Fillo Carl Von Linné: Botánico sueco
Carl von Linné Fillo ou Carolus Linnaeus Filius, tamén coñecido como Carl von Linné o Mozo, nado en Falun, Condado de Dalarna, Suecia, o 20 de xaneiro de 1741, e finado en Uppsala o 1 de novembro de 1783, foi un naturalista sueco, fillo do famoso sistemático de mesmo nome Carl von Linné ou Carolus Linnaeus (1707 – 1778).
  | |
| Nome orixinal | (sv) Carl von Linné d.y. |
|---|---|
| Biografía | |
| Nacemento | 20 de xaneiro de 1741 Falu Kristine church parish, Suecia (en)  |
| Morte | 1 de novembro de 1783 (42 anos) Uppsala Cathedral Assembly, Suecia (en) |
| Causa da morte | Doença do fígado (pt) |
| Lugar de sepultura | Catedral de Uppsala (pt) 59°51′29″N 17°38′00″L / 59.8581, 17.6333 |
| Datos persoais | |
| País de nacionalidade | Suecia |
| Educación | Universidade de Uppsala |
| Actividade | |
| Campo de traballo | Botánica |
| Ocupación | botánico , profesor universitario , micólogo |
| Empregador | Universidade de Uppsala |
| Lingua | Lingua sueca |
| Obra | |
| Doutorando | Olof Peter Swartz (pt) |
| Abreviación dun autor en botánica | L.f. |
| Abreviatura do autor en zooloxía | L. f. |
| Familia | |
| Familia | Linné family (en) |
| Pais | Carl von Linné e Sara Elisabeth Moræa (pt) |
| Irmáns | Elisabeth Christina von Linné, Sara Christina von Linné (en) e Lovisa von Linné (en) |
 | |
 | |
Para distinguilo de seu pai, cítase como Linnaeus filius (abreviado en botánica como L. f.).
Traxectoria
Ingresou na Universidade de Uppsala á idade de nove anos, onde os alumnos do seu pai, entre eles: Pehr Löfling (1729 – 1756), Daniel Solander (1733 – 1782) e Johann Peter Falck (1732 – 1774), lle ensinaron ciencias.
En 1763, aos 22 anos, sucedeu o seu pai na cátedra de medicina práctica en Uppsala. O seu nomeamento como profesor, sen pasar por exames e non defender ningunha tese, valeulle o resentimento dos seus colegas.
A súa obra é modesta, comparada coa do seu pai. A súa obra máis coñecida é Supplementum Plantarum systematis vegetabilium, publicada en 1781, que contén as descricións botánicas de Linné pai e dos seus colegas, aumentada con adicións propias. Distinguiu máis de 2000 especies, subespecies e variedades botánicas.
Herdou de seu pai inmensas coleccións científicas e a correspondencia cos seus colegas.
Cando morreu aos 42 anos, sen fillos, en 1783, dunha ictericia contraída durante unha visita a Londres, a súa nai (Sara Elisabeth Moraea) vendeu as súas coleccións ao botánico inglés Sir James Edward Smith que, seguidamente, as doou á Sociedade Linneana de Londres.
Principais obras
- Decas prima (et secunda) plantarum rariorum horti upsaliensis, 1762-1763.
- Nova graminum genera..., 1779.
- Supplementum plantarum systematis vegetabilium editionis decimae tertiae, Generum plantarum editionis sextae, et Specierum plantarum editionis secunda, 1781.
- Methodus muscorum illustra, Uppsala, 1784.
Abreviatura
A abreviatura L. f. emprégase para recoñecer a Carl von Linné (fillo) como autoridade na descrición e taxonomía en botánica.
Véxase tamén
| Wikispecies posúe unha páxina sobre: Carl von Linné |
Ligazóns externas
- Carl Linnaeus fil. Arquivado 18 de agosto de 2000 en Wayback Machine. Swedish Museum of Natural History (en inglés).
- Linnaeus, Carl (1741-1783) no IPNI.
This article uses material from the Wikipedia Galego article Carl von Linné (fillo), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.