Groninga

Groninga

Groningen (nl)
Bandeira Brasón
Localización
53°13′08″N 6°34′03″L / 53.2189, 6.56756°34′03″L / 53.2189, 6.5675
Estado	Reino dos Países Baixos
País	Países Baixos
Provincias	Provincia de Groninga - Provincie Groningen
Concello	Groningen (pt)
Capital de	Provincia de Groninga - Provincie Groningen
Poboación
Poboación	238.147 (2023) (2.845,58 hab./km²)
Lingua oficial	lingua neerlandesa Gronings (en)
Xeografía
Superficie	83,69 km²
Bañado por	Noord-Willemskanaal (en) e Drentsche Aa (en)
Altitude	7 m
Datos históricos
Evento clave 22 de xullo de 1594 Siege of Groningen (en) 9 de xullo de 1672 Cerco de Groningen (pt)
Organización política
• Alcalde	Koen Schuiling (2019–)
Identificador descritivo
Código postal	9700–9747
Prefixo telefónico	050
Código BAG	1070
Outro
Irmandado con	Katowice Odense Newcastle upon Tyne Tianjin Talín Graz (1965–) Oldenburg (1989–) Múrmansk (1989–) Kaliningrado (1998–) Bremen (2009–)
Páxina web	groningen.nl

Para a provincia homónima, véxase Provincia de Groninga.

Pola súa universidade e pola súa vida cultural, Groninga está considerada como a cidade máis importante do norte dos Países Baixos. Chamada polos provinciais a Stad (cidade) e Groot Loug (grande aldea), os seus habitantes son denominados correntemente Stadjers, é dicir "os cidadáns", por contraste coa rexión circundante que é sobre todo un país agrícola.

Groningen foi fundada arredor do ano 1000. Foi un dos primeiros membros da Liga hanseática: no 1251 obtivo un monopolio sobre o comercio de graos na rexión, o que asegurou a súa prosperidade durante os séculos seguintes.

En 1614 foi inaugurada a universidade, con sona especialmente polo seus estudos de teoloxía. Na actualidade aínda a universidade ten grande importancia na vida cidadá de Groninga, na que hai uns 40.000 estudantes.

Desde un punto de vista industrial, Groningen é importante polos próximos xacementos de gas natural (talvez os maiores en Europa), sitos na veciña localidade de Slochteren. É coñecida tamén polas súas industrias alimentarias, en particular as de refinamento de azucre de remolacha.

Groninga é un dos 483 municipios de Holanda. O seu concello ou gemeente comprende varias localidades de importancia como: Dorkwerd, Engelbert, Hoogkerk, Leegkerk, Middelbert, Noorddijk, Noorderhoogebrug, Oosterhogebrug, Roodehaan, Ruischerbrug e Vierverlaten.

Entre outros salientan:

• Igrexa de San Martiño (Martinikerk), do século XV, cunha torre de 94 m (Martinitoren); a ábsida está decorada con frescos do século XVI;
• Casa do Concello (Stadhuis), edificación neoclásica de 1810;
• Het Goudkantoor, edificio clasicista do século XVII;
• Prinsenhof, antigo pazo arcebispal desde 1559;

Paseando por rúas e prazas poden verse, e ás veces visitarse, algunhas casas antigas e outras obras dignas de mérito (como un xardín do XVII).

Museos

• Museo de Groningen (Groninger Museum), con variadas coleccións, desde porcelanas chinesas a obras pictóricas desde o século XVI á actualidade;
• Museo Naval do Norte (Noordelijk Scheepvaartmuseum);
• Museo do Tabaco (Tabaksmuseum), todo tipo de obxectos en relación co tabaco