Elizabeth Arden
Florence Nightingale Graham, nada en Woodbridge, Ontario, o 31 de decembro de 1881 e finada en Manhattan o 18 de outubro de 1966, coñecida co nome de negocios Elizabeth Arden, foi unha empresaria canadense-estadounidense que fundou Elizabeth Arden, Inc.
e construíu un emporio de cosmética nos Estados Unidos de América.
  | |
| Biografía | |
|---|---|
| Nacemento | (en) Florence Nightingale Graham 31 de decembro de 1881 Woodbridge, Canadá (en)  |
| Morte | 18 de outubro de 1966 (84 anos) Nova York, Estados Unidos de América |
| Lugar de sepultura | Cemitério de Sleepy Hollow (pt) |
| Datos persoais | |
| País de nacionalidade | Estados Unidos de América Canadá |
| Actividade | |
| Ocupación | empresaria , cosmetologist (en) , emprendedora |
| Lingua | Lingua inglesa |
| Familia | |
| Cónxuxe | Michael Evlanoff |
Premios
| |
    | |
Traxectoria
Arden naceu na noitevella de 1881 en Woodbridge, Ontario. Os seus pais emigraran ao Canadá dende Cornualla na década de 1870. O seu pai, William Graham, era escocés, e a súa nai, Susan (Tadd), era córnica e lograra dunha tía rica de Cornualla que pagase a educación dos seus fillos. Arden abandonou a escola de enfermaría de Toronto.
Uniuse entón ao seu irmán máis vello en Manhattan, traballando como contable para a compañía farmacéutica E. R. Squibb. Mentres estaba alí, Arden pasaba horas no laboratorio, aprendendo sobre coidado da pel. Entón traballou (tamén brevemente) para Eleanor Adair como "moza de tratamento". Nos salóns e nas campañas de mercadotecnia, Elizabeth Arden insistiu en ensinar ás mulleres como aplicarse maquillaxe e foi pioneira en conceptos como a formulación científica dos cosméticos.
Arden foi unha dedicada sufraxista, e dise que participou en marchas polos dereitos das mulleres en 1912. É unha ficción popular que proporcionou ás mulleres da marcha barras vermellas para os beizos como sinal de solidariedade, mais existen poucas evidencias contemporáneas que apoien a hsitoria. As mulleres que particparon na marcha de 1912 foron aconselladas que levasen o mesmo sombreiro de palla de sete dólares, vestir de branco e levar os seus fillos como proba de responsabilidade e simplicidade. Nunca se mencionou o uso de cosméticos, o que non é sorprendente, xa que os beizos pintados de vermello estaban aínda relacionados de xeito sórdido co teatro. Mesmo en 1920 a propia Arden falaba de xeito despectivo do "po e do colorete... tan obvios no seu artificio que o seu uso pode considerarse de gusto cuestionable".
En 1909, Arden asociouse con Elizabeth Hubbard. A relación de negocios disolveuse en 1910. Graham, que desexaba un nome de marca empregou "Elizabeth" para aforrar cartos nos letreiros dos salóns. O apelido "Arden" adoptouno dunha granxa próxima. Deste xeito formou a marca "Elizabeth Arden". A partir de aí, Arden fundou en 1910 o salón Red Door de Nova York.
En 1912, Arden viaxou a Francia para aprender técnicas de beleza e masaxe facial que se utilizaban nos salóns de beleza de París. Volveu cunha colección de coloretes e pos que creara. Comezou a expandir as operacións internacionais en 1915 e empezou a abril salóns por todo o mundo. En 1934, abriu o spa residencial Maine Chance en Rome, Maine, primeiro spa de beleza nos Estados Unidos, que funiconou ata 1970.
En 1962, o goberno francés entregou a Arden a Lexión de Honra en recoñecemento das súas constribucións á industria cosmética.
Arden faleceu no Hospital Lenox Hill en Manhattan o 18 de outubro de 1966. Foi enterrada no cemiterio de Sleepy Hollow, Nova York, baixo o nome de Elizabeth N. Graham.
Na cultura popular
O musical War Paint dramatiza a súa rivalidade con Helena Rubinstein. Tras unha estrea de éxito no Goodman Theater de Chicago, o espectáculo debutou en Broadway no Nederlander Theatre o 6 de abril de 2017 e recibiu catro candidaturas aos premios Tony, incluída a de mellor actriz para a interpretación de Christine Ebersole como Arden e para Patti Lupone por interpretar a súa rival, Rubinstein. Cancelouse o 5 de novembro de 2017.
Elizabeth Arden aparece como a estudante de enfermaría Florence Nightingale Graham no episodio 2 da 12.ª temporada do drama de época da CBC Murdoch Mysteries, emitido o 1 de outubro de 2018. Arden foi interpretada por Kathryn Alexandre.
Notas
Véxase tamén
Bibliografía
- Woodhead, Lindy (2004). War Paint. Virago. p. 94. ISBN 978-1-84408-049-6.
- Haag, Karin Loewen (1999). "Arden, Elizabeth". En Commire, Anne. Women in World History: A biographical encyclopedia 1. Waterford, CT: Yorkin Publications, Gale Group. pp. 442–446. ISBN 978-0787640804.
- Marshall, Mary (2008). Great Breeders and Their Methods. Russell Meerdink Co. Ltd. ISBN 978-0-929346-82-3.
- Peiss, Kathy (2011). Hope in a jar: The making of America's beauty culture. University of Pennsylvania Press.
- Willett, Julie A. (2010). [Elizabeth Arden en Google Books. The American Beauty Industry Encyclopedia]
|url=incorrecto (Axuda). ABC-CLIO. pp. 22–25. - Woodhead, Lindy (2004). War Paint. Virago. ISBN 978-1-84408-049-6.
Ligazóns externas
- Elizabeth Arden at Elizabeth Arden, Inc.
- Elizabeth Arden at Elizabeth Arden, Inc. corporate
- FBI dossier on Elizabeth Arden
This article uses material from the Wikipedia Galego article Elizabeth Arden, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.