Folgoso Do Courel: Concello da comarca de Quiroga, na provincia de Lugo

Segundo o IGE en 2022 tiña 985 habitantes (1310 no 2006, 1346 no 2005, 1397 no 2004, 1448 no 2003). O xentilicio é «courelao».

Folgoso do Courel

Localización
42°35′20″N 7°11′43″O / 42.588888888889, -7.19527777777787°11′43″O / 42.588888888889, -7.1952777777778
Estado	España
Comunidade autónoma	Galicia
Provincia	Provincia de Lugo
Capital	Folgoso do Courel
Poboación
Poboación	1.004 (2023) (5,2 hab./km²)
Xeografía
Superficie	193 km²
Altitude	612 m
Comparte fronteira con	Quiroga Pedrafita do Cebreiro Barxas Samos A Pobra do Brollón O Incio Oencia
Organización política
• Alcaldesa	Dolores Castro Ochoa
Eleccións municipais en Folgoso do Courel
Identificador descritivo
Código postal	27017
Fuso horario	UTC+01:00
Código INE	27017

A poboación do concello de Folgoso do Courel é eminentemente avellentada cunha idade media de 57,62 anos. Pola contra, a idade media minguou no último lustro en 0,54 anos e a poboación menor de 16 anos pasou de ter un mínimo de 31 censados no 2016 a 48 no 2022-

A serra do Courel é unha cordilleira montañosa situada no sueste da provincia de Lugo, que se estende tamén polos concellos de Quiroga e Pedrafita do Cebreiro. Ten uns 212 km², con fortes variacións de altitude, desde os 400 m no val do río Lor aos 1600 m en picos como Montouto, Formigueiros (1643 m) ou Pía Paxaro (1610 m). O río Lor e varios afluentes seus forman ricos vales con diversos ecosistemas, que fan desta serra a reserva botánica máis importante de Galiza.

Patrimonio natural

Folgoso do Courel ten unhas paraxes naturais de alto valor no eido da espeleoloxía.

A sima de Aradelas está na localidade de Campelo (a 9 km de Seoane), e con 128 metros é a cova máis profunda de Galicia. A cova de Tralacosta ten salas subterráneas con estalactitas e estalagmitas. A cova da Ceza encóntrase en Noceda (a 8 km de Seoane) e ten uns 680 metros de lonxitude, con grandes salas comunicadas por pasos estreitos a través dos que flúe un rego procedente dunha lagoa de 25 metros de profundidade localizada ao final. A Buracada das Choias está en Visuña (a 15 km de Seoane), e ten un percorrido de 30 metros por unha única galería. A cova do Oso está en Moreda, aos pés duns resaltes rochosos. Ten interese arqueolóxico, pois nela atopáronse restos de cerámica. A cova de Teixeira, de gran profundidade, está no lugar da Poza.

No concello hai diversos restos de poboados castrexos. No castro de Vilar destacan as súas murallas defensivas. Nel atopáronse restos de cerámica. O castro da Torre está próximo á localidade de Sobredo. O castro de Miraz ten unhas murallas de grande altura e no seu interior foron atopadas numerosas sepulturas. O castro de Torexe está en Visuña. No catastro de Ensenada dise que era onde se reunía a xustiza ordinaria da comarca.

Da época da romanización de Galicia consérvase unha Tabula Hospitalis, unha peza de bronce atopada no Carbedo cun texto en latín consistente nun pacto entre o seurro Tilego, fillo de Ambato, e os lougeis do castellum Toletensis con autorización das autoridades romanas.

Resultados das eleccións municipais no concello de Folgoso do Courel:

•  
  Casa do concello
•  
  Placa altimétrica de Folgoso do Courel
•  
  Igrexa de San Pedro de Esperante
•  
  Interior dun antigo pombal construído na súa totalidade con pedra

Para unha lista completa de todos os lugares do concello de Folgoso do Courel vexa: Lugares de Folgoso do Courel.

Wiki Commons ten máis contidos multimedia na categoría:  Folgoso do Courel

Outros artigos

• Eleccións municipais en Folgoso do Courel

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.