A Boca de Sauron é, no universo de ficción creado polo escritor británico J.
R. R. Tolkien">J. R. R. Tolkien, o nome co que se coñecía ó lugartenente de Barad-dûr, «pois o seu verdadeiro nome ata el o esquecera».
É un númenoreano negro con grandes coñecementos de feiticería, «máis malvado que o máis vil dos orcos». Entrara ó servizo da Torre Escura facía moitos anos, dende os tempos da segunda reconstrución.
Aparece ante a Porta Negra, montado nun temible cabalo como «embaixador» ante o desafío dos Capitáns do Oeste, para instar a Elessar e ós demais señores a que se rendesen ante Sauron, permanecendo como vasalos de Mordor. Faloulles a Gandalf e ós demais con palabras cheas de desprezo e odio, e amosoulles a modo de proba, as pezas de roupa que lle confiscaron a Frodo na Torre de Cirith Ungol. Tras negarse os capitáns a tales condicións, desaparece tralas Portas, dando paso ós exércitos de Sauron. Descoñécese o seu fin, aínda que se intúe que perece durante a caída do seu Amo.
No filme The Lord of the Rings: The Return of the King, só aparece na versión estendida editada en DVD, na que é interpretado por Bruce Spence. Leva un casco que oculta toda a súa cara agás a boca. No filme, ensina a cota de malla de mithril que os uruk-hai lle confiscaran a Frodo na torre de Cirith Ungol, e xáctase da morte do hobbit. Aragorn négase a crelo, achégase a el decapítao con Andúril.
A Galipedia ten un portal sobre: Terra Media |
This article uses material from the Wikipedia Galego article Boca de Sauron, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.