María Sefidari

Experta en xestión cooperativa e produción cultural en Internet e activista en coñecemento e cultura libre. Desde xullo de 2018 é presidenta da Fundación Wiki.

María Sefidari

Biografía
Nacemento	(es) María Sefidari Huici 1982 (41/42 anos) Madrid (España)
Chair of the Wiki Foundation Board of Trustees (en)
19 de xullo de 2018 – 3 de xuño de 2021 ← Christophe Henner – Natalia Tymkiv →
Tesoureira (pt) Affiliations Committee (en)
2012 – 2013
Vice-presidente (pt) Wiki España
2010 – 2012
Datos persoais
País de nacionalidade	España
Educación	Universidade Complutense de Madrid - psicoloxía
Actividade
Ocupación	activista LGBT , wikimedista
Empregador	Universidade Rei Xoán Carlos
Membro de	Conselho Diretivo da Fundação Wiki (pt) (2016–2020) Conselho Diretivo da Fundação Wiki (pt) (2013–2015) Wikimulleres
Lingua	Lingua castelá
Familia
Cónxuxe	Laura Hale

Licenciouse en Psicoloxía na Universidade Complutense de Madrid, na que tamén estudou un mestrado en Comercio e Turismo. En 2014 foi bolseira do programa Techweek Women’s Leadership Fellows dedicado ao apoio do liderado de mulleres líderes emerxentes en negocios e tecnoloxía. Desde 2015 é profesora do programa de Mestría en Comunicación Dixital, Cultura e Cidadanía da Universidade Rei Xoán Carlos.

Sefidari, coñecida en Wiki como Raystorm empezou a contribuír nos proxectos Wiki sobre coñecemento e cultura libre en 2006. Pouco despois lanzou o Wikiproxecto LGBT para dar visibilidade a estes colectivos e mellorar e organizar os contidos relacionados co tema, inspirándose nun proxecto similar na Wikipedia en lingua inglesa.

En 2011 foi membro fundadora de Wiki España e primeira vicepresidenta da asociación, e en 2015 de Wikimujeres, un grupo de usuarias de Wiki centrado na visibilización das mulleres e a eliminación do nesgo de xénero na Wiki. No movemento Wiki formou parte de varios comités de goberno, entre eles o Comité de Afiliacións e o Comité de Gobernanza do Consello, onde exerceu como presidenta. Entre 2013 e 2015 foi membro da Xunta da Fundación Wikimedia. En 2016 reincorporouse á Fundación Wiki para cubrir unha vacante, e asumiu a vicepresidencia da organización. Foi confirmada como vicepresidenta para un segundo mandato en 2017. Nestes anos participou en numerosos cursos de formación e eventos sobre coñecemento aberto e libre e sobre a incorporación da diversidade e a igualdade de xénero nos contidos de Wiki Galego. En xullo de 2018 foi elixida presidenta da Fundación Wiki no 14º encontro anual de Wikimania.