O pobo xitano, pobo cigano ou pobo romaní é un grupo étnico que vive principalmente no sur e leste de Europa, Asia occidental, Latinoamérica, nos Estados Unidos de América e no Oriente Medio.
Crese que a súa orixe provén das rexións indias do Rajasthan e do Punjab. Ó redor de 1050 comezaron as súas emigracións cara a Europa e ó norte de África a través do Irán.
Pobo xitano | |
---|---|
Xitana húngara | |
Poboación | |
Poboación total: Incerta; estímase que entre 2 millóns e máis de 12 millóns | |
Rexións principais: | |
Estados Unidos | 1 000 000 estimados con devanceiros xitanos (5 400 no censo de 2000) |
Brasil | 800 000 |
España | 650 000 |
Romanía | 619 000 |
Aspectos culturais | |
Lingua | Lingua romaní |
Relixión | Cristianismo (ortodoxo, católico, protestante), islam, hinduísmo |
Grupos relacionados | Dom, Lom, Domba; outros Indoarios |
Tradicionalmente os xitanos falan diversos dialectos da lingua romaní, unha lingua indoariana. A día de hoxe, a maioría dos xitanos falan a lingua dominante na súa rexión de residencia.
Segundo o censo de 2000, en Galicia había unha comunidade xitana duns 9.000 individuos. En España a comunidade xitana é moito maior, duns 600.000, asentada principalmente nas comunidades de Andalucía, Madrid e Cataluña.
O 8 de abril celébrase o Día Internacional do Pobo Xitano. A data conmemora o primeiro Congreso Mundial romaní/xitano celebrado en Londres o 8 de abril de 1971, no que se instituíu a bandeira e o himno xitano.
A palabra "xitano" procede de "exiptano", porque no século XV se pensaba que os xitanos procedían de alí. Cando penetraron en Europa, moitos grupos de xitanos presentábanse a si como "nobres exipcianos"; así en 1425, dous rom pediron un salvoconduto ao rei Xoán II de Aragón, no que se facían chamar "condes do Exipto Menor". A palabra "calé" parece proceder do indostaní kâla, que significa "negro".
This article uses material from the Wikipedia Galego article Pobo xitano, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.