSSDC ID | 1988-106A |
STS-27, con cinco astronautas a bordo, foi lanzada para poñer en órbita o satélite militar clasificado Onyx 1, na terceira misión adicada ao Departamento de Defensa. A tripulación estaba formada polo comandante Robert L. Gibson, o piloto Guy S. Gardner e os especialistas de misión Richard M. Mullane, Jerry L. Ross e William M. Shepherd.
Durante a engalaxe o cono superior do acelerador de propelente sólido dereito soltouse e golpeou o transbordador debido, como se determinou máis tarde, a cambios no proceso de fabricación do material ablativo que protexía aos foguetes aceleradores durante o lanzamento. Unha vez en órbita a tripulación examinou a zona mediante o brazo robótico, descubrindo que gran cantidade de lousas do escudo térmico estaban danadas. O control de terra non lle deu máis importancia, contra a preocupación dos astronautas, que non parecían ter claro se se lles estaba ocultando información.
O Atlantis regresou a terra sen incidentes na Base Edwards da Forza Aérea o 6 de decembro de 1988. Un exame do transbordador revelou que unhas 700 lousas sufriran danos e que faltaba unha, afortunadamente nunha zona menos exposta ao intenso calor da reentrada atmosférica. Se a lousa se tivera perdido nunha zona máis vulnerable podería terse producido un accidente similar ao que caousou a perda do Columbia durante a misión STS-107 pero 15 anos antes.
Wiki Commons ten máis contidos multimedia na categoría: STS-27 |
This article uses material from the Wikipedia Galego article STS-27, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.