Michel Temer

Foi o Presidente do Brasil entre o 31 de agosto de 2016 o o 1 de xaneiro de 2019. Electo como vicepresidente de Dilma Rousseff, asumiu a presidencia tras a destitución desta logo dun xuízo político.

Michel Temer

Biografía
Nacemento	(pt-br) Michel Miguel Elias Temer Lulia 23 de setembro de 1940 (83 anos) Tietê, Brasil (pt)
37º Presidente do Brasil
31 de agosto de 2016 – 31 de decembro de 2018 ← Dilma Rousseff – Jair Bolsonaro →
Vicepresidente do Brasil
1 de xaneiro de 2011 – 31 de agosto de 2016 ← José Alencar – Hamilton Mourão →
Deputado federal por São Paulo (pt)
6 de abril de 1994 – 1 de xaneiro de 2011
Deputado federal por São Paulo (pt)
16 de marzo de 1987 – 1 de febreiro de 1991
Datos persoais
País de nacionalidade	Brasil
Relixión	Igrexa católica
Educación	Pontifícia Universidade Católica de São Paulo (pt) Faculdade de Direito da Universidade de São Paulo (pt) Universidade de São Paulo
Actividade
Lugar de traballo	São Paulo
Ocupación	político , avogado , poeta
Partido político	Partido do Movimento Democrático Brasileiro
Lingua	Lingua portuguesa e portugués do Brasil
Participou en
23 de xaneiro de 2018	World Economic Forum Annual Meeting 2018 (en)
Familia
Cónxuxe	Marcela Temer Maria Célia de Toledo
Fillos	Maristela Temer (pt)  () Maria Célia de Toledo (en) Michel Temer Filho (pt)  () Marcela Temer (pt)
Premios  Cabaleiro da Lexión de Honra  Ordem de Rio Branco (pt)  Ordem Nacional do Mérito (pt)  Gran Cruz da Orde de Dannebrog  Grande Oficial da Orde do Infante Don Henrique  Gran Cruz da Orde Militar de Cristo
Sinatura

Michel Temer comezou a súa carreira política no gabinete do gobernador de São Paulo, Adhemar Pereira de Barros. En 1983 foi nomeado procurador xeral do Estado e o ano seguinte pasou a ser secretario de Seguridade Pública do mesmo, cargo que volveu ocupar nos inicios dos anos 1990. Dentro da súa xestión creouse a primeira Delegacía da Muller do Brasil, así como tamén a Delegacía de Protección dos Dereitos de Autor, como instrumento de combate á pirataría.

Logo da súa primeira lexislatura fronte á Secretaría de Seguridade Pública de San Paulo, comezou a súa carreira en cargos electivos. Confioulle ao entón gobernador, Franco Montoro, o súa decisión de participar na Asemblea Nacional Constituínte de 1986. Finalmente, resultou electo ao cargo e puido participar da Asemblea onde optou por mostrar unha postura moderada e grandes coñecementos sobre dereito constitucional. Logo desta elección, foi elixido Deputado Federal, cargo que repetiría consecutivamente por seis períodos máis. Finalmente abandona o cargo para volver asumir a Secretaría de Seguridade Pública de San Paulo e, anos máis tarde, para asumir a Secretaría de Goberno do devandito Estado.

Foi electo tres veces como Presidente da Cámara de Deputados (en 1997, en 1999 e en 2009), e no 2001 é designado como presidente do Partido do Movimento Democrático Brasileiro. En 2009, tras un acordo co Partido dos Traballadores, é elixido como candidato a Vicepresidente, para conformar unha candidatura con Dilma Rousseff a disputar nas eleccións de 2010, onde finalmente resulta electo, tras unha segunda volta, o 31 de outubro, tamando finalmente posesión do cargo o 1 de xaneiro de 2011.

Debido á crise política e económica, que resultaron no impeachment de presidente Dilma Rousseff, Michel asumiu a presidencia en 31 de agosto de 2016. Nunha entrevista para a Lebanese Broadcasting Corporation, Temer mencionou que a orixe da súa familia é da cidade de Tabourah en Distrito de Koura, que á súa vez é unha veciñanza da cidade de Trípoli, Líbano.