Lúa Prometeo: Satélite natural de Saturno
Prometeo (en grego Προμηθέας) é unha lúa interior de Saturno.
- Non confundir co asteroide chamado 1809 Prometheus.
Foi descuberta en outubro de 1980 (algúns días antes do 25 de outubro) a partir de imaxes tomadas pola sonda Voyager 1, e foi designada provisionalmente coma S/1980 S 27. A finais de 1985 recibiu o nome oficial de Prometeo, un Titán da mitoloxía grega. Tamén é coñecida coma Saturno XVI.
 | |
| Descubrimento | |
|---|---|
| Descuberta por | Collins, Voyager 1 |
| Descuberta no | outubro de 1980 |
| Designación alternativa | Saturno XVI |
| Características orbitais | |
| Eixo semi-maior | 139.380 ± 10 km |
| Excentricidade | 0,0022 |
| Período orbital | 0,612990038 días |
| Inclinación | 0,008 ± 0,004° (respecto do ecuador de Saturno) |
| Satélite de | Saturno |
| Características físicas | |
| Dimensións | 119×87×61 km |
| Radio medio | 43,1 ± 2,0 km |
| Área superficial | ~23.000 km2 |
| Volume | ~340.000 km3 |
| Masa | 1,566 ± 0,019 x 1017 kg |
| Densidade media | 0,47 ± 0,07 g/cm³ |
| Gravidade superficial | ~0,003 m/s2 |
| Velocidade de escape | ~0,019 km/s |
| Período de rotación | sincrónica |
| Albedo | 0,6 |
| Oblicuidade | cero |
| Temperatura | ~74 K |
Esta pequena lúa é extremadamente alongada, cunhas dimensións de 119 x 87 x 61 kms. Ten varias cristas, vales e un bo número de cráteres que poden acadar 20 kms de diámetro, con todo ten menos cráteres cás súas lúas veciñas Pandora, Epimeteo e Xano. A partir da súa baixa densidade e albedo relativamente alto, pódese deducir que Prometeo é un corpo xeado moi poroso.
Prometeo actúa coma lúa pastor da parte interior do anel F. Imaxes recentes tomadas pola sonda Cassini amosa que a gravidade de Prometeo crea ondas e regueiros de material no anel F, coma se a lúa lle roubase algo de material ó anel. A órbita de Prometeo é caótica, coma consecuencia da resonancia orbital con Pandora. Os cambios máis apreciables ocorren aproximadamente cada 6,2 anos, cando a periapse de Pandora coincide coa apoapse de Prometeo, no momento en que as lúas se aproximan entre elas a uns 1400 kms. Prometeo tamén está visiblemente perturbada por Atlas.
Galería multimedia
-
Prometeo arrastrando material do anel F. -
Prometeo levantando ondas no anel F. -
Imaxe da Voyager 2 (25 de agosto de 1981). -
Imaxe da Cassini que amosa unha superficie cuberta cun manto fino de material. -
Imaxe do 27 de xaneiro do 2010. A luz refractada dende Saturno, ilumina a cara nocturna da lúa. -
A mesma imaxe pero máis brillante. - Animación na que se pode ver a Prometeo colisionar co anel F, levantando un regueiro de material do anel. 12 segundos 107kbps
- Animación na que se pode ve-las ondas que Prometeo causa no anel F. 5 seconds 48 kbps
Notas
Véxase tamén
Outros artigos
Ligazóns externas
| Commons ten máis contidos multimedia sobre: Prometeo |
- NASA (ed.). "Cassini-Huygens: Multimedia-Videos / Soft Collision". Arquivado dende o orixinal o 29 de outubro de 2007. Consultado o 27 de maio de 2010.
Prometheus slowly collides with the diffuse inner edge of Saturn's F ring ... pulls a streamer of material from the ring and leaves behind a dark channel.
- Prometheus Profileat NASA's Solar System Exploration siteArquivado 09 de xuño de 2007 en Wayback Machine.
- The Planetary Society: Prometheus
- 3-D imaxe en 3d de Prometeo
This article uses material from the Wikipedia Galego article Prometeo (lúa), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.