Karnam Malleswari: Deportista india
Karnam Malleswari (en telugu: కరణం మల్లేశ్వరి), nada o 1 de xuño de 1975, é unha levantadora olímpica de peso retirada da India.
É a primeira muller india en gañar unha medalla nos Xogos Olímpicos. En 1995, recibiu o Rajiv Gandhi Khel Ratna, a meirande honra deportiva da India, e en 1999, o premio civil Padma Shri.
  | |
| Biografía | |
|---|---|
| Nacemento | 1 de xuño de 1975 (48 anos) Srikakulam, India (pt)  |
| Datos persoais | |
| País de nacionalidade | India |
| Altura | 163 cm |
| Actividade | |
| Ocupación | halterófilo |
| Período de actividade | 1992 - 2004 |
| Nacionalidade deportiva | India |
| Deporte | halterofilia |
| Adestrador | Leonid Taranenko (pt) |
| Participou en | |
| 2004 | Xogos Olímpicos de 2004 |
| 2000 | Xogos Olímpicos de 2000 (medalla de bronce) |
| decembro de 1998 | Jogos Asiáticos de 1998 (pt) (medalla de prata) |
| 1995 | Campeonato Mundial de Halterofilismo de 1995 (pt) (medalla de ouro) |
| 1994 | Jogos Asiáticos de 1994 (pt) (medalla de prata) |
| 1994 | Campeonato Mundial de Halterofilismo de 1994 (pt) (medalla de ouro) |
Premios
| |
  | |
Traxectoria
Malleswari gañou o título mundial na categoría de 54 kg en 1994 e 1995, e clasificouse no terceiro posto en 1993 e 1996.
En 1994, gañou a medalla de prata no Campionato Mundial de Istambul, e en 1995 gañou o Campionato Asiático de Halterofilia celebrado en Corea na categoría de 54 kg. Gañou o título na China ese mesmo ano cun récord de levantamento de 113 kg no Campionato do Mundo. Antes da súa vitoria nas Olimpíadas, Malleswari foi campioa do mundo de levantamento de peso por dúas veces, con 29 medallas internacionais, incluíndo 11 medallas de ouro.
Ademais das numerosas medallas nacionais e internacionais, Malleswari tamén foi galardoada co Rajiv Gandhi Khel Ratna en 1999, o Premio Arjuna en 1994 e o Padma Shri en 1999.
Nos Xogos Olímpicos de 2000, Malleswari levantou 110 kg na categoría de "arranque" e 130 kg na de limpo e tirón, conseguindo un total de 240 kg. Gañou a medalla de bronce e converteuse na primeira muller india en gañar unha medalla olímpica. Tamén foi a primeira e a única muller india levantadora de peso en gañar unha medalla olímpica.
Vida persoal
Malleswari naceu en Voosavanipeta, preto de Amadalavalasa, unha aldea de Andhra Pradesh. Ten tres irmás e todas elas foron adestradas en levantamento olímpico de peso. Comezou a súa carreira deportiva con 12 anos e foi adestrada por Neelamshetty Appanna.
Trasladouse a Delhi cunha das súas irmás e axiña foi descuberta pola Autoridade Deportiva da India. Posteriormente en 1990, Malleshwari uniuse ó centro nacional, e catro anos máis tarde foi campioa mundial na categoría de 54 kg.
En 1997, casou co seu compañeiro de halterofilia Rajesh Tyagi, e en 2001 deu a luz un fillo. Tiña pensado regresar á competición nos Xogos da Commonwealth de 2002, mais finalmente non o fixo por mor da morte do seu pai. Retirouse definitivamente despois de non conseguir puntuar para os Xogos de 2004. No presente vive en Yamunanagar, Haryana, xunto co seu marido e traballa na Corporación de Alimentos da India como Directora Xeral.
Notas
Véxase tamén
| Wiki Commons ten máis contidos multimedia na categoría: Karnam Malleswari |
Ligazóns externas
This article uses material from the Wikipedia Galego article Karnam Malleswari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.