Miguel De La Quadra-Salcedo
Miguel de la Quadra-Salcedo y Gayarre, nado en Madrid o 30 de abril de 1932, e finado ibídem o 20 de maio de 2016, foi un reporteiro, promotor cultural e atleta español, especializado nas probas de lanzamento.
Fundou e dirixiu o programa de estudos e aventuras Aventura 92, posteriormente coñecido como Ruta Quetzal. Aínda sendo madrileño de nacemento, el sempre se recoñeceu como vasco-navarro.
 Quadra-Salcedo no 2014. | |
| Biografía | |
|---|---|
| Nacemento | (es) Miguel de la Quadra-Salcedo Gayarre  30 de abril de 1932 Madrid,  España |
| Morte | 20 de maio de 2016 (84 anos) Madrid, España |
| Datos persoais | |
| País de nacionalidade | España |
| Altura | 180 cm |
| Peso | 90 kg |
| Actividade | |
| Campo de traballo | Xornalismo e deporte |
| Ocupación | Reporteiro de TVE, atleta de lanzamento de disco, peso e martelo e director da Ruta Quetzal. |
| Lingua | Lingua castelá |
| Deporte | atletismo |
| Disciplina deportiva | Lanzamento de disco |
| Participou en | |
| 1960 | Xogos Olímpicos de 1960 |
| Familia | |
| Cónxuxe | Marisol de Asumendi |
| Fillos | Rodrigo, Sol e Íñigo |
| Pai | Estanislao de La Quadra-Salcedo y Arrieta-Mascarúa (en)  |
| Irmáns | Ana María de La Quadra-Salcedo y Gayarre (en) |
| Parentes | Tomás de la Quadra-Salcedo (pt) (curmán entregue) |
Premios
| |
  | |
Traxectoria
Fillo primoxénito dos seis que tivo o matrimonio formado por Estanislao de la Quadra-Salcedo y Arrieta-Mascarúa (1908-1938) e María Gayarre Galbete, era curmán de Tomás de la Quadra-Salcedo, así como de José Javier de la Quadra-Salcedo y Miranda, marqués de los Castillejos. Sendo neno, ós 5 anos, os seus pais trasladáronse a vivir a Pamplona, a capital navarra.
Deportista
Estudou a carreira de perito agrícola, pero salientou máis como atleta. Formou parte da Sección de Atletismo do Real Madrid C.F. e conseguiu un total de nove campionatos de España: seis en disco, dous en peso e un en lanzamento de martelo, ademais de varias plusmarcas nacionais en lanzamento de martelo e disco. Tamén participou nos Xogos Olímpicos de 1960, representando a España.
Bateu a plusmarca mundial de xavelina cunha técnica adaptada por Félix Erausquin, a do lanzamento de barra vasca. Por mor da perigosidade que ofrecía esta técnica para lanzadores inexpertos, a IAAF viuse na obriga de modificar o regulamento por dúas veces, incluíndo nas regras que nin o lanzador nin a xavelina podían estar orientados en ningún intre do lanzamento de costas á zona de lanzamento. Esta marca non se homologou malia ser anterior á modificación do regulamento.
Reporteiro
Dende 1961 até 1963, traballou como etnobotánico na selva do río Amazonas a soldo do Goberno colombiano. De volta en España foi contratado por Televisión Española (TVE) como reporteiro. No seu primeiro traballo tivo que cubrir a información da crise da República Democrática do Congo, onde estivo a piques de morrer (fora condenado a morte) por rodar o fusilamento de 300 prisioneiros.
Como correspondente de TVE cubriu a guerra de Vietnam e o golpe de estado do 11 de setembro de 1973 en Chile, perpetrado polo xeneral Augusto Pinochet, entre outros moitos acontecementos. Ó longo da súa carreira profesional tivo ocasión de entrevistar a moitas personalidades relevantes do século XX coma o Dalai Lama, Salvador Allende, Indira Gandhi ou Pablo Neruda, entre outros.
Tamén traballou en "La Actualidad Española", formando equipo con Félix Rodríguez de la Fuente e o xornalista César Pérez de Tudela.
Promotor cultural
A súa última iniciativa profesional xurdiu en 1979, cando creou o programa "Aventura 92", despois chamado Ruta Quetzal que hoxe leva o nome oficial de Ruta BBVA polo seu patrocinador, o banco BBVA. Trátase dun programa que foi declarado de Interese Universal pola Unesco, e que consiste en intercambios entre rapaces de 58 países para poder realizar viaxes de estudo xeográfico, histórico e medioambiental por América Latina. O programa desenvólvese ininterrompidamente dende 1979 e reúne cada xuño e xullo, durante 45 días, a mozos e mozas de 16 e 17 anos nunha viaxe de ida e volta entre América Latina e España.
Traxectoria en TV
- A toda plana (1965-1967)
- Aventura (1969)
- El mundo en acción (1973-1978)
- Los reporteros (1974-1976)
- Españoles en el Pacífico (1980)
- A la caza del tesoro (1984)
- Aventura 92 (1988-1992)
- Ruta Quetzal (1993-2016)
Notas
Véxase tamén
Wiki Commons ten máis contidos multimedia na categoría: Miguel de la Quadra-Salcedo  |
Bibliografía
- "Noticias Genealógicas sobre los P. de Rivera y los Salcedo y varios de sus ascendientes y descendientes por líneas paterna y materna, y de otras casas vascongadas", de Antonio Pérez de Azagra, 1943.
- "La Casa de Salcedo de Aranguren", de Javier Ybarra Bergé.
- "La Casa de Urrutia de Avellaneda", de J Mª Urrutia y Llano; Bilbao, 1968.
- "El pájaro de la aventura", Antonio Pérez Henares
This article uses material from the Wikipedia Galego article Miguel de la Quadra-Salcedo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.