San Xulián de Barbos é unha parroquia do concello coruñés de Ortigueira, na comarca do Ortegal.
Segundo o padrón municipal de 2009 tiña 108 habitantes (62 mulleres e 46 homes) distribuídos en 27 entidades de poboación, o que supón unha diminución en relación ao ano 1999 cando tiña 124 habitantes.
Barbos | |
---|---|
Vista coa ria e o xuncal | |
Concello | Ortigueira |
Provincia | A Coruña |
Coordenadas | 43°41′00″N 7°49′30″O / 43.6833, -7.82497°49′30″O / 43.6833, -7.8249 |
Área | 3,1 km² |
Poboación | 90 hab. (2017) |
Densidade | 29,03 hab./km² |
Entidades de poboación | 27 |
[ editar datos en Wikidata ] |
Este topónimo ten a súa orixe nun xentilicio prerromano. Está atestado como Sancti Juliani de Baruaos no 1137, e máis tardiamente como Barboos, o cal apoiaría a hipótese de E. Bascuas de derivar dunha protoforma *Bharwanos, a partir do radical *barw-, derivado da raíz indoeuropea *bher- 'ferver, manancial'. Este xentilicio faría referencia a habitantes oriundos dun lugar chamado Barba ou similar.
Barbos está situada ao sur da enseada de Ladrido nas abas dos montes de Pereira e Seoane. Os límites son polo norte as brañas da enseada de Ladrido, polo sur a parroquia de San Salvador de Couzadoiro, polo oeste a parroquia de Luía e polo leste a parroquia do Mosteiro. A estrada AC-682 atravesa a parroquia pola beiramar, o mesmo que fai o camiño de ferro de FEVE Ferrol-Oviedo, mais non ten apeadoiro.
A igrexa parroquial que se atopa no lugar da Rúa está construída en planta de cruz latina e ten campanario na fronte e un cemiterio acaroado.
Lugares da parroquia de Barbos no concello coruñés de Ortigueira | |
---|---|
O Ameneiral | O Augueiro | A Brea | O Cal | A Cancela | A Cruz | Ervilleiro | Estevo | Lobeiros | O Lombo de Abaixo | O Lombo de Arriba | O Outeiro | A Pardiñeira | Pé do Altar | A Pereira | Os Petañosl | A Rama | O Regueiro | O Río | A Rúa | Sobrado de Abaixo | Sobrado de Arriba | O Souto | A Torre | Valella | A Veiga | Vilabade |
This article uses material from the Wikipedia Galego article Barbos, Ortigueira, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.