Mediawiki: Software para sitios web tipo wiki

Malia ser creado e desenvolvido para a Wiki e os outros proxectos da fundación Wiki, tivo unha grande expansión a partir de 2005, existindo gran número de wikis baseadas neste software que nada teñen que ver con dita fundación. A maioría deles dedícanse á documentación de software ou a temas especializados.

Tamén se chama así ao espazo de nomes (véxase máis abaixo) de MediaWiki onde se achan as mensaxes da súa interface listos para a súa tradución á lingua local de cada wiki.

MediaWiki foi desenvolvido orixinalmente para Wikipedia por Magnus Manske, co fin de substituír a UseModWiki como motor do wiki (ao que os colaboradores de Wikipedia chamaron "Fase I"). Á primeira versión chamáballa, simplemente "software de Wikipedia fase II".

A mediados de 2002 o programa foi reescrito e mellorado, dando lugar á chamada "fase III", e seguiu desenvolvéndose desde entón a partir dese código. O 29 de agosto de 2003, bautizouse ao innombrado programa como "MediaWiki", un xogo de palabras co nome da Fundación Wiki, que patrocina o seu desenvolvemento. A primeira versión con este nome chamouse, entón, "MediaWiki-stable 20030829". Empezouse entón a pensar as novas versións pensando en posibles usuarios alleos a Wikipedia, mellorando especialmente en aspectos como a instalación do software.

O nome "MediaWiki" é criticado en ocasións por ser fácil de confundir co da fundación por parte de xente allea a Wiki Galego.

Versión 1.3

A versión 1.3 foi publicada en maio de 2004; a principal novidade foi a aparición dun sistema xerárquico de categorías para ordenar as páxinas.

Versión 1.4

MediaWiki 1.4 foi publicada o 20 de marzo de 2005, tras sufrir unha revisión do código que permitiu que certas tarefas requiriran a metade de tempo. O xefe de desenvolvemento a partir de entón foi Brion Vibber. Entre as novidades estaban:

• Cada usuario podía personalizar o idioma do interface.
• Úsase gzip para comprimir o texto das páxinas, logrando que o consumo de disco reducísese ao 15%. Ademais, agregouse compresión por bloques de versións antigas, de tal forma que se comprimían de forma combinada distintas versións dun mesmo artigo.

Versión 1.5

MediaWiki 1.5 foi publicado o 5 de outubro de 2005. Esta versión continuou os cambios de arquitectura iniciados na anterior, sendo o principal un importante redeseño do esquema da base de datos, que separa por completo o texto das páxinas e a información dos seus historiais. Espérase que isto aumente a velocidade de traslados (ou cambios de nome de artigos), listas de historiais, e permita almacenar datos invariantes fose da base de datos principal. Ademais, a nova versión admite o uso de gráficos SVG, converténdoos de forma transparente a outros formatos para navegadores que non os soportan.

Versión 1.6

A versión 1.6 de MediaWiki foi publicada o 5 de abril de 2006. Véxase notas de publicación na páxina oficial (en inglés).

Versión 1.7

Publicada o 7 de xullo de 2006. Véxanse as notas de publicación na páxina oficial (en inglés).

Versión 1.8

Publicada o 10 de outubro do 2006. Nela inclúese compatibilidade con DjVu e o uso de AJAX.

Versión 1.9

Publicada o 10 de xaneiro de 2007.

Versión 1.10

Publicada o 9 de maio de 2007.

Versión 1.11.0

Publicada o 10 de setembro de 2007.

Versión 1.12.4

A primeira versión 1.12.0 foi publicada o 20 de marzo de 2008. A última revisión 1.12.4, con correccións de bugs e seguridade o 7 de febreiro de 2009.

Versión 1.13.4

A primeira versión 1.13.0 foi publicada o 14 de agosto de 2008. A última revisión 1.13.4, con correccións de bugs e seguridade o 7 de febreiro de 2009.

Versión 1.14.0

Esta é a primeira versión estable de MediaWiki de 2009. Foi publicada o 22 de febreiro de 2009.

Versión 1.15.0

Contén varias correccións de bugs menores desde a súa versión anterior. Foi publicada o 10 de xuño de 2009.

Versión 1.16.0

Publicada en 2010.

Versión 1.17.0

Publicada en 2011. É a versión estable actualmente e a que se debería descargar para instalacións novas.

• A diferenza dos wikis clásicos, os nomes das páxinas non teñen porqué estar en CamelCase, o que permite ter nomes máis naturais.
• Espazos de nomes: permiten separar páxinas de distintos tipos. Así, pódese ter un espazo de nomes para artigos, outro para persoais, outro para debates etc. que o software trata de distinta forma.
• Páxinas de discusión: cada páxina do wiki ten unha páxina de discusión propia, dedicada a falar da súa mellora ou outros fins.
• Soporte de TeX, para visualizar fórmulas matemáticas. As fórmulas poden mostrarse de varias formas, segundo as capacidades do navegador.
• Listas de seguimento, de tal forma que cada usuario poida seguir os cambios nos artigos do seu interese.
• Sistema de plugins que permite estender facilmente o software. Os plugins instalados lístanse automaticamente en "Páxinas especiais".
• Capacidade de bloquear temporalmente usuarios ou páxinas.
• Soporte de persoais personalizadas con parámetros.
• Creación de liñas de tempos a través de código wiki.
• Sistema de categorías xerárquico, que permite crear listas de artigos ou de "thumbnails" de imaxes.
• Admite varios niveis de usuario, así como a posibilidade de que só os usuarios rexistrados poidan editar, ou de impedir o rexistro de máis usuarios. Así, pode utilizarse como CMS ou Groupware.
• Soporte para memcached e o sistema de caché Squid.
• Peles ("skins") personalizables por cada usuario.

Outros artigos

• m:MediaWiki
• Wiki: Espazo de nomes de MediaWiki
• Wiki: Informes de erro

Ligazóns externas

• Páxina oficial
• Axuda en Meta
• MediaWiki: por que?^{[Ligazón morta]}
• Como instalar MediaWiki
• Foro para administradores e usuarios de MediaWiki (en inglés)