Península Itálica
A Península Itálica é unha península do surcentro de Europa e é unha das tres grandes penínsulas do sur deste continente, xunto coa Balcánica e a Ibérica.
O seu territorio esténdese uns 1000 km de noroeste a sueste. Está situada no centro do mar Mediterráneo, entre os mares da Liguria, Tirreno, Adriático e Xónico. Politicamente abrangue a maior parte de Italia, San Marino e a Cidade do Vaticano.
Características xerais
A Península Itálica está unida ao tronco central do continente europeo pola cadea dos Alpes. Grazas á súa posición, constitúe unha ponte de paso entre Europa, Asia e África. A Península Itálica está bañada polo mar da Liguria e polo mar Tirreno pola costa occidental, polo mar Xónico pola costa oriental e o Adriático pola costa sur.
No suroeste da península está Calabria e está separada da illa de Sicilia polo estreito de Messina. Entre Sicilia e África distan 140 km.
Na costa oriental, a península salentina (Puglia) dista da costa albanesa, no punto máis estreito do Canal de Otranto, 70 km.
División política e administrativa da Península Itálica
A rexión física da Península Itálica, non corresponde exactamente coa extensión do Estado italiano, e non só os italianos ocupan este espazo. Dentro da Península Itálica está:
| País/ Territorio | Superficie peninsular | Descrición | Capital | Idioma oficial | |||
|---|---|---|---|---|---|---|---|
| Poboación | km2 | sq mi | Tanto por cen | ||||
 República italiana | 26 140 000 | 131 275 | 50 686 | 99.9531% | Ocupa a maioría da península | Roma | italiano |
 San Marino | 31 887 | 61,2 | 23,6 | 0.0466% | Un enclave ó nordeste da Italia peninsular | Cidade de San Marino | italiano |
 Cidade do Vaticano | 829 | 0,44 | 0,17 | 0.0003% | Un enclave de Roma (Italia) | Cidade do Vaticano | italiano, latín |
Notas
This article uses material from the Wikipedia Galego article Península Itálica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.