Illa Pancha: Accidente xeográfico en Ribadeo
7°02′30″O / 43.556388888889, -7.0416666666667
A illa Pancha é o extremo occidental da saída da ría de Ribadeo, fronte á Punta da Cruz.
| Illa Pancha | |
|---|---|
.jpg) Faros da Illa Pancha. | |
  Illa Pancha Localización no mapa provincial. | |
| Situación | |
| País |  Galiza |
| Provincia | Lugo |
| Mar | Mar Cantábrico |
| Xeografía | |
| Superficie | 0,011 km² |
| Demografía | |
| Poboación | Deshabitada |
Xeografía e historia
Está situada na punta nordeste do concello de Ribadeo, e acolle o principal faro da contorna. Está unida a terra por unha ponte refeita con formigón armado no ano 1983. Próximo a ela está o miradoiro da Illa Pancha, incluído na ribadense Ruta dos Miradoiros.
Ten unhas 1,1 hectáreas e orografía escarpada e recortada, aínda que chá no seu cumio, onde está instalado o vello faro de illa Pancha, construído en 1857. O novo faro, na zona norte, é do último cuarto do século XX (1983).
A illa tivo unha estación meteorolóxica a finais dos anos 1920.
Xeoloxía e bioloxía
A súa costa é rochosa e ten vexetación de plantas costeiras que lle dá unha cor moi variable ó longo do ano, incluída a invasora 'unlla de gato'.
Panchorro
Nas súas proximidades desenvólvese unha onda que polas súas características (ata 20 m de altura) é codiciada polos surfistas, pretendéndose organizar un campionato en función da súa aparición, o "IIla Pancha Challenge".
Polémica sobre o hotel
No ano 2014 comezou o proceso para que o faro sexa usado coma hotel, contando con oposición veciñal. Está catalogada como Zona 2, Área de Conservación, dentro do Plan Director da Rede Natura 2000, zonas que a priori non están autorizadas para uso turístico. Pese ó anterior, en abril de 2017 o vello edificio comezou a ter actividade como apartamentos turísticos. En 2019 o colectivo de Ribadeo Por Nuestro Faro denunciou restricións de acceso.. En agosto de 2021 a empresa hostaleira abriu unha cafetería con terraza.
En 2022 o Tribunal Superior de Xustiza de Galicia reiterou a obriga de que a illa tivese acceso libre ao ser un espazo natural.
Dependencia administrativa
A illa é administrada pola Autoridade Portuaria de Ferrol-S. Cibrao.
Notas
Véxase tamén
Ligazóns externas
Autoridade Portuaria de Ferrol-S.Cibrao (en castelán)
This article uses material from the Wikipedia Galego article Illa Pancha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.